தெரிந்து கொள்ளலாம் வாங்க. உலகின் அதிசயங்களும் ஆச்சரியங்களும்-26

தெரிந்து கொள்ளலாம் வாங்க. உலகின் அதிசயங்களும் ஆச்சரியங்களும்-26

கிசாவின் பெரிய பிரமீடு



எகிப்து கெய்ரோவை அடுத்து உள்ள கிசா நெக்ரோபோலிஸில் அமைந்துள்ள மூன்று பெரும் பிரமிட்டுகளில் பெரியதும், காலத்தால் முந்தியதுமான (The Great Pyramid of Giza, கூபுவின் பிரமீடு அல்லது சாப்சின் பிரமீடு) ,பழங்கால ஏழு உலக அதிசயங்களில் மிகப்பழமையானதும் இன்றுவரை மீண்டிருப்பதுமாகும். கிமு 2560 ஆம் ஆண்டு கட்டிமுடிக்கப்பட்ட இது, 4ஆவது வம்ச எகிப்திய பாரோ கூபுவின் சமாதியாகும்.

பெரிய பிரமிட் 137 மீட்டர்கள் (481 அடி) உயரமும், ஒரு பக்கம் 235 மீட்டர்கள் (775 அடிகள்) கொண்ட சதுர வடிவ அடிப்பகுதி 5.5 ஹெக்டேயர்கள் (13.5 ஏக்கர்கள்) பரப்பளவையும் கொண்டுள்ளது. 4000 ஆண்டுகளுக்கு மேலாக மனிதனால் கட்டப்பட்ட, உலகின் மிக உயந்த அமைப்பாக இருந்து வந்தாலும், 1439ல் உருவான 143 மீட்டர்கள் உயரமான ஸ்ட்ராஸ்பர்க்கின் மின்ஸ்டர் என்ற தேவாலயம் உயரத்தில் கூடியது என்ற இடத்தைப் பிடித்துக்கொண்டது.



இந்த (2575 - 2465 BC) மூன்று பிரமிட்டுகளில் பெரியது கூபுவினுடையதும்,(Khufu -Cheops),அடுத்தது கப்ரா (Khafra -Chephren) வினுடையதும்,மூன்றாவது மெங்கௌரா(Menkaura -Mycerinus) வினுடையதுமாகும்.

Sphinx -இசுபிங்க்



Sphinx -இசுபிங்க் (கி.மு. 2723 - கி.மு. 2563) என்பது ஒரே கல்லில் உருவான 240 அடி (73 மீட்டர்) நீளமும் 66 அடி(20 மீ) உயரமும் கொண்ட மிருகம்-மனித உருவம் கொண்ட சிலைகளாகும்.மிகப்பெரிய இசுபிங்சு கீசாவில் நைல் நதியின் மேற்கு கரையில் வடக்கு நோக்கி உள்ளது.பாதங்களுக்கு இடையே ஒரு கோயிலும் அமைந்துள்ள இதன், தலை எகிப்திய ஃபாரோவான கஃப்ரா (Khafra) அல்லது அவர் தம்பி ஜெடெஃப்ரா (Djedefra) வின் தலையாக இருக்கலாம் என நம்பப்படுகிறது.

இசுபிங்சுகள், சிங்க உடலும் மனிதத் தலையும் கொண்ட அண்ட்ரோ இசுபிங்சுகள்,சிங்க உடலும் செம்மறியாட்டுத் தலையும் கொண்ட கிரியோ இசுபிங்சு,சிங்க உடலும் வல்லூறு அல்லது பருந்தின் தலையும் கொண்ட ஹையெரொகோ இசுபிங்சு என மூன்று விதமான வடிவங்களில் காணப்படுகின்றன.

சினாய் மலை



மத்திய கிழக்கில் நான்கு சூத-கிறிஸ்தவ நம்பிக்கையுடனான மலைகள் உண்டு.கிழக்கு துருக்கியில் Mt Ararat (Noah's ark); சினாயில் உள்ள மோசஸ் 10 கட்டளைகள் பெற்ற சினாய் மலை-Mt. Sinai (Mt. Horeb and Jebel Musa );இஸ்ரயேலில் உள்ள ஜெருசலேம் நகரும் சொலமன் கோயிலும் உள்ள Mt. Moriah ( Mt. Zion );இஸ்ரயேலில் உள்ள ஜேசுவை மாற்றிய Mt. Tabor என்பவையாகும்.

எகிப்தில் கீபிறூ அடிமைக்குப் பிறந்த மோசஸ் சூத மதத்தை உருவாகியராவார்.கிபுறு இனத்தவர்கள் 400 வருட (1650-1250 BC) காலமாக எகிப்தில் அடிமைகளாக இருந்தனர். Pharaoh மதகுரு கீபுறுக்களுக்கு பிறக்கும் ஆண் குழந்தைகள் நீரில் மூழ்கடித்து கொல்லப்பட வேண்டும் எனவும் ஒரு நாள் அடிமைத்தனத்தில் இருந்து விடுவிக்கவும் உத்தரவிட்டிருந்தான்.

இதில் இருந்து மோசசைக் காப்பாற்ற எண்ணிய பெற்றோர் ஒரு கூடையில் வைத்து நைல் நதியில் போட்டனர். இந்தக் குழந்தை பாரோவின் மகளால் கண்டெடுக்கப்பட்டு வளர்ப்புக் குழந்தையாக ராச வாழ்க்கை வாழ்ந்தது.40 வயதில் மோசஸ் தனது உண்மை வரலாற்றைத் தெரிந்து கொண்டான்.

சினாய் மலைஅடிவாரத்தில் சுமார் 1200 மீற்றர் உயரத்தில் புனித கதரினா கிறிஸ்தவ மடமும், மலை உச்சியில் மசூதி ஒன்றும், கிரேக்க மரபுவழி திருச்சபயின் தேவாலயம் ஒன்றும் காணப்படுகிறது. மலை உச்சியில் மோசே கடவுளின் பத்துக் கட்டளைகளை பெற காத்திருந்ததாக கருதப்படும் மோசேயின் குகையும் காணப்படுகிறது.

லக்சோர்- Luxor





இது 18 வது பாரௌ அரசவம்சத்தினரால் pharaoh Amenhotep III (reigned 1391 - 1353 BC)  கட்டப்பட்ட அரச கோயிலாகும். இக் கோயிலுக்கான நுழைவாயில் வடக்குப் பக்கத்தில் அமைந்துள்ளது. இந்த நுழைவாயிலுக்குச் செல்லும் பாதையின் இரு மருங்கும் வரிசையாக ஸ்ஃபிங்ஸ் உருவங்கள் அமைக்கப்பட்டுள்ளன. இப் பாதை, பிற்காலத்தில், 30 ஆவது அரச வம்சத்தைச் சேர்ந்த முதலாவது நெக்டனெபோவின் காலத்தில் அமைக்கப்பட்டது.

கோயிலின் நுழைவாயிலில், 24 மீட்டர் (79 அடி) உயரம் கொண்ட கோபுரம் போன்ற அமைப்பு (Pylon) உள்ளது. இது இரண்டாவது ராமேசஸினால் (Ramesses II) கட்டுவிக்கப்பட்டது. இதில், ராமேசஸின் போர் வெற்றிகள் குறித்த கட்சிகள் செதுக்கப்பட்டுள்ளன. பிற்காலத்திலும், குறிப்பாக, நூபிய மற்றும் எதியோப்பிய மரபுகளைச் சேர்ந்த அரசர்களும் தமது வெற்றிகளை இதிலே பதிவு செய்துள்ளனர்.

முன்னர் இந்த நுழைவாயிலின் இரு பக்கங்களிலும் ராமேசஸின் மிகப் பெரிய ஆறு சிலைகள் அமைக்கப்பட்டிருந்ததாகக் கூறப்படுகிறது. இவற்றுள் நான்கு இருந்த நிலையிலும், இரண்டு நின்ற நிலையிலும் அமைந்திருந்தன. இன்று இவற்றுள் இருந்த நிலையிலுள்ள இரண்டு சிலைகள் மட்டுமே தப்பியுள்ளன.

Siwa Oasis -சிவாவின் பாலைவனச்சோலை





இது எகிப்தில் இருந்து 300 கி.மீ. தூரத்தில் உள்ள பாலைவனப் பகுதியில் அமைந்துள்ளது.
அரபு மொழியில் சிவா என்பதற்கு எகிப்திய சூரியக் கடவுளைக் காப்பவர்(Protector of the Egyptian Sun god Amon-Ra ),சிவா நகரில் இருந்து 4 கிமீ தூரத்தில் Aghurmi குன்றில் இருந்து இன்றும் பார்க்க முடியும். Paleolithic, Neolithic காலத்தில் சிவாவில் குடியேற்றம் இருந்ததாகச் சொல்லப்பட்டாலும்,pharaonic Egypt (2050-1800 BC and 1570-1090 BC) காலத்தில் இருந்ததற்கே வரலாற்று ஆதாரங்கள் உண்டு.சிவாவில் உள்ள கோயில்  Amon-Ra என்ற சூரியக் கடவுளுக்காக உருவாக்கப்பட்டதாகும்.

கர்னாக் கோயில்





எகிப்தில் உள்ள லக்சோருக்கு அருகில் அமைந்துள்ள அமொன் ரே வளாகம், கர்னாக் கோயில் (கிமு.3200) தொகுதியை உருவாக்குகின்ற நான்கு பகுதிகளுள் ஒன்றாகும். பண்டைய எகிப்தியப் பண்பாட்டுக்கு உரிய கட்டிடங்களைக் கொண்ட இந் நான்கு பகுதிகளுள் பெரியதும், பொதுமக்கள் பார்ப்பதற்கு அனுமதிக்கப்படுவதுமான ஒரே பகுதியும் இதுவே. இக் கோயில் பண்டைய எகிப்தியர்களின் கடவுளான அமொனுக்காக அமைக்கப்பட்டுள்ளது.இது 75 அடி உயரமும்,6 அடி அகலமும் 143-160 தொன் நிறையும் கொண்டதாகும்.

Dendera -தேன்தெரா



எகிப்தில் உள்ள கிமு 5000 ஆண்டளவிலான கோயில் ஆகும். இது காளிகோயில் போன்ற நோய்களைக் குணமாக்கும் பெண் தெய்வமாகும்.

பிரம்மீடுகளை பற்றி இவ்வளவு தகவல்களை தந்தமைக்கு நன்றிகள்