Re: ம. ரமேஷ் கஸல்கள்

by **கவியருவி ம. ரமேஷ்** Mon Feb 25, 2013 6:58 am

உன் அழகைப்போல்
வாழ்க்கை
கவர்ச்சியாயில்லை

உன்னை
மேய்ப்பதற்குள்
எனக்குத்
தண்ணிகாட்டி விடுகிறாய்

வாழ்க்கையின்
வசந்தத்தில்
வண்டுகள்
மொய்க்கின்றன

by **mmani** Mon Feb 25, 2013 7:37 am

by **கவியருவி ம. ரமேஷ்** Fri Mar 01, 2013 3:57 pm

உன்னைக்
குற்றம் சொல்ல மாட்டேன்
நீ
இறைவனின் படைப்பு

உன்னால்
இறைவனின் கனவே
தகர்ந்து விட்டது

என் சோகத்திற்கு
குயிலும் வானம்பாடியும்
இரங்கல் பாடுகிறது

by **மாலதி** Fri Mar 01, 2013 4:06 pm

by **கவியருவி ம. ரமேஷ்** Fri Mar 01, 2013 4:38 pm

இறைவன்
படைப்பை எழுதும்போது
மை கக்குமிடம்
ஊனமாகிப் போகிறது

கோயில் அர்ச்சனையில்
சில சொற்கள்
எச்சில் துப்புகிறது
அதையும்
தீர்த்தமாக்கிக் கொள்கிறேன்

இறைவன்
ஓட்டி விளையாடும்
வாழ்க்கைச் சக்கரம்
பாதியிலேயே
தடம் புரண்டுவிடுகிறது

by **Tamil** Fri Mar 01, 2013 6:16 pm

by **கவியருவி ம. ரமேஷ்** Tue Mar 12, 2013 12:37 pm

அவள்
ஏற்படுத்திய காயத்திற்கு
நீ தான்
மருந்து

இறைவனுக்குக்
கோபம் இருக்கும்
நான்
அதிகம் உச்சரிப்பது
உன் பெயரை

காதலியைத் தொலைத்துவிட்டு
தேடியலைந்ததை விட
கவிதையைத் தேடியதுதான்
அதிகம்

by **கவியருவி ம. ரமேஷ்** Tue Mar 12, 2013 12:39 pm

கவிதைக்கு
அர்த்தம் புரியவில்லையா?
காதலரிடம் கேளுங்கள்

என் கவிதைக்குள்
வராத எழுத்துக்கள்தான்
நட்சத்திரங்கள்

இக்கவிதைகள்
மலர்ந்த பூக்கள்
வண்டுகள்
சூழ்ந்துள்ளன

by **mmani** Wed Mar 13, 2013 9:12 am

by **கவியருவி ம. ரமேஷ்** Thu Mar 14, 2013 6:57 pm

கனி விழுந்தது
ஈக்கள்
மொய்க்கின்றன

காதல் ஒன்று சாகும்போது
பூ வாசம்
உடன்கட்டை ஏறுகிறது
சுவாசக் கட்டை ஒன்று
பட்டுப்போய் விடுகிறது

பாவபுண்ணியங்களை
தலை மூழ்கினேன்
என் ஆடைகள்
காணவில்லை

by **கவியருவி ம. ரமேஷ்** Thu Mar 14, 2013 6:57 pm

வா,
ஒருமுறை
விளையாட்டாகத்
திருமணம் செய்து கொள்வோம்

காதலர்களுக்குச் செவிசாய்ப்பதா?
பெற்றோர்க்குச்
செவி மடுப்பதா?
குழப்பத்தில் இறைவன்

பாவம் காதல்
ஒவ்வொரு
தோல்வியிலும்
மாரடித்துக்கொண்டு அழுகிறது

by **logu** Thu Mar 14, 2013 9:00 pm

பாவம் காதல்
ஒவ்வொரு
தோல்வியிலும்
மாரடித்துக்கொண்டு அழுகிறது

by **கவியருவி ம. ரமேஷ்** Fri Mar 15, 2013 2:24 pm

இறைவா
உனக்கு
சூட்டும் மலர்களும்
ஏன் வாடிப்போகிறது?

உன் நினைவுகளில்
கண் மூடினேன்
நான் இறந்து விட்டதாய்
நினைத்துப்
பாடைகட்டி விட்டிருக்கிறார்கள்

உன் தோள்மேல்
கை போட்டுப்
பழக வேண்டும்
என் காதலியுடன்
கைக்கொர்த்து
நடக்க வேண்டும்

by **logu** Fri Mar 15, 2013 8:13 pm

உன் தோள்மேல்
கை போட்டுப்
பழக வேண்டும்
என் காதலியுடன்
கைக்கொர்த்து
நடக்க வேண்டும் ம. ரமேஷ் கஸல்கள் - Page 3 28284

by **கவியருவி ம. ரமேஷ்** Sat Mar 16, 2013 7:01 am

by **கவியருவி ம. ரமேஷ்** Sun Mar 17, 2013 4:18 pm

தவளை
தன்வாயால் கெடுவதுபோல்
நான்
என் காதலால் கெட்டேன்

எழுதாத கவிதைகள்
அரும்பாத மொட்டுக்கள்

ஒருவேளை
நீ கிடைத்திருந்தால்
என் கவிதைகள்
இனப்பெருக்கமாகியிருக்காது

by **மாலதி** Sun Mar 17, 2013 7:31 pm

by **கவியருவி ம. ரமேஷ்** Tue Mar 26, 2013 7:37 pm

காதலி, காதல்
காதலிக்க மட்டுமல்ல
வாழ்ந்து பார்க்கவும்தான்

அரும்பு மீசைக்குப்
பூச் சூட்டியவளே
இன்று வா
சடைப் பின்னிப்
பூ வைப்பாய்

நீ
குற்றவாளி
வெட்கப்படாமல் சிரிக்கிறாய்

by **அருள்** Tue Mar 26, 2013 9:15 pm

by **கவியருவி ம. ரமேஷ்** Mon Apr 01, 2013 3:31 pm

எனக்குப்
பாடை கட்டாதீர்கள்
சவக்குழி வெட்டாதீர்கள்
நெருப்பும் மூட்டாதீர்கள்

காதலின்
சாவுமணி
இந்தக் கவிதைகள்

சிரிக்க நினைத்தோம்
விடவில்லை
அழவைத்தோம்
எல்லோரும்
சேர்ந்து கொண்டார்கள்
கல்லறையில்

by **கவியருவி ம. ரமேஷ்** Mon Apr 01, 2013 3:32 pm

ஓராயிரம் மரணம்போல
அழுத்தமான துயரத்துடன்
நிகழ்ந்து விட்டது
நம் பிரிவு

மலர்ப் பாதத்தில்
பூக்கள் இருப்பதை விட
அவள் கூந்தலில்
அழகாயிருக்கிறது

உன்
படைப்புகள்
கவர்ச்சியாயிருக்கிறது

by **Tamil** Mon Apr 01, 2013 5:09 pm

கவிதை அருமை ............... ம. ரமேஷ் கஸல்கள் - Page 3 578897

by **கவியருவி ம. ரமேஷ்** Wed Apr 03, 2013 5:41 pm

காதலுக்கு முடிவு கட்டுவோம்
நான்
காதலை விட்டு விடுகிறேன்
நீ
படைப்புத் தொழிலை விட்டுவிடு

நான் விழும்போது
தூக்கி விடு
அழும் போது
பேசாமல் இருந்துவிடு

என் கவிதைகளை
உன் கால்தடங்கள்
மிதிக்கின்றன

by **ந.க. துறைவன்** Tue Mar 11, 2014 4:31 pm

காதல் வலி.... வழிகாட்டுகிறது... காதலர்களுக்கு...

by **கவியருவி ம. ரமேஷ்** Wed Mar 12, 2014 10:40 am

திருமணத்திற்கு
வராதவர்கள் கூட
சாவுக்கு வருவார்கள் என்பார்கள்
நீ
என் சாவுக்காவது
வருவாயா?

by Sponsored content