ஆண்டர்சன் தப்பியதற்கு மத்திய அரசுதான் பொறுப்பு: அர்ஜுன் சிங்

புது
தில்லி, ஜூன் 19: போபால் விஷவாயு சம்பவத்துக்குக் காரணமான யூனியன்
கார்பைடு ஆலையின் முன்னாள் தலைவர் வாரன் ஆண்டர்சன் அமெரிக்காவுக்குத்
தப்பிச் சென்றதற்கு மத்திய அரசுதான் பொறுப்பு என்று மத்தியப் பிரதேச
முன்னாள் முதல்வர் அர்ஜுன் சிங் குற்றம் சாட்டினார்.÷இது தொடர்பாக
கடந்த இரண்டு வாரங்களாக மெüனம் சாதித்து வந்த அர்ஜுன் சிங், தற்போது இத்
தகவலை தெரிவித்து புதிய திருப்பத்தை ஏற்படுத்தியுள்ளார். ஆங்கில நாளிதழ்
ஒன்றுக்கு அளித்த பேட்டியில் அவர் இத் தகவலை தெரிவித்துள்ளார்.÷1984-ம்
ஆண்டு மத்தியப் பிரதேச மாநில தலைநகர் போபாலில் உள்ள யூனியன் கார்பைடு
ஆலையில் டிசம்பர் 2-ம் தேதி நள்ளிரவு விஷவாயு வெளியானது. மிதைல் ஐசோ
சயனைட் கலந்த இந்த வாயு வெளியேறியதால் 15 ஆயிரத்துக்கும் அதிகமானோர்
உயிரிழந்தனர்.÷விஷ வாயு பாதிப்பு காரணமாக லட்சத்துக்கும் அதிகமானோர் பாதிக்கப்பட்டு இன்றளவும் போராடி வருகின்றனர்.÷இந்த
விபத்து நடந்து 26 ஆண்டுகள் கடந்து விட்ட நிலையில் ஜூன் 7-ம் தேதி போபால்
நீதிமன்றத்தில் இந்த வழக்கின் தீர்ப்பு வெளியானது. இதில் குற்றம்
சாட்டப்பட்ட 7 பேருக்கு அதிகபட்சம் 2 ஆண்டு சிறைத் தண்டனை விதிக்கப்பட்டது.÷இதனால்
பாதிக்கப்பட்ட மக்கள் மட்டுமின்றி அனைத்து தரப்பினரிடையேயும் கடும்
அதிர்ச்சி ஏற்பட்டது. இந்த வழக்கு நீர்த்துப் போனதற்கு மத்திய அரசும்,
விசாரணை நடத்திய சிபிஐ-யும்தான் காரணம் என குற்றம் சாட்டப்பட்டது.÷இது குறித்து விரிவான அறிக்கை அளிக்குமாறு பிரதமர் உத்தரவிட்டார். அதன்படி அமைச்சர்கள் குழு விசாரணை நடத்தி அறிக்கை அளிக்க உள்ளது.÷இந்த வழக்கில் முக்கிய குற்றவாளியான நிறுவனத்தின் முன்னாள் தலைவர் வாரன் ஆண்டர்சன் குறித்து எதுவும் தெரிவிக்கப்படவில்லை. ÷விஷவாயு
வெளியானபிறகு டிசம்பர் 7-ம் தேதி கைது செய்யப்பட்ட ஆண்டர்சன், பின்னர் 2
ஆயிரம் டாலர் ஜாமீனில் விடுவிக்கப்பட்டார். இந்தியா வருவதாகக் கூறிச்
சென்ற அவர் வரவேயில்லை.÷இந்தியாவிலிருந்து அவர் தப்பிச் செல்வதற்கு அரசு காரும், விமானமும் காத்திருந்ததாக தகவல்கள் வெளியாயின.÷அப்போது
மத்தியப் பிரதேச முதல்வராயிருந்த அர்ஜுன் சிங் இது தொடர்பாக எவ்வித
கருத்தும் தெரிவிக்காமல் இருந்தார். தற்போது ஆண்டர்சன் இந்தியாவை விட்டு
வெளியேறியதற்கு மத்திய அரசுதான் காரணம் என்று அவர் குறிப்பிட்டுள்ளார். ÷இந்த விஷயத்தில் தனக்கென எவ்வித நிலைப்பாடும் கொண்டிருக்கவில்லை என்று அந்த பேட்டியில் அவர் தெரிவித்துள்ளார்.÷அப்போது
மத்தியில் ஆட்சியில் இருந்த ராஜீவ் காந்தி தலைமையிலான காங்கிரஸ் அரசுதான்
காரணம் என அவர் கூறியுள்ளதன் மூலம் இப்போது காங்கிரஸýக்கு நெருக்குதலை
ஏற்படுத்தியுள்ளார். ÷ஆண்டர்சன் தப்பிச் சென்றதற்கு அப்போதைய
மத்திய அரசுக்கு எவ்வித தொடர்பும் இல்லை என்று இதுவரை காங்கிரஸ் கட்சி
தெரிவித்து வந்தது. மேலும், மத்திய உள்துறை அமைச்சராயிருந்த பி.வி.நரசிம்ம
ராவ் மற்றும் அமைச்சரவைச் செயலர் சி.ஆர்.கிருஷ்ணசாமி ராவ் ஆகியோரின்
ஆலோசனையின் பேரிலேயே ஆண்டர்சன் பாதுகாப்பாக அனுப்பி வைக்கப்பட்டார் என்று
அப்போது வெளியுறவுத் துறைச் செயலராக இருந்த ரஸ்கோத்ரா குறிப்பிட்டதையும்
காங்கிரஸ் கட்சி மறுத்தது.÷சுய சரிதையில்...: போபால் விஷவாயு
சம்பவம் குறித்து தனது சுய சரிதையில் எழுதப் போவதாகவும், அப்போது
இதுபற்றிய முழு விவரமும் வெளியாகும் என்று அர்ஜுன் சிங் தெரிவித்துள்ளார்.÷காங்கிரஸ்
மெüனம்: இதுவரையில் இந்த சம்பவம் முழுவதற்கும் அர்ஜுன் சிங்தான் பதில்
அளிக்க முடியும் என்று கூறிவந்த காங்கிரஸ் கட்சி, தற்போது கருத்து எதையும்
தெரிவிக்கவில்லை. இது தொடர்பாக கட்சியின் கருத்துகள் ஏற்கெனவே
தெரிவிக்கப்பட்டு விட்டதாகவும், மேற்கொண்டு சொல்வதற்கு ஒன்றுமில்லை என்று
கட்சியின் அகில இந்திய பொதுச் செயலர் ஜனார்தன் திவிவேதி குறிப்பிட்டார்.