எப்படி மதம் தோன்றியது? உலகின் முதல் மறை எது? -பகுதி -3 ( 11 - 14 )

எப்படி மதம் தோன்றியது? உலகின் முதல் மறை எது? - 11

தொடருகிறது...............

விரும்பினால் இந்தியாவின் மறுபக்கம் என்ற நேற்றைய கட்டுரையை ஒரு முறை படிக்கவும். இன்றே இந்த முறையில் பெண்கள் கொடுமைக்கு உள்ளாகும் போது,அன்று எந்த நிலையில் கொடுமைக்கும் சித்திரவதைக்கும் உள்ளாகி இருப்பார்கள் என்பதை தெரிந்து கொள்ள முடியும்.

இறைதூதர்களும் அவதாரங்களும் ஒரே கூட்டாளிகளான ஒரே இடத்தில் உருவான மதங்களான கிறித்துவம்,இஸ்லாம்,இந்து மதங்களிடையே உருவாக்கப்பட்டன.

நாகரீகம் உருவான சுமேரியா,கிறித்தவம் இந்துமதம் உருவாவதற்கு முந்தைய மொகெஞ்சதாரோ, மாயன்,ஆபிரிக்க நாடுகள்,சீனா  இங்கெல்லாம் இந்த அவதாரங்கள்,இறைதூதர்கள் வரவில்லை என்கிறது வரலாறு.

ஆபிரகாம் குடும்பம்.........



இரண்டாயிரம் ஆண்டுகளுக்குப் பின்னரான நிகழ்வுகளையே அறுதியிட்டு சொல்ல முடியாமல் இருக்கும் போது, இவை எல்லாம் புனைகதையாகவோ ஆதாரமற்றவையாகவோ தான் எடுத்துக் கொள்ள முடியும் என்பது வரலாற்று - தொல்பொருள் ஆய்வாளர்கள் கருத்தாக உள்ளது. சொல்லப்பட்டவை எல்லாம் நடந்திருந்தாலும் கூட ஆதரங்கள் இல்லாதவரை புனைகதையே எனக் கூறுகின்றனர்.

மேற்கத்திய மதங்கள் இயேசுவிற்குப் பின்னர் -2000 ஆண்டுகளில் இருந்து-ஆரம்பமாகின்றன.

ஆபிரகாமுக்கு முக்கியத்துவம் கொடுக்கும் யூதம்,கிறித்தவம்,இசுலாம் என்ற மூன்று மதங்களுடன் பகாய் என்ற மதமும் ஆபிரகாமிய சமயங்கள் என்று சொல்லப்படுகின்றன. இவை ஆபிரகாமை  ஒரு முக்கிய தீர்க்கதரிசியாக கொள்கின்றன.

இந்த சமயங்களில் சொல்லப்பட்டவை பல வெண்கலக் காலத்தின் முடிவில் இசுரயேலர்களால் (எகிப்தில் இசுரேலியர்கள் அடிமைகளாக இருந்தனர்) காணான் நாட்டில் இயற்றப்பட்ட புனைவுக்கதையாக வரலாற்று ஆசிரியர்கள் கருதுகின்றனர்.

அப்படி மக்களை தலைமை தாங்கி அழைத்து செல்லத் தொடங்கிய சிலரில் மூவாயிரத்து நானூறு ஆண்டுகளுக்கு முன்னர் வாழ்ந்த மோசஸ்,....................

அவர் அன்றைய மக்களின் கடவுள் நம்பிக்கையை வைத்து,..............



தனக்கு கடவுள் கட்டளையிட்டதாக கூறி 10 கட்டளைகளை மோசஸ் காண்பிக்கிறார். இதனால் மக்களைக் கொடுமைப் படுத்தியவர்களில் இருந்து  காத்து வேறு பாதையில் கொண்டு செல்ல முடியும் என நம்பினார்.

மோசஸைத் தொடர்ந்து நானூறு ஆண்டுகளுக்குப் பின்னர் இயேசு தன் கருத்துக்களை மக்களிடம் விதைக்கிறார்.





அதைத் தொடர்ந்து வந்த மதச் சண்டைகளைத் தொடர்ந்து, கடவுளின் தூதுவர் மூலம் குரான் செய்தியை மகமதுவிற்கு சொல்லப் போகும் கடவுள்.....



கடவுளை வைத்து இவர்கள் சொன்ன கருத்துக்கள்........

கொடுமையாளர்களிடம் சிக்கித் தவித்த மக்களைக் கவர்ந்தன.அவர்கள் பின்னால் மக்கள் செல்ல ஆரம்பித்தனர்.

அதே சமயம் அவர்களும் பல துன்பங்களை அனுபவிக்க வேண்டி வந்தது. இயேசு சிலுவையில் ஏற்றப்பட்டதும்,மொகமது மெக்காவில் இருந்து மெதீனாவிற்கு ஓடியதுமாக தொடர்ந்தது. மேற்கு-அரபு-இசுரயேல்-பகுதிகளில் இயேசுவைத் தொடர்ந்தே மதங்கள் ஆரம்பமாகின்றன.

தொடரும்.....................

எப்படி மதம் தோன்றியது? உலகின் முதல் மறை எது? - 12

தொடருகிறது...................

ஆபிரிக்கா ,அமெரிக்காவின் ஆதிக் குடிகளிடம் வெவ்வேறு பெயர்களில் உருவ வழிபாடு இருந்திருக்கிறது. அவர்களின் தலைவர்கள் வழிகாட்டலில் அவர்கள் சென்றது தெரிய வருகிறது.



ஆபிரிக்காவில் பல தெய்வங்கள் பெயரிப்பட்டிருந்தன. அவர்களுக்கு காய்கள், பழங்கள், இறைச்சி படைத்து வழிபாடு செய்ததை அறியக் கூடியதாக இருக்கிறது. தற்போதும் சில இடங்களில் இந்தப் பாரம்பரிய வழிபாட்டு முறைகளைக் காண முடிகிறது.







உடலில் நிறங்களைப் பூசியும்,நடனமாடியும் பாடியும் வழிபட்டார்கள். இவர்களின் அதி உயர்ந்த கடவுள் மவு-Mavu- என அழைக்கப்பட்டார்.ஆனாலும் ஆபிரிக்காவின் வெவ்வேறு பகுதிகளில் வெவ்வேறு பெயர்களும்,மதத்திற்கான புனித நூல்களும் இருந்தது கண்டறியப்பட்டுள்ளது. ஐரோப்பியர்கள் எகிப்தை ஆக்கிரமித்ததைத் தொடர்ந்து கிறித்தவமும்,பின்னர் மொகமதுவின் எகிப்திய நகர்வைத் தொடர்ந்து இஸ்லாமும் பெரும்பான்மை ஆபிரிக்க மக்களை மாற்றத் தொடங்கின.
சாமொன் ஆசீர்வாதம்...............



அமெரிக்க சிவப்பு இந்தியர்களும் இதே போல் வழி நடத்திச் சென்ற தலைவர்களின் கருத்துகளை ஏற்று நடந்தனர். ஆடுவதும் பாடுவதும் பிரார்த்தனையாக இருந்தது.





அனேகமாக அமெரிக்க ஆதிக் குடிகளான சிவப்பு இந்தியர்களிடம் -மாயா நாகரீகம் - கடவுளுக்கு அடுத்து மிகப்பெரிய மனிதராக சாமொன் - Shaman - Medicine Man- என்பவர் இருந்தார் எனவும் அங்குள்ள வேறு பலரிடம் அனிமிசும் - Animism - என்று அழைக்கப்படும் மத நம்பிக்கை இருந்ததும் காணப்பட்டுள்ளது.

சூரிய வணக்கம் ….............ரவன் -Ravon- என்ற தூதுப் பறவையும்......



ஆடி முடிந்ததும் சமைக்கப்பட்ட தானியங்களைப் படைப்பார்கள்.........





ஆபிரிக்கா அமெரிக்கா வாழ்ந்தவர்களிடமும் அவதாரங்களோ,இறை தூதர்களோ வந்ததாக தெரியவில்லை.

தொடரும்.............

எப்படி மதம் தோன்றியது? உலகின் முதல் மறை எது? - 13

தொடருகிறது..................

சுமேரியர் வணங்கிய கடவுள் இப்படிக் காட்டப்படுகிறது. தொல்பொருள் சாட்சியம்......



அதே சமயம் இந்தியாவில் தமிழர்கள் தனியாக மதம் ஒன்றை ஆரம்பிக்காத நிலையில் ஆரியரின் வருகையைத் தொடர்ந்து அவர்கள் ஒரு புதிய மதக் கொள்கைகளை தொடங்கிய போது தமிழர்களிடையே தொடக்கத்தில் இருந்து வந்த சமயக் கருத்துகளை அடிப்படையாக வைத்து சைவ சமயம் தழைக்கத் தொடங்கியது.

ஆரியர்கள் தங்கள் கருத்துகளை வைப்பதற்கு முன்னர் கிறித்துவுக்கு ஆறு நூற்றாண்டுகள் முன்னர் கி.மு.560 அளவில் நேபாளம் லும்பினியில் பிறந்த புத்தரை மதத் தலைவராக வைத்து புத்தமதம் தொடங்கியது.



கி.மு.ஆறாம் நூற்றாண்டளவில் இந்தியா-பீகார்- வாழ்ந்த மகாவீரரின் கருத்துகளை ஏற்று உருவானது சமண சமயம்-சைனம்-ஆருகதம் ஆகும். ஆடை அணியாமல் சமணத் துறவிகள் இருப்பதால் தமிழில் அமணம்-சமணம் (அல்லது சிரமண என்பதில் இருந்து) என மாறியது எனச் சொல்வர்.

ஆனாலும் சமணம் மாவீரருக்கு முன்னரே தொடங்கப்பட்டு விட்டது என்றும்,மாவீரர் சில மாற்றங்களை மட்டும் கொண்டு வந்தார் என்பதே ஏற்றுக் கொள்ளக் கூடியதாக இருக்கிறது. மாவீரருக்கு முன்னர் 24 சமண
பெரியார்கள் இருந்தார்கள் என்றும் அவர்களே சமணக் கருத்துக்களுக்கு முன்னோடியாக இருந்தனர் என்றும் சொல்லப்படுகிறது.



வேத காலத்திற்கு முன்னரே சமண மதம் தொடங்கப்பட்டு விட்டது என்பதால் மதம் என்று பார்க்கும் போது சமணம் முதல் தோன்றியது எனக் கொள்ளலாம். மாவீரரும் புத்தரும் ஒரே காலத்தில் வாழ்ந்தவர்களாவர்.



சீனாவில் கி.மு 550 அளவில் வாழ்ந்த கான்பூசியஸ் மதத் தலைவர் அல்லர்.அவர் ஒரு சமூக சிந்தனையாளர் ஆவர். சீனாவில் வரலாற்றுக்கு முன்னர் நடந்த பல கதைகள் சொல்லப்பட்டு வந்தன.கான்பூசியஸ் மதத் தலைவர் அல்லாத நிலையில் அடுத்து புத்த மதம் பரவியது எனலாம்.



ஆனாலும் அதற்கு முன்னரும் (தற்போதும் கூட) மூதாதையர்களை-Ancestor- வழிபடும் முறை இருந்து வந்தது.

தொடரும்................

எப்படி மதம் தோன்றியது? உலகின் முதல் மறை எது? - 14

தொடருகிறது............





ஆனாலும் இங்கே ஒரு விசயத்தைக் கவனிக்க வேண்டும். சித்திரவதைகளை அனுபவித்து வந்த மக்கள்,பெண்கள்,அடிமைகள், தவறான வழிகாட்டல், பொய்யான கடவுட் கொள்கை இவற்றில் இருந்து மக்களை விடுவிக்கப் போராடி சித்திரவதைகளை அனுபவித்த ஜேசு மொகமது அல்லது அகிம்சைக் கொள்கைகளை சொன்ன புத்தரோ,மற்றவர்களோ தங்களை வைத்து மதத்தை தோற்றுவிக்க அல்லது தங்களை வைத்து ஒரு மதத்தை  உருவாக்க எண்ணியது கிடையாது என்பதே உண்மையாகும்.





இயேசு மொகமது தங்களை இறை தூதர்களாக சொல்லிக் கொண்டனர். இந்துக்கள் கடவுள் அவதாரம் எடுத்து வந்ததாக சொல்லிக் கொண்டனர். தமிழர்கள் தனியான மதத்தைக் கொண்டிரா விட்டாலும் கடவுட் கருத்தில் உறுதியாக இருந்து வந்தனர். வேத காலத்திற்கு முந்தைய மாவீரர்,புத்தர்,கான்பூசியஸ் எவரும் தங்களை இறை தூதர்களாகச் சொல்லிக் கொள்ளவில்லை.

ராஜிவ்காந்தியை வைத்து சோனியாவும், இலங்கையில் பண்டாரநாயக்காவை வைத்து சிறிமாவோவும் கட்சியை உருவாக்கி அரசியலில் ஆதிக்கம் செலுத்தியது போல், பின் வந்த ஆதரவாளர்கள் இஜேசுவையும்,மொகமதுவையும்,புத்தரையும் வைத்து மதத்தை உருவாக்கினார்கள்.

பெண்களை வேட்டையாடி மகிழும் ஐ.எஸ்.ஐ.எஸ்



அந்த மதம் அன்றைய நிலையை விட இன்று மூர்க்கமாக உலகை ஆட்டிப் படைத்துக் கொண்டிருக்கிறது.தங்கள் மதத்தில் கட்டாயமாக சேர்த்துக் கொண்டார்கள் சிலர்,சிலர் பயமுறுத்தினார்கள்,சிலரோ சலுகைகள் கொடுத்து சேர்த்தனர். மற்றைய மதங்கள் மீது வசை பாடினார்கள்



இன்று எப்படி கட்டாயமாக ஈராக்-யசிடுகள்,குர்டிசுகள் மதம் மாற்றம் செய்யப்படுகின்றனரோ..... அப்படி............





இந்த வரிசையில் தங்கள் உயிர்களை விட்ட பழைய மத எதிர்ப்பாளர்கள் இயேசு, ஆரிய இந்து மதத்திற்கு எதிராக செயல்பட்ட -கொல்லப்பட்ட தினத்தை தீபாவளியாக கொண்டாடும்- சூரன், அசுரன் என பெயர் சூட்டப்பட்ட தமிழ் குறு நில மன்னர்கள் போன்றவர்களைச் சொல்லலாம்.

இந்தப் போரில் திருவள்ளுவரும் தப்பவில்லை என்பதை ஆய்வாளர்கள் சொல்லத் தயங்கவில்லை.

ஆற்றல் அழியுமென்று அந்தணர்கள் நான்மறையைப்
போற்றி உரைத்து ஏட்டின் புறத்தில் எழுதார் - ஏட்டை எழுதி
வல்லுநரும் அல்லாரும் வள்ளுவனார் முப்பாலைச்
சொல்லிடினும் ஆற்றல் சோர்வின்று..........திருவள்ளுவமாலை.

சாதி, மத சூழ்ச்சிகளை யாரும் அறிந்து தெளிவு பெறக்கூடாது என்று ரிக், யசூர், சாம, அதர்வணம் என்கிற நூல்களை ஆரியர்கள் மறைத்து விட்டார்கள். ஆனால் வள்ளுவரோ அந்த நூல்களுக்கு எதிராக மூன்று வகையான வாழ்வின் நெறிகளைச் சொல்லும் திருக்குறளை எழுதினார் என்பதுதான் இப்பாடலின் பொருள்.

இந்த நிலையில் வள்ளுவன் தந்த குறள் தப்பியது. ஆனாலும் அவன் வாழ்க்கைக் குறிப்புகள் அழிக்கப்பட்டன.

தொடரும்..............