"தமிழீழ விடுதலைக்கான மாணவர் கூட்டமைப்பு மாணவர்களது கைபேசி உள்ளிட்ட தொடர்பு சாதனங்கள் சென்னை தலைமையகத்தில் திருட்டு! போராட்டத்தை முடக்கச் சதி"

by **Tamil** Thu May 16, 2013 7:22 am

"தமிழீழ
விடுதலைக்கான மாணவர் கூட்டமைப்பு மாணவர்களது கைபேசி உள்ளிட்ட தொடர்பு
சாதனங்கள் சென்னை தலைமையகத்தில் திருட்டு! போராட்டத்தை முடக்கச் சதி"
==============
தற்காலிகமாக தமிழீழ விடுதலைக்கான மாணவர்கள் கூட்டமைப்பைச் சேர்ந்த
மாணவர்களது தொடர்பிற்கு கீழே உள்ள எண்கள் பயண்பாட்டில் உள்ளதாகவும்
தெரிவித்துள்ளார்கள்.

0091-979-084-7172
0091-996-289-1945

தமிழீழ விடுதலைக்கான மாணவர்கள் கூட்டமைப்பைச் சேர்ந்த மாணவர்கள சென்னை
கோயம்பேடு பேரூந்து நிலையத்திற்கு அருகில் அமைந்துள்ள செங்கொடி அரங்கத்தை
தலைமை அலுவலகமாக கொண்டு செயற்பட்டுவரும் நிலையில் நேற்று இரவு அங்கிருந்த
கைத்தொலைபேசிகள் உள்ளிட்ட தொடர்பு சாதனங்கள் திருட்டுப்போயுள்ளது. தமிழீழ
விடுதலைக்கான மாணவர் போராட்டத்தை அடுத்தகட்டத்திற்கு எடுத்துச் செல்வது
குறித்தும் தமிழினப் படுகொலை நாளான மே-18ஐ நினைவுகூறும்விதமான நிகழ்வுகள்
குறித்தும் ஆலோசித்து செயற்பட்டுவரும் மாணவர்களது தொடர்பு சாதனங்கள்
திருட்டுப் போயுள்ளமையானது மாணவர்களது போராட்டத்தை முடக்க மேற்கொள்ளப்பட்ட
சதியாகவே பார்க்கப்படுகின்றது.

கடந்த பத்து தினங்களிற்கு மேலாக
செங்கொடி அரங்கத்தில் தங்கியிருந்து இந்தப் பணிகளை மாணவர்கள் மேற்கொண்டு
வருகின்றனர். வழக்கம்போல நேற்று இரவும் தமது பணிகளை முடித்துவிட்டு படுத்து
காலையில் எழும்பிப்பார்த்த போதே இவை திருட்டுப்போயுள்ளது தெரியவந்துள்ளது.

முப்பதாயிரம் மதிப்புள்ள ஏழு கைத்தொலைபேசிகளும் ஒரு யு.எஸ.பி. மொடமும் ஒரு
வயர்லெஸ் வசதியுடைய இன்டர்நெட் ரௌட்டரும் திருடப்பட்டுள்ளது. திருட்டு
நடந்தபோது அங்கு நான்கு மடிக்கணணிகளும் இருந்துள்ளதுடன் சட்டைப்பையில் 1200
ரூபாயும் இருந்துள்ளது. அதைவிட அவர்கள் எடுத்துச் சென்ற யு.எஸ்.பி. மொடம்
மடிக்கணணி ஒன்றில் பொருத்தப்பட்டிருந்த நிலையிலேயே அதுமட்டும்
திருடிச்செல்லப்பட்டுள்ளது.

இவற்றைவிட்டு கைத்தொலைபேசிகளையும்
தொடர்பு சாதனக் கருவிகளையும் குறிவைத்து காணாமல் போயுள்ளமை இது திட்டமிட்டு
மேற்கொள்ளப்பட்ட திருட்டாகவே தெரிகின்றது.

தமிழீழ விடுதலைக்காக
உண்ணாவிரதம் இருந்த சென்னை இலயேலாக் கல்லூரி மாணவர்கள் தமது உண்ணாவிரதத்தை
செங்கொடி அரங்கத்திற்கு மாற்றியதில் இருந்து தமிழ்நாட்டு காவல்துறையும்
உளவுத்துறையும் பல்வேறு இடையூறுகளை ஏற்படுத்திவந்துள்ளது. இன்று காலை
சென்னையைச் சுற்றியுள்ள பொறியியல் கல்லூரி மாணவர்களிடம்
துண்டுப்பிரசுரங்களை வழங்கி தமது அடுத்த கட்டப்போராட்டம் குறித்த தகவல்களை
பரப்புவதற்கு திட்டமிட்டு தயாராக இருந்த வேளையில் இந்த சம்பவம்
நடைபெற்றுள்ளமையானது மாணவர்களது போராட்டத்தை முடக்குவதற்கு மேற்கொள்ளப்பட்ட
சதிநடவடிக்கையாகவே பார்க்கப்படுகின்றது.

இந்த திருட்டுச் சம்பவம்
குறித்து காவல்துறையிடம் புகார் தெரிவிக்க மாணவர்கள் தயக்கம்காட்டி
வருகின்றார்கள். புகார் தெரிவித்தால் விசாரனை என்றபெயரில் தேவையற்ற
நெருக்குவாரங்களை கொடுத்து செங்கொடி அரங்கத்தில் தொடர்ந்து செயற்படுவதற்கு
இடையூறுகளை ஏற்படுத்தவும் மாணவர்களது உளவுரணைச் சிதைக்கவும் முற்படலாம்
என்ற அச்சத்தால் புகார் கொடுப்பதில்லை என மாணவர்கள் முடிவெடுத்துள்ளார்கள்.

தற்காலிகமாக தமிழீழ விடுதலைக்கான மாணவர்கள் கூட்டமைப்பைச் சேர்ந்த
மாணவர்களது தொடர்பிற்கு கீழே உள்ள எண்கள் பயண்பாட்டில் உள்ளதாகவும்
தெரிவித்துள்ளார்கள்.

0091-979-084-7172

0091-996-289-1945
ஈழதேசம் இணையத்தள தமிழக செய்திப்பிரிவு.

ஈழதேசம் இணையம்.