இணைய உலாவியில்(Web Browser) உள்ள சில வசதிகள்,உங்களுக்குத் தெரிந்ததும், தெரியாததும்.........

இணைய உலாவியில்(Web Browser) உள்ள சில வசதிகள்,உங்களுக்குத் தெரிந்ததும், தெரியாததும்.........

எல்லோரும் இணையத்திற்கு செல்ல,Firefox,Chrome,IE,Opera என வெவ்வேறு உலாவிகளைப் பாவிப்பார்கள். இதில் பல மறைக்கப்பட்ட வசதிகள் உண்டு.உதாரணமாக நாம் செல்லும் ஒரு இணையப் பக்கத்தில்,வீடியோக்கள் செயல்படக் கூடாது என நினைத்தால்,adobe flash plugin ஐ தடுத்து அல்லது நீக்கி வைக்கலாம். அப்படிச் செய்தால் அந்தப் பக்கத்தில் உள்ள வீடியோக்கள் வேலை செய்யாது.Plugin disabled என செய்தி வரும். இப்படியான செயல்களை எப்படி செய்வது?

இணையப்பக்கத்தில்(அல்லது address bar இல், இணையப் பக்கத்தின் -URL- இடது பக்கத்தில் உள்ள அடையாளத்தில்-ஐகன்-சொடுக்கி செல்லலாம்.) வலது கிளிக் செய்யும் போது வரும், View Page Info ஐ கிளிக்  செய்யவும். வரும் சாளரத்தில் Permissions இல் சென்றால்,குறிப்பிட்ட பக்கத்தில் எவை எந்த நிலையில் இருக்கிறது என்பதைக் காணலாம். இந்த வசதி எல்லா உலாவிகளிலும் உண்டு.

உதாரணமாக தேவையற்ற மிகப்பெரிய படங்கள் வரும் பக்கத்தில்,அவற்றை தடுக்க load images என்பதை block செய்து தடுக்கலாம்.

நீங்கள் செல்லும் அனைத்துப் பக்கங்களையும் ஒரே தடவையில் பார்க்க வேண்டுமானால், உதாரணமாக firefox -address bar இல், about:permissions ,என்பதைக் கொடுத்து enter செய்தால், அனைத்துப் பக்கங்களையும் ஒன்றாகக் காணலாம்.இந்த வசதியை Google Chrome இல் காண,
menu -Settings -advanced settings - Privacy -Content settings

மேலே சொல்லப்பட்ட permissions ற்கு அருகே உள்ள feed என்பதை சொடுக்கினால், குறிப்பிட்ட பக்கத்தில் உள்ள, சம்பந்தப்பட்ட அனைத்து பக்கங்களும் அல்லது தலைப்புகளும் இருக்கும்.தலைப்புகள் அதிகமாக இருந்தால்,அந்தப் பக்கத்தின்(Web Site) Url உடன் feed என்பதும் கொண்ட முகவரி காட்டப்படும்.அதைக் சொடுக்கினால், அனைத்து Web Pages களும் ஒன்றாக காட்டப்படும். (Web Page என்பதும் Web Site என்பதும் வெவ்வேறானவை என்பதைக் கவனிக்கவும்.இரண்டும் ஒன்றல்ல.) அனைத்துப் பதிவுகளையும் காண வேண்டுமாயின் சில மாற்றங்கள்,RSS, இல் செய்தாக வேண்டும்.விரும்பிய பக்கங்களை, RSS முறையில் உலாவியில் உள்ள toolbar இல் கொண்டு வர முடியும்.

இந்த  RSS (Rich Site Summary) தொடக்கத்தில் RDF- Site Summary - Really Simple Syndication ஆக
இராமநாதன் வீ.குகா என்பவர் உருவாக்கும் முயற்சியில் ஈடுபட்டார். பின் RSS ஆக முதல் வேர்சனை Dan Libby உம் இராமநாதனும் இணைந்து உருவாக்கி வெளியிட்டார்கள்.

ஏன் flash plugin ஐ ஒரு பக்கத்தில் இருந்து நீக்கலாம்(block)?  எடுத்துக்காட்டாக ஒரு பக்கத்திற்கு செல்லும் போது,அந்தப் பக்கத்தில் வீடியோக்கள்,படங்கள் இப்படி பல இருக்கும் போது,அதிக தரவிறக்க நேரத்தை எடுக்கும்,CPU பாவனையை அதிகரிக்கும். சில சமயம் அந்தப் பக்கத்தில் உள்ள எந்த வீடியோவையும் நாம் பார்க்க விரும்பாமல்,தகவல்களை மட்டும் படிக்க விரும்பலாம். அப்படி வீடியோவை பார்க்க விரும்பினால்,மேலே சொல்லப்பட்டது போல்,அனுமதி, allow, கொடுத்துப் பார்க்கலாம்.

இதற்கு வேறொரு சுலபமான முறையையும் பாவிக்கலாம். அதாவது ஒரு உலாவி இணைப்பை (Browser extension ) இணைத்துக் கொள்ளலாம். அப்படி இணைத்தால் வீடியோ இருக்கும் இடத்தில்( f ) என்று காட்டப்படும்.அங்கே சுழலியைக் கொண்டு சென்று, அதைக் சொடுக்கி வீடியோவைப் பார்க்கலாம்.இணைய தரவிறக்க வேகம் குறைந்தவர்கள் இந்த முறையைப் பயன்படுத்திப் பார்க்கலாம்.

இதற்காக தனியானBrowser extension இல்லாமல், (உ+ம்:Chrome இல்- click to play ) உலாவியில் உள்ள வசதியைக் கொண்டும் ஏற்படுத்திக் கொள்ளலாம்.
இப்படிப் பல வசதிகள் உலாவிகளில் மறைக்கப்பட்டிருக்கிறது.

நன்றிகள் கபில் ப்ரௌசெர்ல் நிறைய விடையங்கள் உள்ளது அதை அறிய தந்தமைக்கு நன்றி

அருமையான தகவல் சக்தி