தெரிந்து கொள்ளலாம் வாங்க. உலகின் அதிசயங்களும் ஆச்சரியங்களும்-24

தெரிந்து கொள்ளலாம் வாங்க. உலகின் அதிசயங்களும் ஆச்சரியங்களும்-24

ரூசிய நாட்டின் சைபீரியாவில் உள்ள துங்குஸ்கா ஆற்றுப் பகுதியில் நடந்த வெடிப்பின் மர்மம் இன்றுவரை கண்டறியப்படவில்லை.(Tunguska Explosion , Podkamennaya Tunguska River ,Siberia, Russia)





1908 சூன் மாதம் 30 ம் திகதி காலை 07.14 மணியளவில், நடந்த மிகப்பெரும் வெடிப்பு இன்று வரை கண்டறியப்படாத மர்மமாகவே இருந்து வருகிறது. விண்கல் ஒன்று விழுந்திருக்கலாம் என்றும், வேற்றுக்கிரகவாசிகளின் செயலாக இருக்கலாம் எனவும் வெவ்வேறு கருத்துக்கள் வைக்கப்படுகின்றன. அன்றைய தினம் 10-15  மெகாதொன் TNT  அளவுள்ள வெடிபொருள் எப்படி வெடிக்குமோ அந்தளவு வெடித்ததாக கூறுகின்றனர்.

இன்னும் சிலர் அங்கு நடந்த அழிவுகளை கணக்கிட்டு கிரோசிமா அணுக்குண்டு போல் 700 -1000 அனுக்குண்டுகளின் அளவு சேதம் என்று தெரிவிக்கிறார்கள். 2150 சதுர கி.மீ நிலத்தில் உள்ள 80 மில்லியன் மரங்கள் அப்படியே சாய்ந்து அழிந்தன.
ஆனாலும் இது எப்படி நடந்தது என்று விஞ்ஞானிகளால் இன்றுவரை கண்டறிய முடியவில்லை.



கி.பி. 600 -1000 ஆண்டிற்குள் உருவாக்கப்பட்டதாக நம்பப்படும் கல்லாலான 300 க்கு மேற்பட்ட கல் உருண்டைகள், காஸ்டாரிக்காவில்(Costa Rica ) கண்டு பிடிக்கப்பட்டுள்ளன. இதில் சிலவற்றில் வானியல் அடையாளங்கள்(நட்சத்திரம்,கோள்),மற்றும் சில அடையாளங்கள் செதுக்கப்பட்டுள்ளன. நன்கு அழுத்தமாக செதுக்கப்பட்டு பழபழவன பளிங்குக் கற்கள் போல் இருக்கும் இவை பற்றிய உண்மைகள் இதுவரை கண்டறியப்படவில்லை.



ஒரு கேள்வியுடன் இந்தப் பதிவை நிறைவு செய்கிறேன்.

ஆகத்து 9, 1173 தொடங்கப்பட்டு 1372 இல் கட்டி முடிக்கப்பட்ட இத்தாலியின் பைசாக் கோபுரம்,கட்டி முடிக்க 199 ஆண்டுகள் பிடித்தன.மூன்று கட்டமாக கட்டப்பட்ட இந்தக் கோபுரத்தின் அடித்தளத்தைக் கட்டும் போது ஏற்பட்ட தவறினால்,இரண்டாம் கட்டத்தில் 1178 இல் மெல்லச் கீழே இறங்கத் தொடங்கியது.தவறான கட்டிட அடிப்படை முறை,போடப்பட்ட மண் அடித்தளம் போன்றவற்றால் கீழே இறங்கி சாயத் தொடங்கியதும்,அப்போது ஏற்பட்ட போர் காரணமாகவும் வேலைகள் நிறுத்தப்பட்டு,மீண்டும் தொடங்கப்பட்டு, 1372 இல் முடிக்கப்பட்டது.இயற்கையாக சாயாத கோபுரம்,தவறான கட்டிட அமைப்புகளால் தான் சாயத் தொடங்கியது.இதன் உயரம் 183.3 அடியாகும்.

அதே சமயம்............

ராசராச சோழனால் கட்டப்பட்ட 216 அடி உயரம் கொண்ட தஞ்சைப் பெரியகோயில் 1010 இல், 12 ஆண்டுகளில் கட்டி முடிக்கப்பட்டது. சிறந்த கட்டிடக்கலையுடன் முறையான அடித்தளம் கொண்டு கட்டப்பட்ட இந்தக் கோயில் இன்றும் தலை நிமிர்ந்து நிற்கிறது.



ஆனால் கட்டிட அமைப்புத் தவறினால் ஏற்பட்ட சாய்வுள்ள பைசாக் கோபுரம் உலக அதிசயங்களில் ஒன்றாக இருக்கும் போது,தஞ்சைக் கோயில் புறக்கணிக்கப்பட்டது ஏன்?

ஆனால் கட்டிட அமைப்புத் தவறினால் ஏற்பட்ட சாய்வுள்ள பைசாக் கோபுரம் உலக அதிசயங்களில் ஒன்றாக இருக்கும் போது,தஞ்சைக் கோயில் புறக்கணிக்கப்பட்டது ஏன்?
தமிழன் என்ற காரணம் ஒன்று ..மற்றும் உலகம் தவறான காரியம் செய்பவர்களை தான் போற்றும் ...