"மாணவர்களது உண்ணாவிரதப் போராட்டத்தை குழப்ப திருமாவளவன் தலைமையில் சதி முயற்சி! பின்னணியில் கருணாநிதி!! - ஈழதேசம்"

"மாணவர்களது உண்ணாவிரதப் போராட்டத்தை குழப்ப திருமாவளவன் தலைமையில் சதி முயற்சி! பின்னணியில் கருணாநிதி!! - ஈழதேசம்"
=====================
ஈழ விடியலிற்காக தமிழகத்தில் எட்டு இளம் குருத்துக்கள் உறுதியுடன்
சாகும்வரை உண்ணாவிரதத்தை அறிவித்து அறவழியில் போராடிவருகையில் அதனை குழப்பி
திசைதிருப்புவதற்கு திருமாவளவன் தலைமையில் நடைபெற்ற சதி முயற்சியின்
பின்னணியில் தமிழினத் துரோகி கருணாநிதி இருக்கின்றார் என்பதை கூட அணிவகுத்துவந்த பேராசிரியரின் வருகையின் மூலம் அறிந்து கொள்ளலாம்.

யானை வரும் பின்னே மணி ஓசை வரும் முன்னே என்ற முதுமொழியை மெய்ப்பிப்பதாக
இன்றைய நிகழ்வுகள் அமைந்துள்ளன. திருமாவளவன் பின்னால் சுப.வீரபாண்டியரும்
இளங்கோவனும் வந்துள்ள தொனியைப் பார்க்கும் போது நான் வரும்போது எவன் என்ன
செய்துவிடமுடியும் என்ற நம்பிக்கையை திருமாவளவன் கொடுத்து அழைத்துவந்ததாகவே
புலப்படுகின்றது.

திருமாவளவனின் முக்கிய தளபதியான வன்னியரசு தனது
அணியுடன் உண்ணாவிரதம் நடைபெற்றுவரும் இடத்திற்கு வந்து முன்கூட்டியே
நின்றதை இன்றைய நிகழ்வுகள் நடைபெற்றுள்ள விதத்தை பார்க்கும் போது
திட்டமிட்டு வந்துநின்றதாகவே எண்ணத்தோன்றுகின்றது.

வந்தால் இப்படி
ஆகும் என்று தெரிந்தே திருமாவளவனும் சுப.வீயும் இளங்கோவனும் தங்கபாலுவும்
வந்துள்ளார்கள். அரசியலில் பழம் தின்று கொட்டை போட்டவர்களையே தனது
புலமையால் மடக்கியிருக்கும் போது இந்த சுன்டக்காய் பசங்கள் எம்மாத்திரம்
என்ற திமிரோடு கருணாநிதியின் கட்டளையை ஏற்று சுப.வீ வந்திருப்பார்.

நடந்ததோ வேறு. இதில் நாளையும் வந்து தமது வீர பிரதாபங்களை ஆதாரத்துடன்
மாணவர்களிடம் விளக்கப்போகின்றாராம் சுப.வீ. ஜன்பத் தெருவில் அமைந்துள்ள
வீட்டில் உள்ள பெண்களின் பாவாடைக்கு கருணாநிதி நாடா கோத்துக் கொண்டிருந்த
போது கோபாலபுரத்திலும் சி.ஐ.டி. காலனியிலும் உள்ள வீடுகளில் உள்ள பெண்களின்
பாவடைக்கு நாடா கோத்தவர்கள்தானே இந்த சூராதி சூரர்கள்.

உலகத்தை
ஏமாற்ற டெசோவை தூசு தட்டியெடுத்து எத்தனை தடைகள் இடையூறுகள் என
எதுவந்தபோதும் கலங்காது ஈழவிடியலுக்காக கருணாநிதி போராடிவரும்போது
எதிர்பாராத திருப்பமாக உன்னதமான போராட்டத்தை இலயோலா கல்லூரி மாணவர்கள்
எண்மர் ஆரம்பித்துள்ளது தமிழினத் தலைவ(?)ரிற்கு சினத்தை ஏற்படுத்தியுள்ளது.

உண்ணாவிரத்தை இந்த மாணவர்கள் ஆரம்பித்தது முதற்கொண்டு வைகோ பழ.நெடுமாறன்
சீமான் நல்லகண்ணுஅய்யா து.ராஜா சி.மகேந்திரன் தமிழருவிமணியன் வேல்முருகன்
என எத்தனையோ அரசியல் தலைவர்கள் வந்து தமது ஆதரவை தெரிவித்து
சென்றுள்ளார்கள். அவர்கள் யாரும் கோரிக்கைகளை மாற்றும்படி கோரவும் இல்லை
மாணவர்களது எதிர்ப்பை எதிர்கொள்ளவும் இல்லை.

திருமாவளவன்
தலைமையில் வந்தவர்கள் வருவதற்கு முன்னரும் அதன் பின்னரும் அதேபோன்று
தங்கபாலு வருவதற்கு முன்னரும் பின்னரும் எத்தனையோ தலைவர்கள் சமூக
ஆர்வலர்கள் வந்து போயுள்ள நிலையில் யாருக்குமே காட்டப்படாத எதிர்ப்பும்
கொந்தளிப்பும் இவர்களிற்கு ஏற்பட்டுள்ளது என்றால் அங்குள்ளவர்களின்
எண்ணங்களிற்கும் செயல்பாடுகளிற்கும் எதிரானவர்கள் என்றுதானே அர்தமாகின்றது.

சனி ஞாயிறு என விடுமுறை நாட்கள் இடையில் வந்துவிட்டபோதும் மாணவர்களது
போராட்டம் அரசியல் தலைவர்கள் சமூக ஆர்வலர்கள் பொதுமக்கள் மாணவர்கள் என
பலதரப்பினரின் வருகையுடன் தீவிரம் பெற்றுள்ளமையானது தமிழக மக்களின்
மனங்களில் கனன்று கொண்டிருக்கும் விடுதலை உணர்வை பிரதிபலிக்கின்றது.

நாளை நிச்சயம் தமிழகம் தழுவியதாக புதிய பரிமாணத்தை இந்தப் போராட்டம்
அடையும். மாணவர்களது கையில் இந்தப் போராட்ட நெருப்பை கையளிக்கும்போது அதன்
கொதிப்பு அடங்காது முன்னெடுக்கப்படும் என்பதில் நம்பிக்கையுண்டு.


அதனால்தான் எங்கே தான் அறிவித்துள்ள பொதுவேலை நிறுத்தப் போராட்டத்தை
மாணவர்களது போராட்ட நெருப்பு பொசுக்கிவிடுமோ என்ற அச்சம் கருணாநிதி
கும்பலிற்கு பிடித்துள்ளது. அவர்களிற்கு கிலி பிடித்துள்ளதால் முதலில்
அறிக்கைவிட்டுப்பார்த்தார்கள்
எதுவும் ஆகவில்லை. அடுத்து ஆள் அம்பு சேனைகளுடன் தளபதிகளை அனுப்பி நீங்கள்
வைத்துள்ள கோரிக்கைகள் கடுமையானதாக உள்ளது. அவற்றை மாற்றியமைத்து
அமெரிக்காவின் தீர்மானத்தை இந்தியா ஆதரிக்க வலியுறுத்தி போராடுமாறு
வற்புறுத்திப் பார்த்தார்கள்.

அமெரிக்காவுக்கே போய் இந்திய அரசு
தீர்மானத்தை நீர்த்துப் போகச் செய்கின்றது. அதற்கு சற்றும் குறைவில்லாமல்
கருணாநிதி கும்பலின் இந்த செயல் அமைந்துள்ளது.

பெரும் பெரும்
தலைவர்கள் கூடி எளிதில் நிறைவேறக்கூடிய தீர்மானங்களை தயாரித்து டெசோவின்
மூலம் போராடுகின்றோம். அதனை நாங்கள் பார்த்துக் கொள்கின்றோம். நீங்கள்
உண்ணாநோன்பை விடுத்து வேறுவழியில் போராட்டத்தை தொடரவும் என இனமானப்
பேராசிரியர் அறிவுரை வழங்கியுள்ளார்.

எதற்குமே மாணவர்கள் உடன்படாத
நிலையில் திருமாவளவன் மாணவர்களிடம் கடுமையாக நடந்துகொண்டுள்ளார். உங்கள்
போராட்டம் வெற்றியடையப் போவதில்லை நீங்கள் பாடையில்தான் போகப்
போகின்றீர்கள் என தனது வெறுப்பையும் ஏமாற்றத்தையும் ஒருசேர
உமிழ்ந்துவிட்டுப் போயுள்ளார் மீசை முறுக்கிய திருமா.

ஆட்சியில்
இருக்கும் போதும் சரி இப்போதைய நிலையிலும் சரி தமிழர்கள் விழித்துக் கொள்ள
என்றுமே கருணாநிதி அனுமதித்தது கிடையாது. அதனால்தான் அவர் தமிழினத் தலைவர்
அல்ல தமிழினத் துரோகியாக வரலாறு பதிவுசெய்துள்ளது. அதற்காகத்தான் ஆட்சி
அதிகாரத்தை பறிகொடுத்துவிட்டு நிற்கின்றார்.

ஆட்சி அதிகாரத்தை
தக்கவைப்பதற்காக ஈழத்தில் நடந்த இனப்படுகொலையை கண்டுகொள்ளாது இருந்தார்
கருணாநிதி. இன்று இழந்துபோன ஆட்சி அதிகாரத்தை கைப்பற்றும் நப்பாசையில்
ஈழத்தில் நடைபெற்றுவரும் இனப்படுகொலையை அவர்களது மொழியில் போர்குற்றங்களைப்
பற்றி வீதிவீதியாக பேசிவருகின்றார்கள்.

தமிழினத் துரோகி
கருணாநிதி இந்த உண்ணாவிரதப் போராட்டத்தை சிதைப்பதற்கு எண்ணிய பொழுதிலேயே
உங்கள் போராட்டம் அடைய முடியாத உயரத்தை அடைந்துவிட்டது. இன மான உணர்வுள்ள
தமிழர்களை போராட்டக்களத்திற்கு அழைத்துவரும் வகையில் உங்கள் போராட்டம்
வலிமையும் உறுதியும் வாய்ந்ததாக உள்ளது. எத்தனை தடைகள் வந்தாலும் கொண்ட
கொள்கையில் பற்றுறுதியோடு உங்கள் போராட்டத்தை தொடருங்கள். வெற்றி நமதே.

“நம்புங்கள் தமிழீழம் நாங்கள் அமைப்போம்”

ஈழதேசம் இணையத்தள தமிழக செய்திப்பிரிவு.

ஈழதேசம் இணையம்