காங்கிரஸின் வாக்கு வங்கி அரசியலால் நாட்டின் பாதுகாப்புக்கு ஆபத்து:

சென்னை,
ஏப்.10: காங்கிரஸ் கட்சியின் வாக்கு வங்கி அரசியலால் நாட்டின்
பாதுகாப்புக்கு மிகப்பெரிய ஆபத்து ஏற்பட்டுள்ளதாக பாஜக அகில இந்திய தலைவர்
நிதின் கட்கரி தெரிவித்தார்.சென்னை மயிலாப்பூர் மாங்கொல்லையில் சனிக்கிழமை இரவு நடைபெற்ற பாஜக பொதுக்கூட்டத்தில் அவர் பேசியது:நக்சலைட்டுகளால்
நாட்டின் உள்நாட்டுப் பாதுகாப்புக்கு பெரும் ஆபத்து ஏற்பட்டுள்ளது.
மத்தியில் உள்ள காங்கிரஸ் அரசு பயங்கரவாதிகளுக்கு ஆதரவான போக்கை
கடைபிடித்து வருவதே இதற்கு காரணம்.உச்ச நீதிமன்றம் உத்தரவிட்டும்
நாடாளுமன்றத்தை தாக்கிய அப்சல் குரு தூக்கிலிடப்படவில்லை. தில்லியில்
போலீஸ் அதிகாரி சர்மாவைக் கொன்ற பயங்கரவாதிகளை காங்கிரஸ் பொதுச்செயலாளர்
சந்தித்து ஆதரவு தெரிவிக்கிறார்.காங்கிரஸின் இந்த நடவடிக்கைக்கு வாக்கு வங்கி அரசியலே காரணம். இதனால் நாட்டின் பாதுகாப்புக்கு மிகப்பெரிய ஆபத்து ஏற்பட்டுள்ளது.மின்
பற்றாக்குறைக்கு முற்றுப்புள்ளி: இந்தியாவின் பொருளாதாரம் மேம்பாடு அடைய
வேண்டுமானால் தொழில் துறையும், விவசாயத் துறையும் வளர்ச்சி அடைய வேண்டும்.
அதற்கு மின்சாரம் மிகவும் அவசியம்.இந்தியாவில் இப்போது 55 ஆயிரம்
மெகாவாட் மின்சாரம் பற்றாக்குறையாக உள்ளது. பாஜக ஆட்சிக்கு வந்தால் 2
ஆண்டுகளில் இந்தியாவை மின் பற்றாக்குறை இல்லாத நாடாக மாற்றுவோம்.நான்
தாவர பொருள்களில் இருந்து மின்சாரம் உற்பத்தி செய்யும் நிலையங்களை
வைத்துள்ளேன். அதன் மூலம் 20 மெகாவாட் மின்சாரம் உற்பத்தியாகிறது. எனவே,
என்னால் இதனை உறுதியாக கூற முடியும்.மத்தியில் உள்ள காங்கிரஸ்
அரசின் தவறான பொருளாதாரக் கொள்கையினால் சாதாரண, நடுத்தர மக்கள் வாழ்க்கை
நடத்த முடியாத நிலை ஏற்பட்டுள்ளது. விவசாயிகள் தற்கொலை செய்யும் அவலம்
ஏற்பட்டுள்ளது.நாட்டின் பொருளாதார வளர்ச்சி இரட்டை இலக்கத்தை
எட்டும் என்று பிரதமர் மன்மோகன் சிங் தெரிவித்தார். ஆனால் பணவீக்கம்தான்
இரட்டை இலக்கத்தை எட்டியுள்ளது.வாஜ்பாய் ஆட்சியோடு ஒப்பிடும்போது
அரிசி, கோதுமை, சர்க்கரை போன்ற அத்தியாவசியப் பொருள்களின் விலைகள் பல
மடங்கு உயர்ந்துள்ளன. பாஜக ஆட்சியில் சர்க்கரை ஏற்றுமதி செய்யப்பட்டது.
இப்போது கிலோ ரூ. 25-க்கு சர்க்கரை இறக்குமதி செய்கிறார்கள்.÷இதுதான் இந்த
ஆட்சியின் சாதனை.பாஜக ஆளும் குஜராத்தில் நதிகள் இணைக்கப்பட்டதன்
மூலம் 20 சதவீதம் அளவுக்கு நீர்வளம் பெருகியுள்ளது. விவசாயத் துறை 14
சதவீதம் வளர்ச்சி அடைந்துள்ளது. ஆனால் தமிழகத்தில் விவசாயத் துறையின்
வளர்ச்சி மைனஸ் 1.9 சதவீதமாக உள்ளது. தமிழகத்தில் குடிநீர் மற்றும்
மின்சாரத்துக்கு எப்போதும் தட்டுப்பாடு பிரச்னை உள்ளது.2014-ல்
பாஜகவை மக்கள் ஆட்சியில் அமர்த்தினால் 5 ஆண்டுகளில் தேசிய நதிகள் இணைப்பு
திட்டத்தை செயல்படுத்துவோம். அதன் மூலம் தமிழகத்துக்கு தேவையான தண்ணீரை
வழங்குவோம் என்று உறுதியளிக்கிறேன்.தமிழகத்தைச் சேர்ந்த மத்திய
அமைச்சர் ஆ. ராசாவால் நாட்டுக்கு ரூ. 26 ஆயிரம் கோடி இழப்பு
ஏற்பட்டுள்ளதாக மத்திய தணிக்கை துறை அதிகாரி தெரிவித்துள்ளார்.
இதுபேன்றவர்கள்தான் மத்திய அரசில் உள்ளனர்.நாக்பூர் நகரில்
சுவரொட்டி ஒட்டிக் கொண்டிருந்த சாதாரண தொண்டனான நிதின் கட்கரி பாஜக
தலைவராக முடிகிறது. இதுதான் பாஜகவின் சிறப்பு. காங்கிரஸ் கட்சியில் தலைவர்
பதவி என்பது நேரு குடும்பத்துக்கு ஒதுக்கப்பட்டு விட்டது.மன்மோகன்
சிங், பிரணாப் முகர்ஜி, சிதம்பரம் போன்ற பெரிய தலைவர்கள், கட்சித் தலைவர்
பதவியை அடைவது குறித்து கனவு கூட காண முடியாது. பாஜக தொண்டர்களின் கட்சி.
அவர்கள்தான் கட்சியின் சொத்து.பாஜகவை மதவாத கட்சி என்கிறார்கள்.
நீதித் துறை, ராணுவம், காவல் துறை போன்றவை மதச்சார்பற்றதாக இருக்க
முடியும். தனி மனிதன் மதச்சார்பற்றவனாக இருக்க முடியாது. அதனால்தான்
இந்திரா காந்தி, ராஜீவ் காந்தி போன்றவர்கள் இறந்தபோது மதமுறைப்படி
சடங்குகள் செய்யப்பட்டன.பாஜக, முஸ்லிம்கள் உள்ளிட்ட
சிறுபான்மையினருக்கு எதிரான கட்சி அல்ல. நாங்கள் பயங்கரவாதிகளுக்கும்,
அவர்களை ஆதரிப்பவர்களுக்கும் எதிரானவர்கள்.சிலர் வாய்ப்புகளை
பிரச்னையாக மாற்றுவார்கள். நாங்கள் பிரச்னைகளை வாய்ப்பாக மாற்ற
விரும்புகிறோம். தமிழகத்தில் பாஜகவை வளர்க்க கட்சி தொண்டர்கள் கிராமம்
கிராமமாக, வீடு வீடாகச் சென்று மக்களை சந்திக்க வேண்டும் என்றார் கட்கரி.பாஜக
மாநிலத் தலைவர் பொன். ராதாகிருஷ்ணன், முன்னாள் தலைவர் இல. கணேசன், மாநிலத்
துணைத் தலைவர்கள் எச். ராஜா, டாக்டர் தமிழிசை சௌந்திராஜன் உள்ளிட்டோர்
கூட்டத்தில் பங்கேற்றனர்.கட்கரியின் மாதவருமானம் ரூ. 6 கோடிநிதின் கட்கரியின் மாத வருமானம் ரூ. 6 கோடி என்று தமிழக பாஜக தலைவர் பொன். ராதாகிருஷ்ணன் தெரிவித்தார்.சென்னையில் சனிக்கிழமை நடைபெற்ற பாஜக பொதுக்கூட்டத்தில் அவர் பேசியது:பாஜக
தலைவர் நிதின் கட்கரிக்கு மகாராஷ்டிரத்தில் 3 சர்க்கரை ஆலைகள் உள்ளன.
இவற்றின் மதிப்பு ரூ. 500-கோடிக்கும் அதிகம். அதன் மூலம் அவருக்கு மாதம்
ரூ. 6 கோடி வருமானம் வருகிறது.இது தவிர, அவருக்கு சொந்தமாக 20 மெகாவாட் மின்சாரம் உற்பத்தி செய்யும் மின் நிலையங்கள் உள்ளன.இவை அனைத்தையும், பாஜக தொண்டர்களுக்கு வேலைவாய்ப்பு அளிப்பதற்காக அவர் தொடங்கியுள்ளார் என்றார் பொன். ராதாகிருஷ்ணன்.முன்னதாக
மயிலாப்பூரில் உள்ள திருவள்ளுவர் சிலைக்கு கட்கரி மாலை அணிவித்தார்.
பொதுக்கூட்டத்தில் பங்கேற்ற கட்கரி தமிழகத்தின் பாரம்பரிய உடையான வேஷ்டி,
சட்டை அணிந்திருந்தார்.