சிக்கன் பால் பனீர் குருமா

by **அருள்** Wed Nov 02, 2011 4:23 pm

தேவையான பொருட்கள்

சிக்கன் - 2 கப்
பால் - 1/2 கப்
பனீர் - 1/2 கப்(துறுவியது)அல்லது முழுதாகவும் போடலாம்
இஞ்சி,பூண்டு விழுது - 5 தேக்கரண்டி(தேவைக்கேற்ப)
உப்பு - (தேவைக்கேற்ப)
வெண்ணெய் - 3 தேக்கரண்டி
எண்ணெய் - 2 தேக்கரண்டி
பட்டை - 3
லவங்கம் - 5
ஏலக்காய் - 2
பிரியாணி இலை - 2
வெங்காயம் - 1 கப்
மஞ்சள் தூள் - 1/2 தேக்கரண்டி
மிளகாய் தூள் - 1/2 தேக்கரண்டி
கொத்தமல்லி தூள் - 1 தேக்கரண்டி
கறி மசாலா - 1 தேக்கரண்டி
தக்காளி - 3
மிளகு தூள் - 2 தேக்கரண்டி
தேங்காய் துருவல் - 1/2 கப்
முந்திரி துருவல் - தேவைக்கேற்ப
கொத்தமல்லி தலை - சிறிது.

செய்முறை

கடாயில் வெண்ணெய்,எண்ணெய் விட்டு காய்ந்ததும் பட்டை,லவங்கம்,ஏலக்காய்,பிரியாணி இலை சேர்த்து வதக்கவும்.
பின் வெங்காயம் சேர்த்து நன்கு வதக்கவும்.
பின் பாதி உப்பு மற்றும் இஞ்சி,பூண்டு விழுது சேர்த்து நன்கு வதக்கவும்.
பின் மஞ்சள் தூள்,மிளகாய் தூள்,கொத்தமல்லி தூள்,கறி மசாலா தூள் சேர்த்து வதக்கவும்.
பின் தக்காளி சேர்த்து தேவையானால் தண்ணீர் தெளித்து,எண்ணெய் வேண்டும் எனில் சிறிது ஊற்றி நன்கு எண்ணெய் மிதக்கும் வரை வதக்கவும்.
பின் தண்ணீர் 3 கப் ஊற்றி,சிக்கன் சேர்த்து மூடி வைத்து வேக விடவும்.
பின் மிளகு தூள், பால் சேர்க்கவும்.
பின் தேங்காய் துருவல்,முந்திரி துருவல்,பனீர்,கொத்தமல்லி தலை சேர்த்து நன்கு கொதி வந்ததும் சுவையான குருமா தயார்.

குறிப்பு:

தேவையானால் உருளை கிழங்கை வேக வைத்து
கடைசியில் சேர்க்கலாம். குருமாவை செய்யும் போது நன்றாக எண்ணெய் மிதக்கும்
வரை வதக்குவது மிக மிக முக்கியம்.
பரோட்டா,சப்பாத்தி,பூரி,சாதம்,இட்லி,தோசை என எல்லாத்துக்கும் பொருத்தமாக
இருக்கும்.

சிக்கன் பால் பனீர் குருமா