புரியாத மொழியில் புரியாத புத்தகம்=தெரிந்து கொள்ளலாம் வாங்க. உலகின் அதிசயங்களும் ஆச்சரியங்களும் - 10

தெரிந்து கொள்ளலாம் வாங்க. உலகின் அதிசயங்களும் ஆச்சரியங்களும் - 10

புரியாத மொழியில் புரியாத புத்தகம்.

ரோஜர் பெகான் (Roger Bacon ) என்பவர் (மறுபெயர் Doctor Mirabilis ) , 1214 – 1292 காலகட்டத்தில் மென்மையான ஆட்டு தோலைப் பயன்படுத்தி உருவாக்கப்பட்ட காகிதத்தில்(Vellum ), நம் நாட்டில் பாவிக்கப்பட்ட பனை ஓலைச் சுவடிகள் போல், கையால் எழுதிய புரியாத மொழிப் புத்தகம் தான் இதுவாகும்.இந்தப் புத்தகத்தை 1586 ல் ரோமானிய பேரரசர் ருடால்ஃப் II , 600 ட்யூகேட்ஸ் (சுமார் 2 லட்சம் பவுண்டுகள்) கொடுத்து பெற்றுக்கொண்டார்.

ஆனாலும் இந்தப் புத்தகத்தை பெகான் எழுதி இருக்க வாய்ப்பில்லை எனவும் சொல்லப்படுகிறது.காரணம் கார்பன் ஆய்வில் 15 ம் நூற்றாண்டின் ஆரம்பப் பகுதியில் (1404–1438) தான் எழுதப்பட்டிருக்கலாம் என கண்டறியப்பட்டுள்ளது.அப்படியாயின் இத்தாலியை சேர்ந்த Antonio Averlino (1400–1469)  என்பவர் எழுதி இருக்கலாம் எனவும் சொல்கிறார்கள்.

1912 இல்  நியூயார்க்கை சேர்ந்த புத்தக வியாபாரி வில்ஃப்ரெட் வொயுனிச் கைக்கு வந்து பின்னர்,  இத்தாலிய புத்தக காப்பகத்தில் மிக பாதுகாப்பாக வைக்கப்பட்டுள்ளது.இதைத் தொடர்ந்து தற்போது இந்தப் புத்தகம் Voynich manuscript என அழைக்கப்படுகிறது.

1978 ல் இப்புத்தகத்தில் இருந்து போட்டோ நகல் வடிவில் The Voynich Manuscript: An Elegant Enigma எனும் பெயரில் Mary D’Imperio என்பவரால் (அல்லது குழுமத்தால்) பிரதி உருவாக்கப்பட்டது. 2013 ல் டாக்டர் ரக் ( Dr. Gordon Rugg of Keele University ) என்பவர் புத்தகம் பற்றிய தனது ஆய்வுகளை வெளியிட்டார்.

Voynich manuscript இல் உள்ள சில பக்கங்கள்.












இதிலுள்ள மலர்களை பற்றிய விவரங்களே இதை எழுதியவர் உலகின் பல பகுதிகளுக்கும் சென்று இருப்பார் என்பது தெளிவு. ஒரு மலர் என்றால் அதை மேலோட்டமாக மட்டும் அல்லாமல் அதன் குறுக்குவெட்டு தோற்றம் அதன் உள்ளீட்டின் செல் பகுப்பாய்வு வரை விவரங்கள் இருப்பதாக சொல்கிறார்கள். இப்புத்தகத்தில் இருக்கும் சில விளக்கப்படங்கள் நன்றாகப் பார்த்து பார்த்து வரையப்பட்டிருக்கின்றன. உதாரணமாக மைக்ரோ பயாலாஜிகல் சம்பந்தமான படங்கள் (மைக்ராஸ்கோப்பில் மட்டுமே பார்க்கக்கூடிய) ,இந்த புத்தகத்தில் உள்ளன. அப்படியாயின் இப்புத்தகம் எழுதிய கால கட்டத்தில் மைக்ராஸ்கோப்புகள் கண்டுபிடிக்கப்பட்டிருந்ததா ? என்ற கேள்வியும் எழவே செய்கிறது.கூட்டு நுண்ணோக்கியானது கலிலியோவால் 1625 ல் கண்டுபிடிக்கப்பட்டது....

ஏழு நட்சத்திர கூட்டம் Pleiades cluster ,முதலாம் உலகப்போர் காலந்தொட்டு இப் புத்தக குறியீடுகளை விடுவிக்க பல ஆண்டுகள் பல்வேறு தரப்பு ஆய்வுகள் மேற்கொள்ளப்பட்டன. இறுதியில் மொழியியல் வல்லுநர் (Stephen Bax) ஸ்டீபன் பக்ஸ் இப்புத்தக மர்மம் துலங்கப்பட்டதாக அறிவித்தார். முக்கியமாக அம்மொழி எழுத்துக்களை தம்மால் படிக்க முடிந்ததாகவும் தெரிவித்தார். இவர் மட்டுமே புத்தக ரகசியத்தை விடுவித்தார் என்று சொல்வதற்கு இல்லை அவருக்கு முன் பல ஆராய்சியாளர்கள் புத்தக ரகசியத்தை விடுவிக்கப் பாடுபட்டனர்.

246 பக்கங்களில் 50.000 எழுத்துக்களை உள்ளடக்கி,  1,70,000 குறியீட்டுப் படங்களும் இப்புத்தகத்தில் நிறைந்துள்ளது. சில எழுத்துக்கள் (hieroglyphs ) எகிப்திய உருவ (வடிவ) எழுத்துகளை கொண்டிருந்தன. பல தகவல்களை உள்ளடக்கிய ஒரே குறியீடு வகை இதில் பயன்படுத்தப்பட்டு உள்ளது.

ஆனாலும் கூட இன்னமும் முற்றாக இந்தப் புத்தகத்தில் உள்ள மர்மங்கள் துலக்கப்படவில்லை.பலரும் பல விதமாக விளக்கங்கள் கொடுத்திருந்தாலும்,எழுதப்பட்ட மொழி பழைய இத்தாலிய மொழியா,லத்தீனா அல்லது வேறொரு ஆய்வாளர் கூறுவது போல் உலக மொழிகள் பலவற்றையும் வைத்து கலந்து எழுதப்பட்டதா என்பதை உறுதி செய்ய முடியவில்லை என்கிறார்கள்.

அருமை அருமை நான் அறியாத தகவல்