சத்திர சிகிச்சை எந்திரன்கள்

by **logu** Mon Jun 07, 2010 8:35 am

இப்
பூமிப்பந்தில் உயிரினங்கள் தோன்றி அவற்றின் பரிணாம வளர்ச்சி
ஆரம்பித்ததிலிருந்து மருத்துவத் துறையும் வளர்ச்சியடைந்து வந்துள்ளது.
உயிரினங்களின் பரிணாம வளர்ச்சியில் மனிதகுலம் முதிர்ச்சியடைந்து
நாகரீகமடையத் தொடங்கியபோது மருத்துவத் துறையின் வளர்ச்சி மேலும்
வேகமெடுத்தது. பல்வேறு காலகட்டங்களிற் தாக்கும் கொடிய நோய்களை எதிர்த்துப்
போரிடுவதற்காக மனிதன் மூலிகைச் செடிகளை ஓரிடத்தில் வளர்க்கவோ அல்லது
ஓரிடத்தில் சேமித்து வைக்கவோ தொடங்கினான். அவ்வாறு தொடங்கிய
மருத்துவத்துறைப் பயணத்தின் வளர்ச்சிப்படியே இன்றைய நவீன வசதிகளுடன்கூடிய
மருத்துவமனைகள்.

இந்தக் கட்டுரையில் பார்க்கவிருக்கும் விடையம், இன்றைய நவீன மருத்துவமனைகள் சத்திர சிகிச்சை எந்திரன்கள் Robotic-surgery-layout

சத்திர சிகிச்சை எந்திரன்கள் Robotic-surgery-layout

சிலவற்றில் பரிசோதனை முயற்சியாகப் பயன்படுத்தப்படுவதும், எதிர்காலத்தில்
பெரும்பாலான மருத்துவ மனைகளின் பிரதான உபகரணங்களுள் ஒன்றாக
உருவெடுக்கப்போகும் சத்திரசிகிச்சை எந்திரன்கள் (surgery robotics) ஆகும்.
அதாவது, நோயாளிகளுக்கு சத்திர சிகிச்சை செய்வதற்காகப் பயன்படுத்தப்படும்
எந்திரன்களே சத்திரசிகிச்சை எந்திரன்கள் எனப்படுகின்றன.
தொழிற்சாலைகள் மற்றும் பிற பயன்பாடுகளில் எந்திரன்கள் குறிப்பிட்டளவு
பணிகளை தன்னியக்கமாகச் செய்யவல்லனவாகக் காணப்படுகின்றன. ஆனாலும், சத்திர
சிகிச்சையைப் பொறுத்தளவில் எந்திரன்களின் செயற்பாடுகள்
தன்னியக்கமானவையாகக் காணப்படவில்லை. மாறாக மருத்துவர் ஒருவர் நேரடியாகக்
கையினால் செய்யும் சத்திர சிகிச்சையினை, எந்திரக் கைகளின் (robotics arms)
செய்யவல்லவையாக இவை காணப்படுகின்றன. இவ்விடத்தில் கையினால் செய்யும் ஒரு
சத்திர சிகிச்சையினை எந்திரக் கைகளின் உதவியுடன் செய்ய வேண்டிய தேவை என்ன
என்றொரு வினா எழுவது தவிர்க்கப்பட முடியாதது. எந்திரன்களின் உதவியுடன்
சத்திரசிகிச்சை மேற்கொள்ளும் போது சத்திரசிகிச்சைகளின் அதிகரித்த
துல்லியத்தன்மை, குறைவான வலி, குறைந்த நேரம் போன்ற பல்வேறு அனுகூலங்கள்
காணப்படுகின்றன. அது மட்டுமன்றி, வெவ்வேறு இடங்களில் இருக்கும் மருத்துவ
நிபுணர்கள் சேர்ந்து செய்யவேண்டிய சத்திரசிகிச்சைகளி அவர்கள்
இருப்பிடத்திலேயே இருந்தவாறு செய்வது சாத்தியமாகின்றது. இவ்வாறு
செய்யப்படும் சத்திர சிகிச்சைகள் தொலைசத்திரசிகிச்சை (telesurgery)
என்றழைக்கப்படுகின்றன.
இந்த தொலை சத்திரசிகிச்சை முறைகள் இதுவரை நோயாளிகளுக்குச்
சிகிச்சையளிப்பதற்காகப் பயன்படுத்தப்படவில்லையாயினும், இது
சாத்தியமானதாகவே காணப்படுகின்றது. இருப்பினும் மருத்துவரின் அசைவுகளை
கட்டுப்பாட்டுக் கணனி புரிந்து அதற்கேற்ற இயக்கத்தை எந்திரக் கைகளின்
முலம் ஏற்படுத்துவதற்கு எடுக்கும் மிகச்சிறிய நேர இடைவெளி இந்த தொலை
சத்திரசிகிச்சையில் இருக்கும் ஒரு சிறிய குறைபாடாகும். ஆயினும்,
தொழிநுட்பங்களின் வேகமான வளர்ச்சி இவ்வாறான குறைபாடுகளை எதிர்காலத்தில்
களைந்துவிடும் என்பதே விஞ்ஞானிகளின் நம்பிக்கையாக உள்ளது.
இவ்வாறு எந்திரன்களை சத்திர சிகிச்சைக்காகப் பயன்படுத்தும் போது, நீண்ட
நேரமெடுக்கும் சத்திர சிகிச்சைகளின்போது மருத்துவர்களின் உடற்சோர்வு
மற்றும் பிற காரணிகளினால், சத்திர சிகிச்சையில் ஏற்படக்கூடிய தவறுகள்
தவிர்க்கப்படுகின்றன. உதாரணமாக, மருத்துவர் ஒருவர் நீண்ட நேரம்
சத்திரசிகிச்சையில் ஈடுபடும்போது, உடற்களைப்பு காரணமாக அவரின் கைகளில்
சிறு நடுக்கம் ஏற்படலாம். ஆனால், இவ்வாறான எந்திரன்களைப்
பயன்படுத்தும்போது, அவ்வாறான பிரச்சினைகளைத் தவிர்க்க முடியும்.
எந்திரன்களின் உதவியுடன் சத்திர சிகிச்சை செய்யும் முறைகள் 3 வகையாகப் பிரிக்கப்படுகின்றன.

supervisory-controlled system
telesurgical system
shared-control system

சத்திர சிகிச்சை எந்திரன்கள் Robotic-surgery-2

இவற்றில்
முதலாவது வகையான supervisory-controlled system முறையில் தொழிற்படும்
சத்திர சிகிச்சை எந்திரன்கள், குறித்தவொரு சத்திர சிகிச்சைக்காக மருத்துவ
நிபுணர் ஒருவரினால் முற்கூட்டியே கொடுக்கப்படும் அறிவுறுத்தற்
கட்டகைளளுக்கேற்ப தொழிற்படவல்லன. அதாவது மருத்துவ நிபுணர், சத்திர
சிகிச்சை நடைபெற்றுக்கொண்டிருக்கும் நேரத்தில் எந்திரனுக்கான கட்டளைகளை
வழங்கிக்கொண்டிருக்க மாட்டார். மாறாக முற்கூட்டியே குறித்த சத்திர
சிகிச்சைக்கான கட்டளைகள எந்திரனுக்கு மருத்துவ நிபுணரினால்
வழங்கப்பட்டிருக்கும். இருப்பினும் சத்திர சிகிச்சை
நடைபெற்றுக்கொண்டிருக்கும் போது சிகிச்சையை அவதானித்து எந்திரனை அடுத்த
கட்டத்திற்கு நகர்த்துவதற்கோ அல்லது ஏற்கெனவே திட்டமிட்டபடி எந்திரன்
செயற்படாது போனால் அதனைச் சரிசெய்வதற்கோ, மருத்துவ நிபுணர் தொடர்ச்சியாக
எந்திரனை அவதானிக்க வேண்டியது அவசியமாகின்றது.
அடுத்து தொலைக்கட்டுப்பாட்டு சத்திர சிகிச்சை எந்திரன்கள்
(telesurgical system). இவை முன்னரே குறிப்பிடப்பட்டது போன்று மருத்துவ
நிபுணர் சத்திர சிகிச்சைக் கூடத்திற்கு வராது வேறோர் இடத்திலிருந்தபடி
தொலைக்கட்டுப்பாட்டுக் கருவிகளின் உதவியுடன் எந்திரனை இயக்கி சத்திர
சிகிச்சையை மேற்கொள்ளும் முறையாகும்.
அடுத்து shared-control system என்றழைக்கப்படும் சத்திர சிகிச்சை முறை.
இவ்வகையான சத்திர சிகிச்சைகளில், எந்திரன்கள் வைத்திய நிபுணர்களுக்கு
துல்லியமான சத்திர சிகிச்சைகளை மேற்கொள்வதற்கு உதவி புரிகின்றன. அதாவது,
வைத்தியர்கள் சத்திர சிகிச்சை நேரத்தில் எந்திரக் கைகளை அவற்றுக்குரிய
கட்டுப்பாட்டுக் கருவிகளின் உதவியுடன் இயக்குவதன் மூலம் சத்திர சிகிச்சையை
மேற்கொள்கின்றனர். சத்திரசிகிச்சையின் போதான எந்திரனின் அனைத்துச்
செயற்பாடுகளும் வைத்தியரின் நேரடியான கட்டுப்பாட்டிலேயே இயக்கப்படும்.
நவீன வசதிகளுடன் கூடிய பல வைத்திய சாலைகளில், வயிறு, அடிவயிறு மற்றும் இடுப்பு சத்திர சிகிச்சை எந்திரன்கள் Robotic-surgery-3

சத்திர சிகிச்சை எந்திரன்கள் Robotic-surgery-3

பகுதிகளில்
மேற்கொள்ளப்படும் சாதாரண சத்திர சிகிச்சைகள் எந்திரன்களின் உதவியுடனேயே
தற்போது நடைபெறுகின்றன. அதுமட்டுமன்றி, 1999 இல் அமெரிக்க மருத்துவமனை
ஒன்றில் எந்திரன்களின் உதவியுடனான இருதய அறுவைச்சிகிச்சை ஒன்று
வெற்றிகரமாக மேற்கொள்ளப்பட்டது. இவ்வறுவைச் சிகிச்சையின் வெற்றியைத்
தொடர்ந்து நுரையீரல் அறுவைச் சிகிச்சை மற்றும் புற்றுநோய்க் கட்டிகளை
அகற்றுவதற்கான அறுவைச்சிகிச்சை போன்றனவும் எந்திரன்களின் உதவியுடன்
மேற்கொள்ளப்பட்டன.
இதேபோன்று, ஒவ்வொரு வகையான இறுவைச் சிகிச்சைகளை மேற்கொள்வதற்கான
பிரத்தியேக எந்திரன்களை வடிவமைக்கும் முயற்சிகள் தொடர்ச்சியாக
மேற்கொள்ளப்பட்டவண்ணமுள்ளன.