இணைய உலாவியில், பொக்கெட் -Pocket – என்பது என்ன?

by **sakthy** Mon Apr 07, 2014 6:38 pm

இணைய உலாவியில், பொக்கெட் -Pocket – என்பது என்ன?

நாம் தினமும் பல மென்பொருட்களைப் பார்ப்போம். நன்றாக இருக்கும், தேவையானதாகவும் இருக்கும். எல்லா மென்பொருட்களையும் கணினியில் இணைத்துக் கொண்டால்? முடியுமா? மிக முக்கியமான தேவையான மென்பொருட்களை இணைக்கலாம். பொதுவாக வந்தட்டை பிரித்து-Partion-செய்து ஒரு பிரிவை Software என வைத்து,அனைத்து மென்பொருட்களையும் வைத்துக் கொள்ளலாம். இதனால் C: System Drive இன் வேகம் குறையாது இருக்கும். மாதம் ஒருமுறை அல்லது எப்போதாவது ஒருமுறை பாவிக்கும் மென்பொருளை partion இல் மட்டும் வைத்து,C-System Drive இல் உள்ள OS உடன் இணைக்காது portable போல் வைத்துக் கொள்ளலாம். இது தவிர DVD/USB இல், எப்போதாவது பாவிக்கும் மென்பொருட்களை வைத்துப் பாவிக்கலாம். இப்படிச் செய்வதால் கணினியின் சுமை குறைவதுடன் விருப்பமான, அதிக மென்பொருட்களை நாம் வைத்திருக்க முடியும். இதுதவிர portable OS முறையையும் பாவிக்கலாம்.

அதுமட்டுமல்லாது பல மென்பொருட்கள் நமக்கு தேவையற்றதாகும்.அவை இல்லாமல் நாமே அந்த வேலைகளை சுலபமாக செய்து விட முடியும். scan,registry clean,speedup windows,cleanup temp files,cleanup virus/malware இப்படிப் பல வேலைகளை நாமே செய்துவிட முடியும். மென்பொருள் சிறிது வேகமாக செய்து விடும் என்பது உண்மையே.

இந்த தகவலுடன்...................

நாம் கல்லூரியில் இருந்து,வேலையில் இருந்து களைப்புடன் வருவோம். இணையத்தில் ஏதாவது நல்ல பதிவு,வீடியோ,அல்லது நீண்ட பதிவை இணையத்தில் இருந்து கொண்டே படிக்க முடியாது போகலாம். களைப்பு அசதியுடன் அல்லது வேறு காரணங்களால் உடனே பார்க்க முடியாதிருக்கும் இவற்றை, பின்னர் பார்க்கலாம் என்றால் மறந்து போய்விடுவோம். சிலர் தரவிறக்கி பின்னர் பாவிப்பார்கள். ஆனால் ஒரு முறை பார்ப்பதற்கு படிப்பதற்கு மட்டும் இருக்கும் சிலவற்றை ஏன் தரவிறக்கி சிரமப்பட வேண்டும்?

இதற்கு சில வசதிகள் உண்டு. முன்னர் இதுபற்றி எழுதி இருந்தேன் மறந்தவர்கள்,தெரியாதவர்களுக்காக இன்னொருமுறை......................

pocket என்ற addon ஒன்றை உங்கள் உலாவியில் இணைத்து, பதிவுகள்,வீடியோக்களை -Read It Later – பின்னர் பார்க்கலாம். அந்தப் பக்கத்தில் மின் அஞ்சல் முகவரி,கடவுச்சொல் கொடுத்து பதிவு செய்து add on ஐ உலாவியில் இணைத்துக் கொள்ளலாம். இணைத்ததும்,ஒரு சிறிய ஐகன் உலாவியின் வலது மேல் மூலையில் உட்கார்ந்து கொள்ளும். வேண்டிய பதிவை அல்லது வீடியோவை இப்படி எதை வேண்டுமானாலும் பின்னர் நேரம் கிடைக்கும் போது, படிக்க,பார்க்க வேண்டுமானால்,அந்த ஐகனில் கிளிக் செய்து சேமிக்கலாம். ஒரே கிளிக்கில் இவை சேமிக்கப்படும். பின்னர் வேண்டும் போது அங்கே சென்று ஒரே கிளிக்- பதிவு,வீடியோ உலாவியின் பக்கத்தில் காட்சி தரும். இதற்கு இணைய இணைப்பு தேவை இல்லை.

இதுபோல் வேறு add on களும் உண்டு.ஆனால் Pocket இலவசம் மட்டுமல்ல சுலபமானதுமாகும்.அத்துடன் இதை கணினியில் மட்டுமல்ல, அன்றொயிட் மொபைல் ஐபோன் போன்ற அனைத்திலும் பாவிக்க முடியும்.

[You must be registered and logged in to see this link.]

இதை நாம் வேண்டுமானால், நாமாகவே ஒன்றை உருவாக்கவும் முடியும்.அப்படி நாம் உருவாக்கும் போது, மின் அஞ்சல், கடவுச்சொல் தேவையிருக்காது.