தமிழ் கற்போம் - தவறுகளைத் திருத்துவோம் - 20

தமிழ் கற்போம் - தவறுகளைத்  திருத்துவோம் - 20

உலகத் தத்துவ ஞானிகளில் உருவச்சிலைகள்  MDIS கல்வி நிறுவனத்தில் அமைக்கப்பட்டுள்ளது. அதில் நமது தெய்வப்புலவர் திருவள்ளுவரும் உள்ளார். பெருமைக்குரியது.



இடமிருந்து வலம்: Louis Pasteur, Albert Einstein, Ibn Khaldoun, Samuel Johnson, Aristotle, Thiruvalluvar, Plato, Confucius, Socrates, Maria Montessori.

ஆங்கிலக் கல்வி காரணமாக ஆங்கிலத்தில் பயன்படுத்தும் இலக்கண விதி முறைகளை தமிழில் பயன்படுத்துவது தவறாகும்.

ஆங்கிலத்தில் a,an,the போன்றவற்றை தவறாக பாவித்தால் உடனே கேலி செய்வார்கள். ஆனால் தமிழில் தவறு செய்தால் யாரும் கண்டு கொள்வதில்லை.

ஓர் ஊரில் ஒரு நாள் .. என்னும் சொற்றொடரில், இந்த ஒரு,ஓர் பற்றி முன்னர் பார்த்தோம். மேலும் சில விளக்கம்.  
**வரும் எழுத்தின் முதல் எழுத்து உயிராக இருந்தால்,ஓர் போடவேண்டும்.
**வரும் எழுத்தின் முதல் எழுத்து உயிர்மெய்யாக அமைந்தால் ஒரு போடவேண்டும்.
இது எழுதா விதி எனச் சொன்னாலும்,இவை தான் சரியானவை.

A ,an - இவை -indefinite article / determiner என்றும், the – definte article / determiner -என்று ஆங்கிலத்தில் சொல்லப்படுகிறது.

இவை a, an பெயர்ச் சொல்லுக்கு முன் வரும் -வரவேண்டும். இந்த ஆங்கில முறையை வைத்துக் கொண்டு சில படித்த மேதாவிகள் தமிழில் ஒரு/ ஓர் ஐப் பயன்படுத்துகிறார்கள்.

அவன் ஒரு தொழிலாளி, மனித மனம் ஓர் குரங்கு -இப்படி ஆங்கில முறையில் எழுதுகிறார்கள். இப்படி எழுதுவது தவறு என்று இவர்கள் இன்னும் உணரவில்லை. அவ்வளவிற்கு ஆங்கிலம் சிலரால் ஆக்கிரமிக்கப்பட்டு அதுவே சரி என்று வாதம் செய்யவும் தொடங்கி உள்ளார்கள். ஆங்கில மோகம் கண்களை மறைக்கிறதா?
மேலே தரப்பட்ட வசனத்தில் ஒரு,ஓர் எடுத்து விட்டுப் பாருங்கள் பொருள் மாறாது. தேவையற்ற ஒரு, ஓர் எதற்கு?  

இக்காலப் புதுக்கவிதைக் கவிஞர்கள், மரபுக் கவிஞர்கள், கதை ஆசிரியர்கள், நாவலாசிரியர்கள், கட்டுரையாளர்கள், பத்திரிகையாளர்கள், மாணாக்கர்கள், தங்களால் தான் தமிழே நிலைபெறுகிறது என்று மார் தட்டும் சில பேர்வழிகள் …என எல்லாத் திறத்தாரும் தவறாகவே எழுதி வருகின்றனர்.

கொஞ்சம் தலையில் உள்ள சுமையை இறக்கி விட்டு சிந்திக்கலாமே.

ஆங்கிலத்தில் வரும் the என்னும் definite article , இதன் ஒலிப்பு உயிர்மெய் எழுத்தின் முன் -த- என்றும் உயிர் முன் -தி- என்றும் ஒலிக்கவேண்டும். முதல் முறையாக வரும் பெயர்ச் சொல்லுக்கு a  / an  இட வேண்டும். அதன் பின் வரும் அதே,பெயர்ச் சொல்லைச் சுட்ட -the- என்பதைப் பயன்படுத்தவேண்டும். அடிப்படை ஆங்கில இலக்கணம் இது.

I live in a house ; the house in which I live is old. இது ஆங்கில முறைமை. தமிழில் கிடையாது என்பதை புரிந்து கொள்ள வேண்டும். ஆங்கில விதிகளை தமிழில் புகுத்தக் கூடாது.

நான் ஒரு வீட்டில் இருக்கிறேன் ; அந்த ஒரு வீடு பழையது என மொழி பெயர்த்தாலும், அதில் உள்ள ஒரு வை எடுத்து விட்டுப் பார்த்தால்,பொருள் மாறுபடாது.

the என்னும் ஆங்கில definite article – ஐ, நாம் -அந்த, இந்த, எந்த- என்னும் சுட்டுப் பெயர் அடைகள் ஆக்கிவிட்டோம்.

ஒரு, ஓர் என்பவை ஒருமை. இவற்றுக்குப் பன்மை, இரண்டு மூன்று…..போன்றன. ஆனால் வரையறுத்துச் சொல்ல இயலாதவை- சில, பல- இது தமிழ் முறைமை.

அளவு சொல்ல முடியாதவற்றுக்குப் பன்மைச் சொல்லாக ஆங்கிலத்தில்,some -less / little- என சொல்லப்பட்டாலும், நிச்சயம் பாவிக்க வேண்டியதில்லை.I need water; i need some water.
give me some water, I need some.....

தமிழில் இப்படி இல்லாவிட்டாலும்,கொஞ்சம் என்ற சொல்லைப் பாவிக்கிறோம்.
கொஞ்சம் தண்ணீர் கொடு.
மீண்டும் ஒருமுறை.............

ஒரு – உயிர்மெய் எழுத்துக்கு முன்னர் வரும்
ஓர் – உயிர் எழுத்துக்கு முன்னர் வரும்.
ஒரு, ஓர், என்பன அஃறிணை ஒருமைப் பெயர்ச் சொல்லுக்கு முன்பும்
ஒன்று என்பது அஃறிணை ஒருமைப் பெயர்ச் சொல்லுக்குப் பின்பும் வரும்.
சில , பல என்பன அஃறிணை பன்மைப் பெயர்ச் சொல்லுக்கு முன்பும் பின்பும் வரும்.
உயர்திணைப் பெயர்ச் சொல்லுக்குப் பின்பு ஒருவர் , இருவர், சிலர் , பலர் என வரும்.

எனவே ஆங்கிலக் கல்வி காரணமாக,தமிழ் இலக்கண முறையை,விதிகளை மாற்றக் கூடாது.

அன்று பெரியார் தமிழ் எழுத்துச் சீர்திருத்தம் கொண்டு வந்தபோது,கி.ஆ.பெ, மு.வ போன்ற தமிழ் அறிஞர்கள் இரண்டு எழுத்துக்களுக்கு எதிர்ப்புத் தெரிவித்ததால்,தமிழக அரசு அந்த இரண்டு எழுத்துக்களையும் ஏற்காது கைவிட்டது. இதை இன்றைய சீர்திருத்தவாதிகள் கவனத்தில் கொள்ள வேண்டும். தமிழ் அறிஞர்கள் வைக்கும் கருத்துக்களை ஏற்க வேண்டும். மேதாவிகளாக செயல்படக் கூடாது. இது நம் மொழி.

Tarski’s Semantic Theory சொல்லும் ,

'P' is true if, and only if, P

என்பது என்ன?