கணினிகளில் வந்தட்டின் ஆரஞ்ச் நிற ஒளிர்வு,வேலை செய்யாத போதும், தொடர்ந்து ஒளிர்வது ஏன்?

கணினிகளில் வந்தட்டின் ஆரஞ்ச் நிற ஒளிர்வு,வேலை செய்யாத போதும், தொடர்ந்து ஒளிர்வது ஏன்?

கணினிகளில்  மறைக்கப்பட்டும்  நாம் தெரிந்து கொள்ளாமலும் இருக்கும் பல வசதிகளை எப்போதாவது தெரிந்து கொண்டதும்,இவ்வளவு நாளும் இதை தெரிந்து கொள்ளவில்லையே என ஆச்சரியப்படுவதுண்டு. இலவச மென்பொருள்கள் அறிமுகமாகும் போது அப்படியான வசதிகள் நமது கணினியிலேயே இருப்பதைக் கண்டு வருகிறோம்.

கணினியில் உள்ள எல்லா செயலிகளையும் மூடி விட்டு,கைகளை உயர்த்தி சோம்பல் முறிக்கும் போது, கணினியில் உள்ள வந்தட்டக லெட் -Orange Led flah- சில சமயங்களில் ஒளிருவதைக் கண்டிருப்போம்.(Green Led Flash-Power , Orange Led Flash ) சாதாரணமாக கணினியில் ஏதாவது செயலிகள் திறந்திருக்கும் போதோ அல்லது Screen Saver வேலை செய்தால் அந்த ஒறேஞ் நிற விளக்கு ஒளிர வேண்டும். ஆனாலும் இவை எதுவும் இல்லாத போதும் ஒளிருவதைக் கண்டிருப்போம். ஏன் அப்படி ஒளிருகிறது என்று எப்போதாவது எண்ணிப் பார்த்ததுண்டா?

கணினியின் பின்புறம் -background – ஏதாவது செயலிகள் வேலை செய்யும் போது இப்படி ஒளிருகிறது. சில சமயம் மால்வெயராக கூட இருக்கலாம்.இல்லையேல்.........

கணினி தன் முதலாளி மீது அளவிலா பற்றும் விசுவாசமும் கோண்டது. சில updates, Task Scheduler இல் உள்ள செயற்பாடுகளை, கணினியில் நாம் வேலை செய்யாத போது,அதாவது சும்மா இருக்கும் போது, எசமானனுக்கு தொந்தரவு கொடுக்காது, செயல்படுவதால் இந்த Orange நிற பிளாஷ் ஒளிருகிறது.


நாம் வேலை செய்யும் போது நம்மை தொந்தரவு செய்யாது,கணினியை மெதுவாக்க விரும்பாமல், சிறிய ஓய்வு கிடைக்கும் போது அதைப் பயன்படுத்தி, பின்புற வேலைகளை கணினி செய்து கொள்ளுகிறது.இதன் காரணமாகவே கணினியில் உள்ள ஆரஞ் ஒளிரி ஒளிர்கிறது.இதைக் கண்டறிய நாம் System Tools- Task scheduler செல்லலாம்.

கணினிக்கு என்ன அப்படி ஒரு பெரிய வேலை பின்னால் background இல் உள்ளது?

இயங்குதளத்தில் file-indexing services என ஒரு செயல்பாடு உள்ளது. இந்த செயல் கணினியில் நாம் எந்த வேலையையும் செய்யாதபோது நடைபெறுகிறது. அதாவது கணினி வந்தட்டில் உள்ள அனைத்து கோப்புகளையும் பரிசோதித்து database ஒன்றை உருவாக்கிறது. இந்த database நாம் எதையாவது தேடும் போது சுலபமாக உதவி செய்கிறது.indexing service கோப்புகளிடையே நகர்ந்து கவனிப்பதுடன்,வந்தட்டை உசாராக-அக்டிவாக- வைத்திருக்கிறது.

இதேபோல் Disk Defragmentation, Scheduled Antivirus Scans, Backups, Automatic Updates,  உலாவி, BitTorrent clients போன்ற மென்பொருளின் தானியங்கி மேம்படுத்தலையும் செய்கிறது.
மால்வெயர்,spyware போன்றவை எனச் சந்தேகம் ஏற்படுமாயின்,உடனே ஸ்கன் செய்து கொள்ளலாம்.

வேலை செய்யாத போது ஆரஞ் நிற ஒளிர்வு இருக்குமானால் அல்லது கணினி மெதுவாகுமானால், Task Manager அல்லது Resource Manager இல் சென்றும் பார்த்துக் கொள்ளலாம்.

Task Manager செல்ல taskbar இல் வலது சொடுக்கு அல்லது Ctrl+Shift+Escape .வின்டோஸ் 8 /8.1 / 10 இல் disk activity ஐ சுலபமாக பார்க்க முடியும்.வின்டோஸ் 7 இல் Performance tab -Open Resource Monitor -மூலம் காணலாம். இதைவிட Windows- SysInternals tools -Process Monitor மூலம் அதிகமான விபரங்களைக் கண்டறிய முடியும்.

ஆகவே நாம் எந்த வேலையும் செய்யாத போது வந்தட்டின் Orange நிற ஒளிர்வு தொடர்ந்து இருக்குமானால் கவலை கொள்ள வேண்டிய அவசியம் கிடையாது. இருப்பினும் மால்வெயர்/வைரஸ் ஸ்கான் செய்து கொள்ளலாம்.

நல்ல விடயம்