தமிழ் கற்போம் - தவறுகளைத் திருத்துவோம் - 18

by **sakthy** Mon Aug 18, 2014 8:41 pm

தமிழ் கற்போம் - தவறுகளைத் திருத்துவோம் - 18

சிலர் எது பிழை எது சரி எனத் தெரியாமலும்,சிலர் தட்டச்சுப் பிழையாகவும் தவறாகப் பயன்படுத்துகின்றனர். சில சொற்களை படித்தவர்கள்,தமிழ் அறிஞர்கள் பலரும் தொடர்ந்து தவறாகவே எழுதி வருகிறார்கள். சில தொலைக்காட்சிகளிலும் தவறாக இலக்கண முறைகளை சொல்லி வருகிறார்கள். இதுபற்றி தமிழ் அறிஞர்களின் கவனத்திற்கு கொண்டு செல்லப்பட்டுள்ளது.

நம் நாட்டில் நாம் தவறாகப் பாவிக்கும் சொற்கள் சிலவற்றை முன்னர் தந்திருந்தேன். தவறு என்று தெரிந்ததும் திருத்திக் கொள்ள வேண்டும். ஒருவர் தவறாகப் பாவித்தால், அவர் எத்தனை பெரியவர் படித்தவர் என்றாலும், அவர் செய்யும் தவறை நாம் பின்பற்றக் கூடாது.
தமிழ் கற்போம் - தவறுகளைத் திருத்துவோம் - 18 2e0msd3

தமிழ் கற்போம் - தவறுகளைத் திருத்துவோம் - 18 2e0msd3

ஒரு சினிமாக் கதை. அந்நாளைய அமெரிக்கத் திரைப்பட நகைச்சுவை இரட்டையர்களை – லாரல், ஆர்டி (Laurel & Hardy) – அறிந்திருப்பீர்கள். முதல் உலகப் பெரும் போரின் போது நடக்கும் கதை அது. அதில் இவ்விருவரையும் கட்டாயமாகப் படையில் சேர்த்து விடுவார்கள். வீரர்கள் நடைப் பயிற்சி செய்யும் நேரம் அது. இடக் கால், வலக் கால் (left, right) என மாற்றிப் போட்டு வீரர்கள் நடை பயிலுவார்கள். இடையில் வந்து நுழைந்த இந்த இரட்டையரில் ஆர்டி மற்றவர்களைப் போலவே இடக் கால், வலக் கால் போட்டு நடப்பார்.

லாரலோ வலக் கால், இடக் கால் எனத் தவறாகப் போடுவார். அது மட்டும் அல்ல, ஆர்டியைச் சைகையால் அழைத்துத் தன் கால்களைக் காட்டுவார். ஆர்டியோ குழம்பிப்போவார். லாரல் வற்புறுத்த ஆர்டியும் வலக் கால், இடக் கால் என மாற்றிப் போடத் தொடங்குவார். அவர்களைப் பார்த்து ஏனைய வீரர்களும் தாங்கள் தவறாக நடை போடுவதாக எண்ணித் தம் நடையை மாற்றிக்கொள்ள இறுதியில் படை முழுவதும் தவறாகவே நடை போடும். இதனைக் காணும் அந்தப் படைப் பிரிவின் தலைவன் முடியைப் பிய்த்துக்கொண்டு நிற்பான்.

அந்தப் படைப் பிரிவுத் தலைவனின் நிலைமை தமிழுக்கும் ஏற்பட வேண்டுமா?

பிறர் தவறின்றிப் புரிந்து கொள்வதற்கும், தவறின்றிக் கருத்தை வெளியிடுவதற்கும் கருவியாக இருப்பது இலக்கணம். இதற்கு தொல்காப்பியம்,நன்னூல் போன்றவை உதவியாக இருக்கும். புதிதாகப் படிப்பவர்கள் அப்படியே இலக்கண நூல் கொண்டு படிப்பது நல்லது. தமிழை சரியாக எழுத மட்டும் கற்றுக் கொள்பவர்கள் அப்படியே இலக்கணம் முழுவதையும் படிக்காது எடுத்துக்காட்டுகளை வைத்து பிழைகளை தெரிந்து திருத்திக் கொள்ளலாம்.

கற்றில னாயினும் கேட்க -என்றார் வள்ளுவர். நீங்கள் முறையாக இலக்கணம் படிக்க முடியா விட்டாலும், கேட்கும் தவறுகளை திருத்தி சரியாக எழுதலாம் அல்லவா!

இங்கே தொடர்ந்து, தவறுகளை மட்டுமே எடுத்துச் சொல்லி,எப்படி எழுத வேண்டும், ஏன் என்பது மட்டுமே தரப்படுகிறது..

இப்போது உங்களுக்கு ஒரு சிறிய வேலை. -சுறுசுறுப்பு, சுருசுருப்பு- இந்த இரு சொற்களையும் கூகிள் தேடுதளத்தில் தனித்தனியாக கொடுத்து தேடுங்கள்.தேட எடுக்கும் நேரம் ஒரு வினாடிக்கும் குறைவான நேரம் தான். ஏறத்தாழ ….................. முடிவுகள் + தேட எடுத்த நேரம் அங்கே காட்டப்படும். மேலே சொன்ன இரு சொற்களையும் தேடிய போது எது கூடிய முடிவுகளைக் காட்டுகிறது என்று பாருங்கள்.

ஒரு சொல்லை எல்லாரும் தவறாக எழுதுகிறார்கள் என்று சொல்லிவிட முடியாது. சிலர் தெரியாமல் தவறாக எழுதி இருப்பார்கள். சுறுசுறுப்பு எனச் சரியாக எழுதியவர்களையும் சுருசுருப்பு எனப் பிழையாக எழுதியவர்களையும் ஒப்பிட்டுப் பாருங்கள்.

சில சொற்களை பிழையாக எழுதுபவர்கள் தொகை குறைவாக இருப்பதும்,வேறு சில சொற்களை சரியாக எழுதுபவர்கள் தொகை குறைவாகவும் இருக்கும்.

எடுத்துக்காட்டாக.................
சுருசுருப்பு (தவறான சொல்) -என இணையத்தில் பாவித்தவர்கள் தொகை - வெறும் 445 பேர்.
சுறுசுறுப்பு (சரியான சொல்) -என இணையத்தில் பாவித்தவர்கள் தொகை 1,43,000 பேர்.
அதேபோல்............

எல்லோரும்(பிழையான சொல்) -எனப் பாவித்தவர்கள் 1,65,000 பேர்.
எல்லாரும் (சரியான சொல்) - எனப் பாவித்தவர்கள் 5,43,000 பேர்.

எல்லோரும் என்று எழுதுவது தவறு. எல்லாரும் என சரியாக எழுத வேண்டும். எல்லாருக்கும் வணக்கம்- என்பதே சரியானது.

எல்லாருக்கும் வணக்கம் எனச் சொல்ல வேண்டுமே தவிர,எல்லோருக்கும் என்பது தவறு.

எல்லார்க்கும் நன்றாம் பணிதல் அவருள்ளும்
செல்வர்க்கே செல்வம் தகைத்து.

வணக்கத்தின் மீது -கள் -ளை ஏற்றி வணக்கங்கள் எனச் சொல்வதும் தவறாகும். வணக்கம் மட்டும் தான். வணக்கங்கள் எனச் சொல்வது தவறாகும்.