தெரிந்து கொள்ளலாம் வாங்க -3 -..................தெரியாத இடம்-புரியாத மொழி-மாறாத மனிதர்கள்.

by **sakthy** Wed Sep 24, 2014 12:11 am

தெரிந்து கொள்ளலாம் வாங்க -3 -..................தெரியாத இடம்-புரியாத மொழி-மாறாத மனிதர்கள். S3k01g

தெரிந்து கொள்ளலாம் வாங்க -3 -..................தெரியாத இடம்-புரியாத மொழி-மாறாத மனிதர்கள். 2elw3e0

தெரிந்து கொள்ளலாம் வாங்க -3 -..................தெரியாத இடம்-புரியாத மொழி-மாறாத மனிதர்கள். 168zhhh

பசுபிக் பெருங்கடலில் இந்தோனேசியா-அவுத்திரேலியா-ஹவாய் இடையே இருக்கும் 30.000 ற்கு மேற்பட்ட தீவுக் கூட்டங்கள் பசுபிக் தீவுக் கூட்டங்கள் எனப்படுகிறது. இவற்றில் …............

அவுத்திரேலியா தவிர்ந்த மற்றைய தீவுகளை மூன்று பிரிவாகப் பிரித்து, மெலனீசியா (Melanesia)-கறுப்புத் தீவுகள் எனவும்,மைக்ரோனேசியா-Micronesia -சிறிய தீவுகள் எனவும்,பொலினேசியா-Polynesia -அதிக தீவுகள் எனவும் கிரேக்க மொழியில் சொல்லப்படுகிறது..

இந்தத் தீவுக் கூட்டங்களில் சில சுதந்திரம் அடைந்தாலும், இன்னும் பல தீவுகள் வெளிஉலகத் தொடர்புகள் இன்றி ஆதிக் குடிகள் வாழ்ந்து வருகின்றனர். சில தீவுகளில் சுற்றுலாப் பயணிகள் செல்வதால், ஆங்கிலம் சிறிதளவும்,டாலர் பணமும் புளக்கத்தில் இருக்கிறது.

பொதுவாக பொலினேசிய மொழி எனக் கூறினாலும் பல்வேறு மொழிகளைப் பேசும் இவர்களின் மொழியைப் புரிந்து கொள்ள முடியவில்லை எனவும் சில தீவுகளின் உள்ளே இறங்க முடியவில்லை எனவும் சொல்லப்படுகிறது.

வெளி நாட்டவர்கள் செல்லாத இடங்களில் உள்ள கிராமத்தவர்கள் இன்றும் கற்பணம்- stone money-பயன்படுத்தி வருகின்றனர். வட்டக் கல்லின் நடுவே துளையிட்டு, அதை மற்றைய தீவுகளில் உணவுப் பொருட்கள்,இடம் வாங்குவது,விழாக்கள்,மற்றத் தீவினர் உதவிக்காக பரிசாக கொடுக்க போன்றவற்றுக்காகப் பயன்படுத்துகின்றனர். தீவு இனக் குழுவின் தலைவன் சொல்படி,இந்தக் கற்களை பலர் நீண்ட தூரம் சுமந்து சென்று கொடுப்பார்கள்.
2 அங்குலத்தில் இருந்து 8 அடி வரை பெரிதாக துளையிடப்பட்டு,சிறிய பெரிய காசுக் கற்கள் தீவின் நடுப்பகுதியில் வைக்கப்படுகிறது.

சமீபத்தில் சுதந்திரமடைந்த மைக்ரொனேசிய தீவுக் கூட்டத்தில் யாப் என்ற தீவு சுற்றுலாப் பயணிகளால் கவரப்பட்டதால்,கிராமத்தவர்கள் தவிர்ந்த மற்றவர்கள் மெல்ல நாகரீகமடைந்து துணிகளாலான உடைகள்,சிறு பள்ளிகள், நடனம் என மாறி வருகின்றனர்.

இன்றும் மரவுரி உடைகள், ஆதி கிராம நடனம் என வாழ்ந்து வரும் இந்த தீவினரில் பலர் 11.500 வருடங்களுக்கு முன்னர் இந்தியாவில் இருந்து வந்திருக்கலாம் அல்லது லெமூரியா எனச் சொல்லப்படும் தமிழகப் பெரும் பகுதி கடலால் கொள்ளப்பட்ட போது, தீவுக் கூட்டமானதால் எஞ்சிய குடியினர் அங்கே இருந்திருக்கலாம் என நம்பப் படுகிறது.
........................
இந்த நிலையில் சமீபத்தில் அமெரிக்க கடற் பகுதியில் ஆழ்கடலில் கண்டெடுக்கப்பட்ட சில ஆயிரம் ஆண்டுகளுக்கு முந்தைய கப்பலின் பாகங்களை வைத்து ஆய்வு செய்த ஆய்வாளர்கள் அந்தக் கப்பல் தமிழ் நாட்டில் இருந்து வியாபார நோக்குடன் வந்து விபத்தில் அல்லது கடற் சூறாவளியில் சிக்கி கடலில் ஆழ்ந்திருக்கலாம் என்கிறார்கள். இந்தக் கப்பல் தமிழர்களுடையது என்பதற்கு அவர்கள் கூறும் காரணம்---

அன்றைய நாளில் கடல் வாணிபத்தில் ஈடுபட்ட எகிப்தியக் கப்பல்கள் சிறியதாக இருந்தது,எகிப்தியர்கள் ஆழ்கடலில் பயணிக்கவில்லை என்பதுடன்; கிரேக்க,ரோமானிய-யவணக் -கப்பல்களின் கப்பல் கட்டும் முறையில் அவை இருக்கவில்லை என்பதால் நிச்சயம் தமிழகக் கப்பலாக இருக்க முடியும் என்கிறார்கள்.

இதைவிட ஆச்சரியமான தகவல் என்னவென்றால், William H. Prescott என்பவரின் ஆய்வுத் தகவலின்படி தமிழகத்தில் இருந்து வியாபார நோக்குடன் வந்தவர்கள், தென் அமெரிக்க பகுதிகளில் திரும்பிப் போக முடியாத நிலையில், குடியேறி இருக்கலாம் என்றும்,அவர்களே மாயன் நாகரீக-சிவப்பிந்தியக் குழுவாக-இங்கா இனத்தவர்களாக இருக்கலாம் என்கிறார்.

இதைவிட ஆச்சரியமான கவலையான தகவல் என்னவென்றால், கிரகாம் ஹான்காக் என்ற அமெரிக்க ஆழ்கடல் ஆய்வாளர் குழு, பேராசிரியர் கிளென் தன்னிச்சையாக தமிழக கடற் பகுதிகளில் ஆய்வுகளை மேற்கொண்டு பூம்புகார்,மாமல்லபுர கடற் பகுதிகளில் நகரங்களைக் கண்டு பிடித்ததாகவும், மேற்கொண்டு ஆய்வுகளை மேற்கொள்ள இந்திய அரசு அனுமதி கொடுக்கவில்லை; அன்றைய தமிழக அரசும் அக்கறை காட்டவில்லை என கவலையுடன் தெரிவிக்கிறார்.

அதைவிட அவர் தெரிவிக்கும் கருத்து இன்னும் கவலையை தரவே செய்கிறது. அவர்களின் ஆய்வுகள்,படங்கள் எவற்றையும் எங்கும் வெளியிடவில்லை என்றும்,மறைக்கப்பட்டு விட்டதாகவும் சொல்கிறார் அந்த ஆய்வாளர். துவாரகாவிற்கு கொடுத்த அவசரம், உதவி, பூம்புகார்-மாமல்லபுரத்திற்கு மறுக்கப்பட்டது ஏன்?

ஆனாலும் அமெரிக்க தொலைக்காட்சிகள் அப்படங்களையும் காணொளித் துண்டுகளையும் ஒளிபரப்பில் காட்டின.