மும்பையில் அடுக்குமாடி கட்டிடம் இடிந்து விழுந்ததில் 29 பேர் பலி

by **ஜனனி** Fri Apr 05, 2013 12:53 pm

மும்பை புறநகரான தானே நகரில் சில் தைகர் எனும் பகுதியில் 7 தளங்கள்
கொண்ட அடுக்குமாடி குடியிருப்பு கட்டப்பட்டு வந்தது. 4 மாடிகளில் மக்கள்
குடியேறிய நிலையில் மேலும் 3 மாடிகள் கட்டப்பட்டு வந்தது. மாநகராட்சி
அதிகாரிகளிடம் எந்த அனுமதியும் பெறாமல் இந்த அடுக்கு மாடி கட்டிடம் சட்ட
விரோதமாக கட்டப்பட்டு வந்ததாக தெரிகிறது.

நேற்று மாலை 6 மணியளவில் கட்டுமான பணிகள் முடிந்து தொழிலாளர்கள்
புறப்பட்டு சென்றனர். சுமார் 35 குடும்பங்களைச் சேர்ந்தவர்கள் முதல் 4
மாடிகளில் இருந்தனர். 6.30 மணியளவில் அந்த அடுக்குமாடி கட்டிடம் பயங்கர
சத்தத்துடன் இடிந்து விழுந்தது. இதனால் அந்த பகுதியே நில நடுக்கம் ஏற்பட்டு
விட்டது போல அதிர்ந்தது.
மும்பையில் அடுக்குமாடி கட்டிடம் இடிந்து விழுந்ததில் 29 பேர் பலி 5-mumbuilding_collapse2

மும்பையில் அடுக்குமாடி கட்டிடம் இடிந்து விழுந்ததில் 29 பேர் பலி 5-mumbuilding_collapse2

கட்டிட இடிபாடுகளில் 35 குடும்பத்தைச் சேர்ந்தவர்கள் சிக்கிக் கொண்டனர்.
சத்தம் கேட்டு அக்கம் பக்கத்தினர் ஓடி வந்தனர். ஆனால் அவர்களால் முழுமையான
மீட்புப் பணிகளில் உடனடியாக ஈடுபட முடியவில்லை. அவர்கள் கொடுத்த தகவலின்
பேரில் 15 வண்டிகளில் தீயணைப்பு படையினர் வந்தனர்.

அவர்களாலும் உடனே மீட்பு பணியை தொடங்க முடியவில்லை. மிகுந்த
சிரமத்துக்குப் பிறகு இரவு 9.30 மணிக்கு மீட்புப் பணிகள் தொடங்கின. ராட்சத
கிரேன்கள் கொண்டு வரப்பட்டு கட்டிட இடிபாடுகள் அகற்றப்பட்டன. வெல்டிங்
கருவி மூலமாகவும் கட்டிடங்கள் துண்டாக்கப்பட்டு சுவர்கள் அகற்றப்பட்டன.

இன்று காலை வரை விடிய, விடிய மீட்புப் பணிகள் நடந்தன. கட்டிட
இடிபாடுகளில் சிக்கி உடல் நசுங்கி உயிரிழந்து, உருக்குலைந்து கிடந்த 29
பேர் பிணமாக மீட்கப்பட்டனர். கட்டிடத்தின் இன்னும் ஒரு பகுதியில் மீட்பு
பணிகள் இன்று காலைதான் தொடங்கியது. கட்டிட இடிபாடுகளில் சிக்கி சுமார் 60
பேர் தவித்தது தெரிய வந்தது.

அவர்களில் பெரும்பாலானவர்கள் படுகாயங்களுடன் மீட்கப்பட்டனர். தானே
நகரில் உள்ள பல மருத்துவமனைகளில் அவர்கள் சேர்க்கப்பட்டுள்ளனர். சுமார் 24
ஆம்புலன்சுகள் இந்த பணியில் ஈடுபடுத்தப்பட்டன. படுகாயம் அடைந்து சிகிச்சை
பெறுபவர்களில் பலரது நிலை கவலைக்கிடமாக உள்ளது. எனவே சாவு எண்ணிக்கை
உயரலாம் என்று அஞ்சப்படுகிறது.

Mumbai building collapse: Toll at 29
*******************************************
he death toll in Thursday’s building collapse in Mumbai’s Thane rose to
29 on Friday morning, said police.Over 53 people have been injured after
the seven-storey building collapsed around 6.30 pm on Thursday at Shil
Dhaigar locality in Thane. “We have confirmation that nine children and
five women were among those who died in the accident. Over 30 people
have been seriously injured,” Mumbai Suburban District Deputy Collector
Manoj Gohad told reporters.