ம. ரமேஷ் கவிதைகள்

by **கவியருவி ம. ரமேஷ்** Thu Jan 17, 2013 8:44 pm

• அழகின் ரகசியம்

நடிகை
கடற்கரையில்
உலா வருகிறாள்
கண்டுகொள்ளவில்லை யாரும்...
நலம் விசாரிக்கிறான்
மேக்கப் மேன்

• இக்காலமும் பொற்காலம்

அன்று
முல்லைக்குத் தேர்...
மயிலுக்குப் போர்வை...
இன்று
நிர்வாணமான நடிகைக்கு
தன்னை நிர்வாணமாக்கி
ஆடை கொடுக்கிறான்
நடிகன்

• தெளிவு கொள்

பசுவிடம்
பால் கறந்தால்
பசு பால் கொடுக்கும்...
பாட்டி
வடை சுட்ட கதையில்
காகம் வடை எடுத்தால்
திருட்டு...

by **ஜனனி** Thu Jan 17, 2013 9:03 pm

வணக்கம் ரமேஷ்...கவிதை அருமை ..தொடர்ந்து எழுதவும்

by **Tamil** Fri Jan 18, 2013 7:46 am

ஆட்டோகாரனுக்கு

'சிரிக்கும் பெண்ணை நம்பாதே'
நம்பவே வேண்டாம் போ
போய்
சீறும் பாம்புக்கு
நம்பி
ஒரு முத்தம் கொடு
போ

by **கவியருவி ம. ரமேஷ்** Fri Jan 18, 2013 7:46 pm

• உண்மை

கடற்கரையில்
காதலர்கள்
ஓடிப்பிடித்து
விளையாடுவது
வெறும் விளையாட்டல்ல
சமூகத்துக்குப் பயந்து
ஓடப் பழகும்
ஒத்திகை

by **அருள்** Fri Jan 18, 2013 8:04 pm

சூப்பர்

by **logu** Sat Jan 19, 2013 7:58 am

கவிதைகளுடன் அதற்கான படங்களை இணைத்தால் நன்றாக இருக்கும்

by **கவியருவி ம. ரமேஷ்** Mon Jan 21, 2013 5:53 am

• சோறிட வேண்டும் பெற்றோர்க்கெல்லாம்

வாழும் போதே
பெற்றோர்க்கு
சோறூட்டு
நீ
படையல் போட்டு
அறுசுவை
படைக்கும்போது
ருசியறிய மாட்டார்கள்

by **அருள்** Mon Jan 21, 2013 7:09 am

கண்டிப்பாக நீங்கள் கூறுவது முற்றிலும் உண்மை .....பெற்றோர்களை பார்த்து கொள்ளுங்கள்
ம. ரமேஷ் கவிதைகள் 917304

by **கவியருவி ம. ரமேஷ்** Tue Jan 22, 2013 7:39 pm

• படைப்பாளனிடம் ஒரு கேள்வி

இறைவா
இதென்ன விளையாட்டு
பிள்ளையார் படிக்கப் போய்
குரங்கானக் கதையாய்
ஆணில் பெண்ணைக் கலந்து
திருநங்கை?

by **மாலதி** Tue Jan 22, 2013 9:23 pm

ஆணில் பெண்ணைக் கலந்து
திருநங்கை?......இதுதான் பதில் அருமை
ம. ரமேஷ் கவிதைகள் 917304

by **கவியருவி ம. ரமேஷ்** Wed Jan 23, 2013 7:41 pm

• கேளுங்கள் சொல்லப்படும்

விபத்தில் சிக்குண்டவரிடம்
வேலையின்றித் திரிபவரிடம்
ஏன்
காதலில் தோற்றவரிடம் கூட
வலியைப் பற்றிக் கேட்காதீர்கள்
முதியோர் இல்லத்தில்
போய் கேளுங்கள்
வலி சொல்லப்படும்

by **அருள்** Wed Jan 23, 2013 8:51 pm

முதியோர் இல்லத்தில்
போய் கேளுங்கள்
வலி சொல்லப்படும்................................உண்மை
ம. ரமேஷ் கவிதைகள் 135634

by **கவியருவி ம. ரமேஷ்** Fri Jan 25, 2013 9:46 am

• நடைப் பிணங்கள்

அடிப்பட்டுத் துடிக்கிறான்
எல்லோரும் விரைகிறார்கள்
அவரவர் அலுவலுக்கு...
ஒரு நடைப்பிணம்
அருகில் சென்றது
நகை பணம்
அபகரித்துச் சிரித்தது
சைரன் ஒலி கேட்ட போது
மெதுவாக
அவன் உயிர்
பிரியத் தொடங்கியது.

by **மாலதி** Sat Jan 26, 2013 10:45 am

by **கவியருவி ம. ரமேஷ்** Tue Jan 29, 2013 7:28 am

• மெளனமாய் இறைவன்

வேல் குத்தி
அலகு குத்தி
உண்ணா நோன்பிருந்து
மொட்டையிட்டு
நீ
படைத்த உடம்பை
வதைத்துக் கொண்டவனுக்கு
அப்படி என்ன
பெரியதாகக் கொடுத்துவிட்டாய்?

by **அருள்** Tue Jan 29, 2013 1:17 pm

by **கவியருவி ம. ரமேஷ்** Wed Jan 30, 2013 7:27 am

• முடிவு தேடும் தொடக்கம்!

ஏழு திணைகளாய்...
கடையெழு வள்ளல்களாய்...
வல்லரசுகள் தோன்றும்.
வேந்தரும் அரசருமாய்
அரசியல்வாதிகளுக்கு
ஊராட்சிகள் மாவட்டங்கள்
தனித்தனி நாடுகளாக்கப்படும்.
கப்பம் கட்டுவார்கள்...
விபச்சாரிகள் மீண்டும்
தேவதாசிகளாய்ப் போற்றப்படுவர்...
நக்கீரன் பாட்டில்
எந்தக் குற்றமும் இருக்காது...
முப்படைகளுக்குப் பதிலாக
அணுகுண்டு வீச்சுகள்...
உண்மைக் காதல் கொண்ட
ஓர் ஆண்
ஒரு பெண்ணைத் தவிர
பாம்பும் இறந்திருக்கும்...
இருவரும் ஆடையின்றித் திரிவார்கள்
விலக்கப்பட்ட கனியென்று
எதுவும் இல்லை.

by **கவியருவி ம. ரமேஷ்** Thu Jan 31, 2013 7:12 am

• விபச்சாரி உண்மை பேசுகிறாள்

இருபத்து மூன்றில்
ஒன்று...
இரண்டு...
மூன்றென...
ஒரு நாளைக்குத் தொடங்கியது
பணத்தாசையோடு
உடற்சுகமும் சேர
இருபத்தைந்தில்
நான்காகிப்போனது...
இப்படியே
வயதும் ஐம்பதாகிப்போனது!
இப்போழுதாவது
உண்மையை ஒப்புகொள்கிறேன்.
இல்லை என்றாள்
நான்
மனசாட்சியைக் கொன்றவளாகி விடுவேன்.
“உடலை மட்டுமே விற்கிறேன்
கற்பை அல்ல” என்றால்
அது பொய்.
எத்தனை ஆயிரம் பேரிடம்
உடற்சுகம் கண்டு
கற்பை இழந்திருக்கிறேன்!
“கணவனோடு இருக்கப் பட்டவளுக்கு
ஒரு கற்பு.
என்னைப் போன்றவளுக்கு
படுத்தெழும் போதெல்லாம்
புதிது புதிதாய் ஒரு கற்பு.”

by **கவியருவி ம. ரமேஷ்** Fri Feb 01, 2013 2:47 pm

• கண்டது கனவு

நேற்று இரவின் காலையில்
இந்தியா வல்லரசாகி இருந்தது.
சுவிஸ் வங்கியிலிருந்து
கறுப்பு பணம் திரும்பியிருந்தது!
இருந்தும்
உலக வங்கியிடம்
கடன் கேட்டுக்கொண்டிருந்தது!!
தனிக் குடித்தனங்களில்
விவாகரத்து வழக்குகள்...
காதல் போர்வைக்குள்
காம விளையாட்டுகள்...
அரசியல்வாதிகள்
தனி வங்கி ஆரம்பித்திருந்தார்கள்...
எல்லோர் கையிலும் துப்பாக்கி...
நீதிமன்றம்
மனித இன படுகொலைக்கு மாற்றாக
பறவை, விலங்கு சுட்டதற்கு
மரண தண்டனை விதித்துக் கொண்டிருந்தது...
திரைப்படம், தொலைக்காட்சி
ஆடையை முற்றும் துறந்த
நவீன கலாச்சாரத்தை
போதனை செய்து
‘நாமே குழந்தை
நமக்கேன் குழந்தை’ என்றது.
நான்
கலைந்த ஆடையை
உடுத்திக்கொண்டு எழுந்தேன்.

by **கவியருவி ம. ரமேஷ்** Wed Feb 06, 2013 5:28 am

• இந்தியா

ஒரு வேகத்துக்காக
மாட்டை அடிக்கும்
வண்டியோட்டி...
தலையில் கொட்டி
திறமையை அடக்கும்
பெற்றோர்...
வல்லரசிற்கு
நடைபோடும்போது
அரசியல் ஓட்டுக்காக
இலவசங்கள்...

by **logu** Wed Feb 06, 2013 7:40 am

by **கவியருவி ம. ரமேஷ்** Thu Feb 07, 2013 11:10 am

• திருமணம்
காலையில் வரும்
அரசியல்வாதிக்கு
நள்ளிரவில் தயாராகும்
சாலைகள்போல
6 - 7.30 முகூத்தத்திற்காக
நீயும் தயாராகிறாய்
சடங்காயிருந்த
திருமணம்
அரசியல் விழாக்களாகி விட்டதால்
கலாச்சார வேகத்தில்
திருமணத்தின் புனிதமும்
கெட்டுவிட்டது

by **அருள்** Thu Feb 07, 2013 12:43 pm

by **கவியருவி ம. ரமேஷ்** Mon Feb 18, 2013 9:49 am

• கவிப்பேரரசு வைரமுத்துவே!
நவீன பெண்கள்
சமையலரைக்கும்
கட்டியலரைக்கும் இடையே
ஓடி
ரன்கள் எடுத்து
களைத்துவிட வில்லை
சீரியல்களின் இடைவேளைகளில்
சமையலரைக்கும்
தொலைக்காட்சி அறைக்கும்
ஓடி ஓடி ஓடி
ரன்கள் எடுத்து
களைத்துவிடுகிறார்கள்.

by **mmani** Mon Feb 18, 2013 2:52 pm

சீரியல்களின் இடைவேளைகளில்
சமையலரைக்கும்
தொலைக்காட்சி அறைக்கும்
ஓடி ஓடி ஓடி
ரன்கள் எடுத்து
களைத்துவிடுகிறார்கள். ம. ரமேஷ் கவிதைகள் 254248

by Sponsored content

ம. ரமேஷ் கவிதைகள்

ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்

Re: ம. ரமேஷ் கவிதைகள்