தெரிந்து கொள்ளலாம் வாங்க..................தெரியாத இடம்-புரியாத மொழி-மாறாத மனிதர்கள்.

தெரிந்து கொள்ளலாம் வாங்க..................தெரியாத இடம்-புரியாத மொழி-மாறாத மனிதர்கள்.

இந்தியா என்றால் என்னவென்று தெரியாத இந்தியர்கள்.

அந்தமான்-நிக்கோபார் தீவுக் கூட்டத்தில் 572 தீவுகள் இருக்கின்றன. இவற்றில் 36 தீவுகளில் மக்கள் நடமாட்டம் காணப்படுகிறது. ஜாரவா பழங்குடியினர், அந்தமான் செண்டினல் பழங்குடி மக்கள், ஒன்கே மக்கள், அந்தமானீஸ்கள் மற்றும் ஷொம்ப்பென் இன பழங்குடி மக்கள் (நிக்கோபார் தீவுகள்)  என பிராந்தியக் குழுக்களாக உள்ளனர்.

இந்த தீவுக் கூட்டத்தில் ஒன்றான வட செண்டினல் தீவில் புரியாத மொழி ஒன்றைப் பேசுவதாகவும்,இதுவரை யாரையும் அங்கு அனுமதிக்கவில்லை எனவும் சொல்லப்படுகிறது. கடல் உணவு,காய்,பழங்கள் இவர்களின் உணவாக உள்ளது.

North Sentinel Island -இது அந்தமான் தீவுக் கூட்டத்தில் உள்ள ஒரு தீவாகும். இந்திய அரசின் ஆழுகைகைக்கு உட்பட்டுள்ள இந்தத் தீவில் 70 பேர் வரை இருக்கலாம் என நம்பப்படுகிறது. 2004 இல் ஏற்பட்ட சுனாமியின் போது சிலர் இறந்திருக்கலாம் என்றும் ,அப்போது ஒரு இந்தியக் கடற்படையின் உலங்கு வானூர்தி அந்தத் தீவின் மீது பறந்து உதவிக்கு முயற்சி செய்ததாகவும்,அங்குள்ளோர் மொழி புரியாததும் வில் -அம்பு -ஈட்டி கொண்டு உலங்கு வானூர்தியை நோக்கி எறிந்ததாகவும்,அதனால் பலனின்றி உணவுப் பொட்டலங்களை வீசி விட்டு திரும்பி விட்டதாகவும் சொல்லப்படுகிறது.

2006 இல் நோய் காரணமாக மக்கள் பாதிக்கப்பட்டதாகவும் அணுக முடியாத நிலையில்,இனி எந்த முயற்சியும் எடுக்கப் போவதில்லை என அதிகாரிகள் அறிவித்துள்ளதாகவும் கூறப்படுகிறது.

இவர்கள் 55,000 வருடங்களுக்கு முந்தைய மனிதர்கள் எனவும், ஆபிரிக்காவில் இருந்தோ அல்லது இந்திய-ஆபிரிக்காவுடனாக கடல் அழிவு காரணமாக தீவாகி விட்டதால் பிரிந்த மனிதர்களாக இருக்கலாம் எனவும், உலக ஆதி மனிதவள பாதுகாப்பு நிறுவனம் கூறுகிறது.
அவர்களை அணுகவோ தீவில் இறங்கவோ முடியாத நிலையில் படகில் இருந்தே படம் பிடித்துள்ளனர்.அவர்கள் பேசும் மொழியும் புரியவில்லை என்கிறார்கள்.

இந்த அந்தமான் தீவுகளில் ஜரவா என்பது இன்னொரு தீவாகும். இங்கே சுற்றுலாப் பயனிகள் செல்ல முடிகிறது. இருப்பினும் அங்கே செல்பவர்கள் ,பேரூந்து செலுத்துனர் போன்றோரால் ஜரவாப் பெண்கள் பாலியல் பலாத்காரம் செய்யப்பட்டு விடுவதும்,அதிலிருந்து அவர்களை காப்பாற்ற முடியாமல் இருப்பதாகவும் சொல்கிறார்கள்.

அங்கு போகும் நெடுஞ்சாலையை மூடும்படி உயர் நீதிமன்றம் உத்தரவிட்டும் எந்தவித நடவடிக்கையும் இல்லை என்கிறார்கள்.

இந்தத் தீவுகள் முன்னர் சோழர்களின் கடற்படத் தளமாக இருந்தது என்பது குறிப்பிடத்தக்கது.

அறிந்திடாத தகவல்