தெரிந்து கொள்ளலாம் வாங்க. உலகின் அதிசயங்களும் ஆச்சரியங்களும்-28

தெரிந்து கொள்ளலாம் வாங்க. உலகின் அதிசயங்களும் ஆச்சரியங்களும்-28

உலகில் கொடுக்கப்பட்ட சில கொடுமையான தண்டனைகள். இது மனித குலத்தின் ஆச்சரியமா அல்லது அதிசயமா? இன்றைய கொடுமைகளைப் பார்க்கும் போது அவை ஒன்றும் பெரிதாக தெரியவில்லை என்றே எண்ணத் தோன்றுகிறது. தெரியாமல் கொடுக்கும் பல தண்டனைகள்,சித்திரவதைகள் வெளிச்சத்திற்கு வருவதில்லை.அதைப் பற்றி எல்லாம் மனித உரிமை பேசுவோர் கண்டு கொள்வதும் இல்லை.

சல்லிக் கட்டுக்கும் சேவல் சண்டைக்கும் கண்ணீர் விடும் கனவான்கள், மக்கள் சித்திரவதைக்கும் படுகொலைக்கும் உள்ளாவதைக் கண்டு கொள்வதில்லை.

இந்த உலகில் தண்டனை கொடுக்க யாருக்கு உரிமை உண்டு என்ற கேள்வியைக் கேட்டால், பதில் வர சிறிது சங்கடமாகவே இருக்கிறது.தவறு செய்யாதவன் யார்? சட்டத்தை கையில் எடுத்தவன் எல்லாம் தண்டனை கொடுக்க முடியுமா? இந்திய நீதித் துறையில் கட்சி சார்ந்து, சாதி மதம் சார்ந்து,தனி மனிதன் சார்ந்து, நீதி ஒரு பக்கம் சாய்ந்ததைக் கண்டிருக்கிறோம்.

ஆனாலும் வரலாற்றில் கொடுக்கப்பட்ட தண்டனைகள் மனத்தை குடையவே செய்கிறது.

வரலாற்றுப் பேராசிரியர் Martin Zimmerman தனது ஆய்வு நூலில்,பல வரலாற்றுத் தண்டனைகளை எடுத்து வைக்கிறார்.அவற்றில் சில.................

sitting in the tub -கிரேக்கத்தில்

ஒரு மரத் தொட்டியில் தண்டனை பெற்றவர் இருக்க வைக்கப்படுவார். அவர் தலை மட்டும் வெளியே தெரியக் கூடியதாக இருக்கும். பின் அவர் முகத்தில் தேன் கலந்த பாலைப் பூசுவார்கள். சிறிது நேரத்தில் ஈக்கள் மூக்கு, கண்,முகத்தில் மொய்க்க ஆரம்பிக்கும்.
அந்த நேரத்திலும் அவருக்கு உணவு கொடுக்கப்படும். அவர் அதை உண்பதால் வெளியேற்றப்படும் சொந்த மனிதக் கழிவுகள் அத் தொட்டிக்குள் சேரத் தொடங்குவதால், சில நாட்களில் புளுக்கள் உற்பத்தியாகும். முடிவு புளுக்கள் அந்தக் கழிவுகளை மட்டுமல்ல, குற்றவாளியை கடித்து மெல்ல உணவாக்க ஆரம்பிக்கும். உயிருடனே அந்த மனிதன் மெல்ல இறப்பான்.

The Brazen Bull  -கிரேக்கத்தில்


Sicilian Bull எனவும் சொல்லப்படும் இந்தத் தண்டனையில் பித்தளையால் உருவாக்கப்பட்ட திறந்து மூடக்கூடிய காளை வடிவமான ஒன்றில் குற்றவாளி வைக்கப்படுவார்,இல்லை திணிக்கப்படுவார். கீழே தீ மூட்டப்பட்டு,அந்தப் பித்தளையிலான காளை உருவம் மஞ்சல் நிறமாகும் வரை சூடாக்குவார்கள். உள்ளே இருக்கும் குற்றவாளி கொடிய வலியுடன், உயிருடன் வாட்டப்பட்டு கருவாடு போல் ஆகி,திறக்கும் போது களை உருவத்தில் வெளியே எடுக்கப்படுவார்.
 
Impalement -ரோமானியா

15 ம் நூற்றாண்டில் ரோமானியாவில் Vlad the Impaler என்பவனால் கொடுக்கப்பட்ட தண்டனை இதுவாகும்.மிகக் கூர்மையான தடித்த வேல் போன்ற ஆயுதம் ஒன்றின் மேல் குற்றவாளி வைக்கப்படுவான். அவனின் உடற்பாரத்தால் மெல்ல கூர்மையான ஈட்டி உடலில் நுழையத் தொடங்கும்.

இப்படியே மூன்று நாட்களுக்கு இறக்கும் வரை வைக்கப்படுவான். இந்தத் தண்டனையை அவர்கள் உணவருந்தியபடியே இரசிப்பார்களாம்.
இது போன்ற தண்டனை தமிழ் நாட்டில் களப்பிரயர் காலத்தில், இந்துக்களால் வாதில் தோற்ற சமணர்களுக்கு கொடுக்கப்பட்டது. இது கழுவேற்றல் எனச் சொல்லப்பட்டது.

Crucifixion

இயேசுவிற்கு கொடுக்கப்பட்ட தண்டனை இதுவாகும்.

The Judas Cradle

impalement போன்ற இந்த முறையில்,பிரமிட் வடிவிலான கூர்மையான தொட்டியின் மேல் குற்றவாளி கயிற்றினால் நிர்வாணமாக கட்டித் தொங்கவிடப்பட்டு, கீழேயும் மேலேயுமாக இழுப்பார்கள்.கொடுக்கப்படும் தண்டனை நீண்ட நேரமாக,நாட்கணக்காக நடக்கும்.இந்த முறையால் உடனே சாகா விட்டாலும் கூட, வலி கொடுமைப்படுத்தும்.

Coffin Torture

ஒரு சிறிய இரும்புக் கூட்டில் குற்றவாளி அடைக்கப்பட்டு மரத்தில் கட்டித் தொங்கவிடப்படுவார். காக்கைகள் மயக்கமுறும் நேரம் வரை பார்த்து கொத்தத் தொடங்கும்.அந்தப் பறவைகளுக்கு இரையாகும் வரை அப்படியே தொங்கவிடப்படுவார்.

Rat Torture

குற்றவாளி உடலுக்கு மேல் ஒரு கூண்டு இறுக வைக்கப்படும்.உள்ளே எலி போன்றவை விடப்பட்டு கூண்டின் மேற்புறத்தில் சூடாக்கப்படும். சூட்டினால் உள்ளே இருக்கும் விலங்குகள் அந்த மனிதனின் உடலை வளை போல் துளைத்து வெளியேற முயற்சிப்பதுடன்,உடலைக் குடைந்து வெளியேறவும் செய்யும்.

Saw Torture

இந்த முறையில் குற்றவாளி தலைகீழாக தொங்க விடப்பட்டு, பின் வாளால் இரண்டு பாதியாக அரிந்து துண்டாக்குவார்கள்.

Hanged, Drawn, and Quartered

1814 வரை லண்டனில் இருந்து வந்த இந்த முறையில், கழுத்தில் சுருக்கிட்டு சிறிது நேரம் தொங்க விடுவார்கள். சாகும் நிலை வந்ததும் இறக்கி குடல் மற்றும் பிறப்புறுப்புகளை எரிப்பார்கள்.பின்னர் நான்கு துண்டுகளாக இழுத்துப் பிரிப்பார்கள்.

வரலாற்றில் மிகவும் கொடுமையான பகுதி