அறியாத தகவல்கள்

நன்றி குங்குமம் முத்தாரம்

* கனவுகளில் அதிகமாக ஒருவர் வெளிப்படுத்தும் உணர்வு, பதற்றம்தான். பொதுவாக கனவுகளில் நேர்மறை விஷயங்களைவிட எதிர்மறை விஷயங்களே அதிகம் வெளிப்படுகின்றன.

* இயல்பிலேயே ஆண்களைவிட பெண்களுக்கு வாசனை உணர்வு அதிகம் உண்டு.

* நீங்கள் பிறந்தநாள் கொண்டாடும் அதே நாளில் உலகில் 1 கோடியே 90 லட்சம் பேர் பிறந்த நாள் கொண்டாடுகின்றனர்.

* சாக்லெட் நமது வாயில் போட்டதும் உருகுவது எப்படி? காரணம்: அதன் உருகு வெப்பநிலை, (15-17 டிகிரி செல்சியஸ்) நமது உடல் வெப்பத்தைவிட குறைவு. அதனால்தான் கரைகிறது.

* பூமியின் மிக உயர்ந்த மலையான எவரெஸ்ட், வருடத்திற்கு 2 அங்குலம் உயர்ந்து வருகிறது.

* ‘Suns’ என்ற வார்த்தைக்கு ஒரு சிறப்பு உண்டு. இதனை தலைகீழாகப் படித்தாலும் அப்படியே படிக்கலாம்.

* ‘புகையிலை மற்றும் மது போதையைவிட அபாயகரமான, கைவிட முடியாத போதையாக ஃபேஸ்புக் மற்றும் ட்விட்டர் போதை மாறிக்கொண்டிருக்கிறது’ - ஒரு ஆய்வு முடிவு இப்படிச் சொல்கிறது.

* உலகெங்கும் தேசிய நினைவுச் சின்னங்களாக கட்டிடங்களை மட்டுமே அங்கீகரித்துள்ளார்கள். அமெரிக்காவின் சான் பிரான்சிஸ்கோ நகரில் ஓடும் கேபிள் கார்களும் தேசிய நினைவுச் சின்னமாக அங்கீகரிக்கப்பட்டுள்ளன. இப்படி நகரும் வாகனம் ஒன்று தேசியச் சின்னமாக அறிவிக்கப்பட்டிருப்பது, உலகில் இது மட்டுமே!

* ‘ஜங்க்’ (குப்பை உணவு) பதார்த்தங்களை சாப்பிடுவதில் ஒரு கஷ்டம் உண்டு. அதில் உள்ள கொழுப்பு, மேலும் சாப்பிடத் தூண்டும். இவ்வுணர்வு சில நாட்களுக்குத் தொடர்கிறது.

* இன்று அமர்க்களப்படும் செல்ஃபி முதன்முதலில் எடுக்கப்பட்டது 1839ம் ஆண்டு. எடுத்தவர், புகைப்படக்காரர் ராபர்ட் கார்னெலியஸ். என்ன... செல்ஃபி எடுப்பதற்காக 3 நிமிடங்கள் ஒரே இடத்தில் அவர் அசையாமல் நிற்க வேண்டியிருந்தது.

* 19ம் நூற்றாண்டு மத்திய காலம் வரை செயற்கைப் பற்கள் என்பது நினைத்துப் பார்க்க முடியாத விஷயமாக இருந்தது. பற்களை இழந்தவர்களுக்கு, போரில் இறந்த ராணுவ வீரர்களின் வாயிலிருந்து  பற்களைப் பிடுங்கி பொருத்தப்பட்டன.

* உரித்தால் கண்ணீரை வரவழைக்காத புது ரக வெங்காயத்தை நியூசிலாந்து விஞ்ஞானிகள் உருவாக்கியுள்ளனர். உரிக்கும்போது கண்ணீரைத் தூண்டிவிடும் மரபணுவை வெங்காயத்திலிருந்து நீக்கி விட்டார்கள். எனவேதான் அழுகை வருவதில்லை.

* வேலையின் நடுவே தூங்க ஜப்பானில் அனுமதியுண்டு. காரணம், ‘கடினமான வேலை. அதனால் நடுவில் ஓய்வு எடுத்துக் கொள்கிறார்’ என பாசிடிவ்வாக எடுத்துக்கொள்வார்கள்.

* சில இடங்களை அல்லது சில பொருட்களை பார்த்ததும், தப்பித்தால் போதும் என உணர்வு ஏற்பட்டு, நழுவும் சிந்தனை வருகிறதல்லவா? அதனை ஆங்கிலத்தில் ‘Abience’ என அழைப்பர்.

* ஜப்பானில் வயது முதிர்ந்தவர்கள் அதிகம். அந்த நாட்டின் மொத்த மக்கள் தொகையில் 26.7 சதவிகிதம் பேர், 65 வயதையும் கடந்தவர்கள். இவர்கள் எண்ணிக்கை 33.84 மில்லியன்.

* உலகெங்கும் பனிச்சரிவுகளில் சிக்கி வருடாவருடம் குறைந்தது 150 பேராவது இறக்கின்றனர். ஆனால் இதில் 90 சதவிகித சம்பவங்களில், இறந்தவர்களே அந்தப் பனிச்சரிவுக்குக் காரணமாக இருக்கிறார்கள்.

* பெங்களூருவுக்கு பூங்கா நகரம் என்ற பெயருண்டு. அதற்கு ஏற்ப பெங்களூருவில் 1288 பூங்காக்கள் உள்ளன.

* கைரேகையைப் படிக்கும் படிப்பிற்கு ‘Dermatoglyphics’ என்று பெயர்.

* உங்கள் நாக்கு சிவப்பு நிறத்திலோ, பிங்க் நிறத்திலோ தெரிவதற்குக் காரணம், நாக்கின் உட்புறம் செல்லும் நுண்ணிய ரத்தக் குழாய்கள்தான். நாக்கின் சருமமானது மிக மெல்லியது. இது அப்படியே உள்ளே இருப்பதைப் பிரதிபலிக்கிறது.

- ராஜிராதா, பெங்களூரு