காஞ்சிபுரம் அருகே கோரம் பட்டாசு ஆலையில் பயங்கர தீ 9 தொழிலாளர் உடல் கருகியது

[img][/img]
காஞ்சிபுரம் அருகே பட்டாசு தொழிற்சாலையில் ஏற்பட்ட தீ விபத்தில் 9 பேர் உடல் கருகினர். ஒருவர் இறந்தார்.காஞ்சிபுரம் காமாட்சியம்மன் கோயில் தெருவை சேர்ந்தவர் சந்திரன். அதிமுகவில் எம்ஜிஆர் மன்ற செயலாளர். இவரது மகன் செந்தில்நாதன். இவர், வையாவூரில் சக்தி பயர் ஒர்க்ஸ் என்ற பெயரில் பட்டாசு தொழிற்சாலை வைத்துள்ளார். இங்கு தயாரிக்கப்படும் பட்டாசுகள் வெளிமாநிலங்களுக்கு அனுப்பப்படுகிறது. சில்லரை விற்பனையும் செய்யப்படுகிறது.

ஆலையில் 20க்கும் மேற்பட்டோர் வேலை செய்கின்றனர்.நேற்று 15க்கும் மேற்பட்டோர் பணியில் ஈடுபட்டிருந்தனர். மதியம் 1.25 மணிக்கு சிலர் சாப்பிட சென்றனர். பலர் பணியில் இருந்தனர். அப்போது பயங்கர சத்தத்துடன் கரும்புகை வெளியேறியது. சிறிது நேரத்தில் பணியில் இருந்த தொழிலாளர்கள் அலறியடித்துக்கொண்டு வெளியே ஓடி வந்தனர். அவர்களின் உடல் கருகி இருந்தது. சிலர் ஆங்காங்கே மயங்கி விழுந்தனர். இதை பார்த்த அக்கம்பக்கத்தினர் 108 ஆம்புலன்ஸ் மற்றும் தீயணைப்பு துறைக்கு தகவல் தெரிவித்தனர்.



விரைந்து வந்த தீயணைப்பு துறையினர், தீயில் கருகி படுகாயமடைந்த காஞ்சிபுரம் சர்வதீர்த்தகுளம் பகுதியை சேர்ந்த வெங்கடேசன் (36), வையாவூரை சேர்ந்த சவுந்தரி (40), மனோன்மணி (36), தணிகைமலை, கலா (50), சுஜாதா (25), மணிமொழி (46), காஞ்சிபுரம் டோல்கேட் பகுதியை சேர்ந்த சங்கர், சரஸ்வதி ஆகிய 9 பேரை 108 ஆம்புலன்ஸ் மூலம் காஞ்சிபுரம் அரசு மருத்துவமனைக்கு அனுப்பினர். அங்கிருந்து மேல்சிகிச்சைக்காக மணிமொழி செங்கல்பட்டு அரசு மருத்துவமனைக்கும், மற்ற 8 பேரும் சென்னை கீழ்ப்பாக்கம் அரசு மருத்துவமனைக்கும் அனுப்பி வைக்கப்பட்டனர். இதில், மனோன்மணி நேற்று இரவு இறந்தார்.சம்பவ இடத்துக்கு கலெக்டர் பாஸ்கரன், எஸ்பி விஜயகுமார், ஆர்டிஓ சந்திரன் ஆகியோர் வந்தது பட்டாசு ஆலையை பார்வையிட்டு விசாரணை நடத்தினர்.

பேக்கிங் செய்யாத பட்டாசு வெடித்ததா?

விபத்தில் இருந்து தப்பிய பஷீர் (50), பலராமன் (25) கூறுகையில், ‘‘உணவு இடைவேளையின்போது சாப்பிடுவதற்காக வெளியில் வந்தோம். திடீரென ஆலையில் இருந்து பயங்கர சத்தத்துடன் கரும்புகை வந்தது. வெளியில் வந்ததால் காயமின்றி தப்பிவிட்டோம். கலந்து வைத்திருந்த வெடிமருந்தின் ஈரப்பதம் காய்வதற்குள் பேக்கிங் செய்யவேண்டும். அப்படி செய்யாவிட்டால் காய்ந்து வெடித்துவிடும். பேக்கிங் செய்யாத வெடியால் விபத்து ஏற்பட்டிருக்கலாம்‘‘ என்றனர்.

அதே பகுதியை சேர்ந்த சிவானந்தம், பழனி கூறுகையில், ‘‘வெளியில் சென்றுவிட்டு வீட்டுக்கு வந்தோம். அப்போது பட்டாசு ஆலையில் இருந்து பயங்கர சத்தத்துடன் கரும்புகை வந்தது. அதிர்ச்சியடைந்து அங்கு ஓடினோம். பின்னர் ஆம்புலன்ஸ் வரவழைத்து காயமடைந்தவர்களை உடனடியாக மருத்துவமனைக்கு அனுப்பினோம். தொழிற்சாலையில் தீயணைக்கும் ரசாயன கருவி இல்லை. தீ தடுப்பு சாதனங்களும் இல்லை. இவை இருந்திருந்தால் விபத்தை தடுத்திருக்கலாம்‘‘ என்றனர்.

மிகவும் வருத்தமாக உள்ளது ...இதை எல்லாம் பார்க்கும் போது தீபாவளிக்கு பட்டாசு வாங்குவதை தவிர்க்கலாம் என்று நினக்கிறேன்

என்னதான் சந்தோசம் உள்ளதோ..பட்டாசு வெடிப்பதில்..
அட கடவுளே ! இப்படி பட்ட மக்கள் வாழ வேறு வழிகள் கொடுங்கள்....
பாவம்............

ராகவன் wrote:என்னதான் சந்தோசம் உள்ளதோ..பட்டாசு வெடிப்பதில்..
அட கடவுளே ! இப்படி பட்ட மக்கள் வாழ வேறு வழிகள் கொடுங்கள்....
பாவம்............

கண்டிப்பாக

logu wrote:

ராகவன் wrote:என்னதான் சந்தோசம் உள்ளதோ..பட்டாசு வெடிப்பதில்..
அட கடவுளே ! இப்படி பட்ட மக்கள் வாழ வேறு வழிகள் கொடுங்கள்....
பாவம்............

கண்டிப்பாக

இங்கும் சாய தொழிற்சாலை உள்ளது ..அதில் வரும் கழிவுகள் காவேரி நீரையும்,குடி நீரையும் கெடுக்கிறது..

இது புது தகவலாக உள்ளது

logu wrote:இது புது தகவலாக உள்ளது

நீங்கள் ஈரோடுதானே..காவேரி ஆறு உள்ள இடத்தில் பாருங்கள்.......இயற்க்கை அழிகிறது...

ok ஈரோட்டில் சா பட்டறைகளின் எண்ணிக்கை அதிகம் தான்

logu wrote:ok ஈரோட்டில் சா பட்டறைகளின் எண்ணிக்கை அதிகம் தான்

அது எவ்வளவு நம் குடிநீரை வீணாக்குகிறது..அதற்கு பதில் குடிக்கரான்கள் அதிகமாக உள்ளனர்..