தமிழ் கற்போம் - தவறுகளைத் திருத்துவோம் - 15

தமிழ் கற்போம் - தவறுகளைத் திருத்துவோம் - 15

தமிழ் கற்போம் எனத் தொடங்கி ஆங்கிலத்தில் சில வருகின்றனவே என எண்ண வேண்டாம். வேறு மொழிகளில் வசனங்களை எழுதும் போதும், குறியீடுகள் பாவிக்கும் போதும், பொருள் மாறுபடுவதையும் மயக்கம் தருவதையும் காட்டவே இவை தரப்பட்டது.

சில ஆங்கில வசனங்கள் இவை. சொல் இலக்கணம் போன்றவற்றில் தவறில்லை என்றாலும்  பல்வேறு பொருளைக் கொடுத்து, உங்களை குழப்ப வைக்கும்,முக்கியமாக Buffalo வசனம்.

A woman, without her, man is nothing.  A woman without her man, is nothing.
All the faith he had had had had no effect on the outcome of his life.
One morning I shot an elephant in my pajamas. How he got into my pajamas I’ll never know.
The complex houses married and single soldiers and their families.
The man the professor the student has studies Rome.
Buffalo buffalo buffalo buffalo buffalo buffalo buffalo buffalo.

சிலசமயம் நிறுத்தக்குறியீடுகள்-punctuation – பெரும் பங்காற்றுகிறது.தமிழிலும் குறியீடுகள் பொருளை மாற்றி விடுகிறது. அதுபோல் சொற்களை சேர்த்து பிரித்து எழுதுவதிலும் கவனம் தேவை. ஓரெழுத்து மாறினால் தலைஎழுத்தே மாறி விடும் என்பது போல்,பொருளும் மாறி விடும்.

அவனுடனே  - அவன் உடனே
வந்தானானால் - வந்தான் ஆனால்
ஒரு கால் - ஒருக்கால்

தனம் தரும் கல்வி தரும் - இந்தச் சொற்தொடரில், தனம் தரும் , கல்வி தரும் - என காற்புள்ளி-comma- ஒன்றைப் போட்டுப் பாருங்கள். முதலாவதுக்கும் இரண்டாவதுக்கும் உள்ள பொருள் மாறி விடுகிறது.


இரட்டை அர்த்தம் கொடுக்கும் வசனங்கள் தமிழில் உண்டு. ஆனால் சினிமாக்காரர்கள் ஆபாசமாக பயன்படுத்தி தமிழையும் சமூகத்தையும் நகைச்சுவை என்ற பெயரில் தவறாக பயன்படுத்துகிறார்கள். இரட்டை அர்த்தம் கொடுக்கும் வசனங்களை நல்ல முறையில் பெண்களை சமூகத்தை ஆபாசமாக சித்தரிக்காது பயன்படுத்த முடியும். இதையே கலைவாணர் யாரையும் எதையும் கொச்சைப் படுத்தாது பயன்படுத்தினார்.

ஒரு சொல்லுக்கு முன்னால் அதை விளக்க வரும் சொல் அடை எனப்படுகிறது. பெயரை விளக்க வரும் அடை, பெயரடை என்றும் வினையை விளக்க வருவது வினையடை என்றும் சொல்லப்படுகிறது.பொதுவாக பெயரடை சொல்லுக்கு முன்னால் வரும்.
கறுப்புப் பெட்டி,சுட்டிக் குழந்தை..............இப்படி.
இந்தப் பெயரடை முன்னர் ஆங்கிலத்தில் தனியே-adjective- எனப்பட்டது. தற்போது adjective-determiner – என்கிறார்கள்.ஆங்கிலத்தில்- adjective,determiner  -என்பவை சிறிய மாற்றம் கொண்டவை.

பயிற்சி தான் வளர்ச்சிக்கு உதவும்,என்பதை நினைவில் கொண்டு படித்தும் எழுதியும் பழகிக் கொள்ளலாம். அதில் ஒரு சுகம் கிடைப்பதை உணர முடியும்.

ஆங்கிலத்தில் Slow and steady win the race என்பதற்கும் Slow and steady wins the race என்பதற்கும் என்ன வேறுபாடு? இதில் எது சரியானது?
Write an essay on Antony and Cleopatra.  என்பதற்கும்
Write an essay on 'Antony and Cleopatra' . என்பதற்கும் உள்ள பொருள் வேறுபாடு என்ன?

மேலே உள்ளவற்றில் இலக்கணத் தவறும், பொருள் வேறுபடுவதையும் காணலாம்.

இப்படித்தான் தமிழிலும் நிறுத்தக் குறியீடுகள் காரணமாக பொருள் மாறு படலாம்.

தமிழில் -மற்று- என ஒரு அசைச் சொல் உண்டு. அதற்குப் பொருள் கிடையாது. ஆனாலும் நாம் சில இடங்களில் -மற்றும்- என்ப் பாவிக்கிறோம். அது தவறு. எடுத்துக்காட்டாக அந்தோனி மற்றும் கிளியோபத்திரா என்பது தவறு. அந்தோனியும் கிளியோபத்திராவும் அல்லது அந்தோனி கிளியோபத்திரா அல்லது அந்தோனி , கிளியோபத்திரா என வரல் வேண்டும்.



இது கிரேக்க நாட்டில் உள்ள House of Cleopatra ஆகும்.ஆனால் எகிப்திய கறுப்பழகி கிளியோபத்த்ரா அல்ல. Dioskourides - Cleopatra தலை இல்லாத சிலைகள் கொண்ட பழைய மண்டபம்.
Cleopatra என்பது கிரேக்க மொழியில் -glory of her father - என்று பொருள்.

நல்ல விளக்கங்களுடன் தந்தமைக்கு நன்றிகள்