உலகின் ஆழமான கடல்பகுதி-தெரிந்து கொள்ளலாம் வாங்க. உலகின் அதிசயங்களும் ஆச்சரியங்களும்.-4

தெரிந்து கொள்ளலாம் வாங்க. உலகின் அதிசயங்களும் ஆச்சரியங்களும்.-4

உலகின் ஆழமான கடல்பகுதி -சாலஞ்சர் மடு.

வட துருவம், தென் துருவம், எவரெஸ்ட் என பூமிப்பந்தின் பல இடங்களுக்கும் சென்ற மனிதன், கடலின் ஆழத்தை மட்டும் தொட்டுப் பார்ப்பதில் பெரும் சிரமத்தைக் கண்டான்.ஸ்கூபா (Scuba) எனப்படும் சுவாசக் கருவி,மற்றும் பாதுகாப்பு உடைகளை அணிந்தும் போக முடியாத நிலை இருக்கிறது. மனிதன் கடலின் ஆழத்திற்கு செல்லச் செல்ல அங்குள்ள அழுத்தம் மிக அதிகமாக இருக்கும். கடுமையான பலம் கொண்ட இரும்புக் கவசத்தைக் கூட அழுத்தி நசுக்கி விடும் அழுத்தம், ஏறக்குறைய நான்கு கி.மீ. மேல்,அழுத்தம் நாநூறு மடங்காகக் காணப்படும். அதற்குக் காரணம் தண்ணீரின் மேல்,கீழ்,பக்க அழுத்தங்களாகும்.

அதே சமயம் கடலுக்கு மேலே,இதற்கு எதிர்மாறாக இருக்கிறது. காற்றுக்கு எடை இருப்பதால்,அது நம்மை ஒரு சதுர செண்டிமீட்டருக்கு ஒரு கிலோ வீதம் எல்லாப் பக்கங்களிலிருந்தும் அழுத்திக் கொண்டிருக்கிறது. இதை மண்டல் அழுத்தம் (Mandel air pressure) என்று குறிப்பிடுகின்றனர். கீழே காற்றின் எடை அதிகமாக இருப்பதால்,அதிக அழுத்தமும்,மேலே செல்லச் செல்ல காற்று குறைவாகி எடை குறைவதால் அழுத்தம் குறைவாகவும் இருக்கிறது. இதனால் பூமியின் மேற்பரப்பில் இருக்கும் போது அதிக எடையையும்,மேலே செல்லச் செல்ல எடை குறைவாக இருப்பதையும் உணருகிறோம்.

உலகின் கடல்களில் மிக ஆழமான இடம் பசிபிக் கடலில் உள்ள மரியானா அகழி (Mariana Trench) ஆகும். அந்த அகழியின் நடுவே தான் சேலஞ்சர் மடு (Challenger Deep) எனப்படும், 10,902 மீட்டர் ஆழமான பள்ளம் உள்ளது. அந்த ஆழத்தில் கடல் மட்டத்தில் உள்ளதைப் போல 1100 மடங்கு அழுத்தமாக இருக்கும்.  ஆனாலும் அந்த ஆழத்துக்குப் போய்  கடலடித் தரையில் முதலில் காலடி பதித்தவர்கள் இருவர்,



சனவரி 23,1960 ஆம் ஆண்டில் இந்த இரண்டு பேரும் கனத்த உருக்கினால் ஆன ட்ரீயஸ்ட் (Trieste) என்னும்  நீர்மூழ்கி கலத்தின் மூலம், கோளத்திற்குள் உட்கார்ந்தபடி, சேலஞ்சர் மடுவில், கடல் ஆராய்ச்சி நிபுணரான ஜாக் பிக்கா( Jacques Piccard ),  அமெரிக்க கடற்படை அதிகாரி வால்ஷ்(Don Walsh ) போய் இறங்கினர். கனத்த பிளாஸ்டிக்கினால் ஆன ஜன்னல் வழியே கடலடித் தரையை சிறிது நேரம் கண்டனர். இதன் ஆழத்தைக் கண்டறிய ஆழில்லா கலன்கள் 1995 இலும் 2009 இலும் அனுப்பப்பட்டன.2012 மார்ச் 26 இல் கனடிய சினிமா இயக்குனர் தனிமனித கலமொன்றில்10,898.4 மீற்றர் ஆழத்திற்குச் சென்று வந்தார்.

இது போல் பாண்டிச்சேரியைச் சேர்ந்த, ஆழ்கடல் பயிற்சியாளர் (ஸ்கூபா நீர்மூழ்கி(Scuba Diving) பயிற்சியாளர்) , கடலில் மூழ்கிய சில தமிழ் நகரங்களை படம் பிடித்துள்ளனர்.இவர் நீண்ட மதில் சுவர் போன்ற பகுதியயும் படம் பிடித்துள்ளார்.



இவை கார்பன் டேட்டிங்கின் படி, (carbon dating), பொருள், மட்பாண்ட, சுவர்கள் பிரிவுகள், மணிகள், சிற்பம், மற்றும் மனித எலும்புகள் போன்றவை,  9500 ஆண்டுகள் பழமை வாய்ந்தவை எனச் சொல்லப்படுகிறது.

அருமை தொடரட்டும்

தெரிந்து கொள்ளலாம் வாங்க. உலகின் அதிசயங்களும் ஆச்சரியங்களும்.-3 சித்தன்னவாயில் + பெண் விஞ்ஞானி ஐரீன்.

மேலும் அறிய இந்த லிங்க்கை அழுத்தவும் http://www.puthiyatamil.net/t46356-3#ixzz346Kd8KeS 
Under Creative Commons License: Attribution