வந்தட்டின் பெரும் பகுதியைக் காலியாக்கும் மைக்ரொசொப்ட்டின் cleanup manager update.

வந்தட்டின் பெரும் பகுதியைக் காலியாக்கும் மைக்ரொசொப்ட்டின் cleanup manager update.

இந்த விண்டோஸ் 7 அப்டேட் இல் cleanupmanager என்ற tool அப்டேட் செய்யப்பட்டுள்ளது. இதன்படி start-run-cleanmgr கொடுத்ததும் Disk Cleanup for .. என்ற சிறிய கட்டம் வரும். அதில் சுத்தப்படுத்த வேண்டிய drive எழுத்தைக் கொடுத்து OK கொடுக்கவும். சில வினாடிகளில் temp files போன்ற சிலவற்றை Ccleaner செய்வதைப் போல் அழித்து சுத்தம் செய்யலாம்.  இது அனைவருக்கும் தெரிந்ததே.

அக்டோபர் 8 ம் திகதி அப்டேட் செய்யப்பட்ட cleanup, விண்டோஸ் செயல்படுத்தும் தானியங்கி அப்டேட் பதிவுகளை அகற்றும் வசதியைக் கொடுத்துள்ளது.

விண்டோஸ் அப்டேட் செய்யும் போது பல files கள் கணினியில் சேமிக்கப்பட்டு ,பின்னர் நாம் கணினியை நிறுத்தும் போது(shutdown) கொஞ்சம் பொறுங்கள்,கணினியை நிறுத்தாதீர்கள்,அப்டேட் செய்த பின் தானாகவே நிறுத்தப்படும் என்ற செய்தி வரும்.இந்த இன்ஸ்டால் முடிந்ததும் கணினி தானாக நிறுத்தப்பட்டு,பின்னர் நாம் அடுத்த முறை தொடக்கும் போது கொஞ்சம் பொறுங்கள்,அப்டேட் இன்ஸ்டால் செய்யப்படுகிறது என்ற செய்தி வரும்.அப்டேட்கள் இன்ஸ்டால் செய்யப்பட்டு மறுதொடக்கம் செய்து கணினியை தொடக்குகிறது.இதை நாம் கண்டிருப்போம்.இந்த அப்டேட்கள் கணினி வந்தட்டில் சேமிக்கப்பட்டு இருக்கும்.இதை Ccleaner போன்றவை நீக்குவதில்லை. இந்த அப்டேட் சேமிப்புக்களில் பல நூறு MB க்கள்,ஆறு மாதம் ஒரு வருடங்கள் தொடர்ந்து அப்டேட் செய்யப்பட்டு இருந்தால், windows update cleanup என்பதில் 2-3 GB அளவு இடத்தில் அவை சேமிக்கப்பட்டு இருக்கும். இதை நீக்கும் நோக்குடன் இந்த அப்டேட்டை மைக்ரோசொப்ட்  வெளியிட்டது.

மேலே உள்ளது போல்  start-run-cleanmgr சென்று drive எழுத்தைக் கிளிக் செய்ததும் வரும் சாளரத்தின் இடது கீழ் மூலையில் உள்ள cleanup system files என்பதை சொடுக்கினால், வரும் சாளரத்தில் பல MB/GB அளவுள்ள இடத்தைக் காணலாம்.அதை  நீக்கலாம்.

Servicepack backup files,error filesஐ மட்டும் விட்டு வையுங்கள்.அப்படி அவற்றையும் அழிப்பதானால்,முதலில் கணினியில் servicepack update install செய்து முடித்தாகி விட்டதா,எதுவித பிழைகளும் இல்லை என்று நிச்சயமாகத் தெரிந்தால் அதையும் நீக்கி அழித்துவிட முடியும்.

நன்றி நண்பா பயனுள்ள பதிவு