மனசாட்சியே இல்லையா?கட்டுமான பணியில் முறைகேடு: இடிந்து விழும் அவலம்

திருப்பூர் : திருப்பூர் மாநகராட்சி பகுதிகளில் 40 கோடி
ரூபாய் மதிப்பில் மேற்கொள்ளப் பட்டு வரும் சாக்கடை கால்வாய் கட்டுமான
பணியில் தரக்குறைவு காரணமாக, சுவர்கள் சரிந்து விழுகின்றன. தரமின்றி
கட்டப் படுவதாலும், விதிமுறைகளை பின்பற்றாததாலும் சுவர் சரிந்து
விழுந்துள்ளது. இதை கண்காணிக்க வேண்டிய அதிகாரிகள், கண்டுகொள்ளாமல்
விட்டுள்ளனர். வரன்முறைப் படுத்தப்பட்ட லே-அவுட் களுக்காக ஒதுக்கப்பட்ட 40
கோடி ரூபாய், முறைகேடு காரணமாக வீணடிக்கப் பட்டு வருகிறது. திருப்பூர் மாநகராட்சி பகுதியில் அங்கீகரிக்கப்படாத வீட்டு
மனைகள், கட்டண அடிப்படையில் இரண்டு ஆண்டுகளுக்கு முன்
வரன்முறைப்படுத்தப்பட்டன. அப்பகுதிகளில் சாக்கடை, வடிகால் வசதிக்காக 40
கோடி ரூபாய் ஒதுக்கப்பட்டு, பணிகள் நடந்து வருகின்றன. இதில், முறைகேடுகள்
நடந்துள்ளதாக குற்றச்சாட்டு எழுந்துள்ளது. 40 கோடி ரூபாய்க்கு டெண்டர்
விடப்பட்டிருந்தால், மிகப் பெரிய நிறுவனங்கள் பங்கு பெற்றிருக்கும்.
ஆனால், அவை சிறு சிறு பணிகளாக பிரிக்கப் பட்டு டெண்டர்
விடப்பட்டுள்ளது.இவ்வாறு கட்டப்படும் சாக் கடை கால்வாய் தரமின்றி கட்டப்
பட்டு வருகின்றன. மாநகராட்சி யின் பல்வேறு பகுதிகளிலும் சாக்கடை கால்வாய்
பெயரள வுக்கே கட்டப்படுகின்றன. போதிய அளவு சிமென்ட், ஜல்லி பயன்படுத்தாமல்
கட்டுவதால், விரைவிலேயே அவை இடிந்து விழுகின்றன. கடந்த ஒரு மாதத்
துக்குள், கட்டப்பட்ட சாக்கடை கால்வாய்கள் பல இடங்களில் சரிந்து
விழுந்துள்ளன.கடந்த வாரங்களில், 12வது வார்டு பாப்பநாயக்கன்பாளையம்,
கட்டபொம்மன் நகர் பகுதிகளில் தரமற்ற கட்டுமானத்தால் சாக்கடை கால்வாய்
சரிந்து விழுந்தது. துணைமேயர் செந்தில்குமாரின் வார்டிலும், மிக மோசமான
தரத் துடன் சாக்கடை கால்வாய் கட்டப் படுவதாக புகார் எழுந்தது. நேரில்
பார்வையிட்ட துணைமேயர், அவற்றை இடித்துவிட்டு, புதிதாக கட்ட
அறிவுறுத்தினார். இதுபோல் பல்வேறு குற்றச் சாட்டுகள் எழுந்தபோதும், மாநக
ராட்சி நிர்வாகம் கண்டுகொள்ளா மல் உள்ளது. நேற்று முன்தினம் இரவு பெய்த
மழையில், மாநக ராட்சி 12வது வார்டு மூர்த்தி நகர் இரண்டாவது வீதியில் 200
அடி தூரத்துக்கு சாக்கடை கால்வாய் பக்கவாட்டுச்சுவர் சரிந்து விழுந் தது.
இதனால், அப்பகுதி பொது மக்கள் அதிர்ச்சி அடைந்துள்ளனர்.
பொதுமக்கள் கூறியதாவது:சாக்கடை கால்வாய் கட்டு மானம் முடிந்து
ஒரு மாதம் கூட ஆகவில்லை. சிமென்ட் மிக குறைவாகவே பயன்படுத்தினர்.
ஜல்லிக்கற்களை பயன்படுத் தாமல், பெரிய மெட்டல் கற் களை பயன்படுத்தினர்.
ஒப்புக்கு பூச்சு வேலை நடந்தது. கட்டு மான பணிக்காக குழி தோண்டப் பட்டது.
பக்கவாட்டுச் சுவர் அருகே, மண் அணைத்து விட வேண்டும். இதுகுறித்து
கேட்டால், மண் அணைக்க தேவையில்லை; எங்களுக்கு தெரியும் என்று கூறி
விட்டனர். பக்கவாட்டுச்சுவர் அருகே மண் இல்லாமல் குழியாக இருந்தது.
பிடிப்பு இல்லாமல் சுவர் இருந்ததால், சிறிய மழைக்கு கூட
தாக்குப்பிடிக்காமல் சரிந்து விழுந்து விட்டது.அருகில் கட்டப்பட்டு வரும்
சாக்கடை கால்வாயும் தரமின்றியே உள்ளது. கட்டி முடிக்கும் முன்பே, சிமென்ட்
பூச்சு உதிர்ந்து, கற்கள் வெளியே தெரிகின்றன. மாநக ராட்சி இளநிலை பொறியாள
ருக்கு புகார் தெரிவித்தும் நடவடிக்கை இல்லை.இன்ஜினியரிங் படிக்காத மக்கள்
வெறுமனே பார்த்தால் கூட, போதிய சிமென்ட், ஜல்லி இல்லாமல் கட்டுமான பணி
நடப்பதை கண்டுபிடிக்க முடியும். ஆனால், மாநகராட்சி அதிகாரிகள் தரமற்ற
பணியை கண்டுகொள்வதே இல்லை. இங்கு கண்காணிக்கவும் யாரும் வரவில்லை. இங்கு
அள்ளப் படும் மண்ணை வெளிப்படை யாகவே விற்பனை செய்கின்றனர்.இவ்வாறு,
பொதுமக்கள் தெரிவித்தனர்.
இதுகுறித்து விளக்கம் பெற, மாநகராட்சி கமிஷனர் ஜெய லட்சுமியை
தொலைபேசியில் தொடர்பு கொண்ட போது, மீட்டிங்கில் இருப்பதாகவும்; பிறகு
தொடர்பு கொள்வதாகவும் கூறி, இணைப்பை துண்டித்தார்.
கழிவு சூழும் அபாயம்! மாநகராட்சியின் உள் கட்டமைப்பு வசதிகள்
மிக மோசமாக உள்ளன. நெருக் கடியில் வசிக்கும் மக்கள் தொகைக்கு ஏற்ப வடிகால்
வசதி இல்லை. பாதாள சாக் கடை திட்டமும் உடனடியாக செயல்பாட்டுக்கு கொண்டு
வரும்படியாக இல்லை.சிறிய மழை பெய்தாலும் நகரின் பெரும்பாலான பகுதி களில்
வெள்ளம் தேங்குகிறது. அடுத்தடுத்து மழை பெய்தால், மழை வெள்ளத்தால் நகரம்
சூழப்படுமோ இல்லையோ, சாக்கடை கழிவுகளால் சூழப்படுவது நிச்சயம்.

மனசாட்சி இருந்தால் ஏன் இந்த கொடுமை. அரசியல்வாதிகள்,அதிகாரிகள் இதனால் நன்மையடைகிறார்கள். அவர்களுக்கு பணம் தேவை.தங்கள் வீடு பலமாக இருக்க வேண்டும் என்று நினைக்கிறார்கள். மின்சாரம் பெற முடியாத, கேபிள் தொடர்பு ஏற்படுத்த பணமற்ற ஏழைகளுக்கு தொலைக்காட்சி பேட்டிகள் கொடுத்தார்கள்.இந்த வறிய ஏழைகள் கேரளா மாநில வணிகர்களுக்கு 1800 ரூபாவிற்கு விற்கிறார்கள். இலவச திட்டத்திற்கு மாற்றாக நல்ல திட்டத்தை செயல் படுத்தி ஏழைகளை வாழ வைக்க முயலக் கூடாதா?

sakthy wrote:மனசாட்சி இருந்தால் ஏன் இந்த கொடுமை. அரசியல்வாதிகள்,அதிகாரிகள் இதனால் நன்மையடைகிறார்கள். அவர்களுக்கு பணம் தேவை.தங்கள் வீடு பலமாக இருக்க வேண்டும் என்று நினைக்கிறார்கள். மின்சாரம் பெற முடியாத, கேபிள் தொடர்பு ஏற்படுத்த பணமற்ற ஏழைகளுக்கு தொலைக்காட்சி பேட்டிகள் கொடுத்தார்கள்.இந்த வறிய ஏழைகள் கேரளா மாநில வணிகர்களுக்கு 1800 ரூபாவிற்கு விற்கிறார்கள். இலவச திட்டத்திற்கு மாற்றாக நல்ல திட்டத்தை செயல் படுத்தி ஏழைகளை வாழ வைக்க முயலக் கூடாதா?