மருத்துவம் …. கேள்வியும் பதிலும்..................பகுதி...2

மருத்துவம் …. கேள்வியும் பதிலும்..................பகுதி...2

சபாஷ் மாலதி. ஆனால் எனது எண்ணம் வேறானதாக இருக்கிறது. இவை எல்லாம் மூளையில் ஒவ்வொருவர் மனத்திலும் என்றும் பதிவாகி இருக்க வேண்டும் என்பதே. முதலுதவி என்றதும்,புத்தகத்தைப் புரட்டாது உடன் செயல்படுவது போல் இருக்க வேண்டும். இதை அனைவரும் முயற்சிக்க வேண்டும் பாராட்டுக்கள்.

நேற்றைய தினம் மருத்துவ கேள்விகளையும் பதில்களையும் தந்திருந்தேன்.இன்று கேள்விகளை மட்டும் தருகிறேன்.முயற்சி செய்து பாருங்கள்.பதிலை நாளை தருகிறேன்.இந்தக் கேள்விகளை தருவதன் நோக்கம், முன்னர் உங்களை எச்சரித்தது போல், தினமும் இணையங்களில்,சமூக தளங்களில்,இந்த இணையத்திலும் கூட மருத்துவ,அழகுக் குறிப்புக்கள் வந்து கொண்டிருக்கின்றன.பல உண்மைக்கு புறம்பானவையாகவும்,தங்களுக்கு சரியானவற்றையும்,எங்கேயோ வேறு இணையத் தளங்களில் வருவனவற்றையும் வெளியிட்டு வருவதன் மூலம், உடலுக்கு பாதிப்பை ஏற்படுத்தி வருவதை சிறிதாவது கண்டு கொள்ள வேண்டும் என்ற நோக்கமே காரணமாகும். தொலைக்காட்சிகளில் வரும் விளம்பரங்களை நம்பி ஏமாறும் பலரை நாம் பார்க்கிறோம். அது பற்றி அழகுக்குறிப்பு என்ற தலைப்பில் தந்திருக்கிறேன்.படியுங்கள்.எங்கே போகிறோம் என்பது புரியும். வரும் செய்திகள்,முக்கியமாக மருத்துவ,அழகுக் குறிப்புக்கள் உண்மையானவையா என்பதை நன்கு அறிந்து கொண்டு முடிவு செய்யுங்கள்.

1.தினமும் முட்டை சாப்பிடுவது நல்லதா?
2.மார்பக புற்று நோய் ஆண்களுக்கு வருமா?
3.வீதி விபத்தில் ஒருவர் காயம் பட்டாலோ,உயிருக்கு ஆபத்தான நிலையிலோ இருக்கும் போது பொலீசார் வரும் வரை காத்திருக்க வேண்டுமா? மருத்துவர்கள் பொலீசார் வராமல் சிகிச்சை செய்ய மறுப்பது சரியானதா?
4.தமனிகள் அல்லது நாடிகள்(Artery) க்கும் சிரைகளுக்கும்(Vein) உள்ள வேறுபாடு என்ன?
5.குருதியின் வகைகள் என்ன? குருதியின் பாகங்கள் எங்கே உற்பத்தி செய்யப்படுகின்றன?
6.சாமுவெல் ஹெனிமேனால் 1796 ல் கண்டு பிடிக்கப்பட்ட மாற்றுமுறை(alternative medicine) மருத்துவம் எது?
7.நாம் காணும் கனவுகளை மாற்ற முடியுமா?
8.இரத்த சோகை என்பது என்ன?
9.எப்படி உங்கள் காதுகளை சுத்தம் செய்வீர்கள்?
10.ஒருவருக்கு இராசயண பொருளால் தீப்புண் ஏற்பட்டால் உடனடியாக என்ன செய்வீர்கள்?


1.முட்டையில் மஞ்சல் கருவில் 186 மில்லிகிராம் கொலொஸ்டெரரொல் இருக்கும், அதே சமயம் அதிக விட்டமின்கள் உண்டு..பொதுவாக ஆரோக்கியமான ஒருவர் நாளொன்றிற்கு 300 மி.கி ற்கு கூடாமல் எடுக்கலாம். இதய நோய், டயபிட்டிஸ், உள்ளவர்கள் 200 மிகி ற்கு மேற்படாது எடுக்கலாம். அதே சமயம் முட்டையில் இருப்பது LDL என்ற bad கொலொஸ்டெரரொல் ஆகும். அதனால் முட்டை எடுக்கும் போது மரக்கறி வகைகளை சேர்த்து இறைச்சி பாலுணவுகளை குறைத்து விடலாம். முட்டைப் பிரியர்கள் வேண்டுமானால் முட்டையின் வெள்ளைக் கருவை எடுக்கலாம் .இதில் கொலொஸ்டெரரொல் கிடையாது.எனவே முட்டை பாவிக்க விரும்பினால்,சிறு பிராயத்தினருக்கும்,கர்ப்பமுள்ளவர்களுக்கும் தேவை, ஆயினும் பெரியவர்கள் கவனத்தில் கொள்ள வேண்டும். உடல் அமைப்பைப் பொறுத்து ஆளுக்கு ஆள் எடுக்கும் அளவு வேறுபடும்.விற்.B12,choline , lecithin athikam இருப்பதால் நல்லது, ஆயினும் ஒன்றிற்கு மேல் நல்லதல்ல..Thomas Behrenbeck, M.D., Ph.D.
அத்துடன் சில தகவல்கள், முட்டை தண்ணீரில் போட்டால் தாழ்ந்தால் நல்லது என்றும் மிதந்தால் பாவிக்கக் கூடாதது எனவும் கண்டு கொள்ளலாம்.இதை விட கோழிகள் வளர்க்கப்படும் இடம்,கொடுக்கப்படும்கோழி உணவு முக்கியமாக கவனிக்கப்படல் வேண்டும்.ஏனெனில் சமீபத்தய ஆய்வு முடிவுகளின்படி புகைத்தலைப் போன்ற கெடுதலைக் முட்டையின் மஞ்சல்கரு கொடுப்பதால் எடுக்கும் அளவை குறைத்துக் கொள்ள வேண்டும்.

2.ஆம்,பெண்களை விட குறைந்த விகிதத்தினருக்கே வருகிறது. மார்பகப் புற்றைக் கண்டு பிடிக்க Mammography என்ற ஒரு வகை குறைந்த கதிர்வீச்சுள்ள X -கதிர்முறை பாவிக்கப்படுகிறது.ஆண்களின் மார்பு சிறிது பெருக்க ஆரம்பிக்கும்.அதைக் கொண்டு உடனே புற்று நோய் என்று சொல்ல முடியாது.சிலருக்கு பெண் ஹார்மோன்கள் உற்பத்தியாகி விடுவதாலும் இந்த நிலை உண்டாகிறது.இது தவிர நிணநீர்,lymph node, முடிச்சுக்கள் காரணமாகலாம்.அதை அகற்றுவதன் மூலம் சரி செய்யலாம்.

3.எல்லா நாடுகளிலும் சட்டம், காயம் பட்டவர்களுக்கே முதலிடம் என குறிப்பிடுகிறது.பொலீசார் வரும் வரை காத்திராது சிகிச்சை செய்ய வேண்டும் என்றே சட்டம் சொல்கிறது. இந்தியாவில் கூட இதுவே முறையாகும். Section 134,187 Motor Vehicles Act 1988 ன் படி கட்டாயமானதாகும். மீறும் பட்சத்தில் தண்டனை உண்டு. இதை உயர் நீதி மன்றம் உறுதி செய்துள்ளது.(Criminal Writ Petition No.270 of 1988, D/-28.8.1989 (AIR 1989 Supreme Court 2039) )உயிர் போனால் வராது. உயிர் காப்போம்.

4.Artery என்ற நாடி இருதயத்தில் இருந்து குருதியை உடலின் பல பாகங்களுக்கும் கொண்டு செல்கிறது. Vein எதிர்மாறாக, உடலில் இருந்து இருதயத்திற்கு கொண்டு வருகிறது.

5.A,B,AB,O இவை பொதுவானவை.உட்பிரிவுகள் சில உண்டு. எலும்பு மச்சையில்(Bone-Marrow) இருந்து உற்பத்தி செய்யப்படுகிறது.

6.ஹோமியோபதி.இது, ஒத்தது ஒத்ததைக் குணப்படுத்தும்(like cures like) என்ற தத்துவதை அடிப்படையாக கொண்டது.

7.சிலரால் முடியும்.பொதுவாக காணும் கனவுகளை மாற்ற,தூங்கப் போகும் போது முதலில் நமது சிந்தனைகளை நமக்கு விரும்பியபடி மாற்றி சிந்தித்து பின்னர் தூங்க செல்ல வேண்டும்.இதை lucid dreaming என்பர்.

8.இரத்தத்தில் உள்ள சிவப்பணுக்களில் உள்ள ஹெமொகுளொபின் குறைபாட்டினால் வருகிறது. விட். பி12 இரும்பு குறைபாட்டினாலும், சுத்தமின்மை,இரத்தப்போக்கு போன்ற பல காரணங்களால் வருகிறது. பீற்றூட்,காரட் போன்ற சிவப்பு மஞ்சள் நிற மரக்கறி வகைகளை சேர்த்துக் கொள்வது நல்லது.இதை குருதி சோகை,Anemia,எனவும் சொல்வர்.

9.முதலில் எந்தப் பொருளையும் காதில் நுழைக்காதீர்கள்.காது சுத்தம் இயற்கையாகவே அமைக்கப்பட்ட ஒன்று.காதில் உருவாகும் மெழுகு,wax, தானாகவே நாம் வாயை அசைக்கும் போது அந்த அசைவினால் சுத்தமாக்கி விடும்.உள்ளே ஒரு பொருளை நுழைக்கும் போது காதினால் உருவாக்கப்படும் பாதுகாப்பு மெழுகு மேலும் உள்ளே செலுத்தப்பட்டு நாளடைவில் துன்பத்தை தந்து விடும். அதனால் கடைகளில் கிடைக்கும் பஞ்சு உருட்டிகள்(ear picks,ear scoops,ear spoons) எவையும் பாவிப்பது நல்லதல்ல,மேலும் அதிக மெழுகுப் பொருளை சுரக்கவே செய்யும்..காது வலி போன்றவற்றுக்கு மருத்துவரை அணுகுவதே சிறந்தது.சிலர் syringe மூலம்hydrogen peroxide ஐ செலுத்தி சுத்தம் செய்ய முயற்சிப்பார்கள். தற்செயலாக தவறு நடைபெறுமானால்.........?

10.முதலில் மெதுவாக நன்றாக இராசயணப் பொருட்களை அகற்ற வேண்டும். 10 -20 நிமிடங்கள் வரை அல்லது அதிகமாகவோ சுத்தமான குளிர்ந்த ஓடும் நீரை ஓட விட வேண்டும்.ஏதாவது சுத்தமான துணியால் மூடி விடலாம். வலி இருப்பின் அஸ்பிரின் போன்ற வலி நிவாரணியை பாவிக்கலாம். மருத்துவரிடம் சென்று டெட்டானஸ்,tetanus , ஊசி போட்டுக் கொள்வது நல்லது.இந்த டெட்டனஸ் 10 வருடங்களுக்கு ஒரு முறை போட்டுக் கொள்வது சிறந்தது.மேல் பகுதியில் ஏற்படும் காயம் பொதுவாக சாதாரணமாக விரைவில் ஆறி விடும்.

சக்தி.