Re: ம. ரமேஷ் கஸல்கள்

by **கவியருவி ம. ரமேஷ்** Wed Mar 12, 2014 10:40 am

திருமணத்திற்கு
வராதவர்கள் கூட
சாவுக்கு வருவார்கள் என்பார்கள்
நீ
என் சாவுக்காவது
வருவாயா?

by **mmani** Wed Mar 12, 2014 12:06 pm

கவியருவி ம. ரமேஷ் wrote:திருமணத்திற்கு
வராதவர்கள் கூட
சாவுக்கு வருவார்கள் என்பார்கள்
நீ
என் சாவுக்காவது
வருவாயா?

கண்டிப்பாக நான் இருந்தால்

by **கவியருவி ம. ரமேஷ்** Thu Mar 13, 2014 12:27 pm

நாம்
முடிவெடுத்தபோது
இறந்துபோய் இருந்தால்
என்னவாகியிருக்கும்
நம் காதல்?

எனக்கென்ன?
‘போ’ என்று சொல்லிவிட்டு
போகிறவர்கள் போல
நீ
என்னை விட்டுப் பிரிந்தாய்

நாம்
பிரியும் வேளை
பாவம்
இன்பங்கள் எல்லாம்
ஒன்று சேர்ந்து
அழுகின்றன!

by **அனுராகவன்** Thu Mar 13, 2014 2:13 pm

by **கவியருவி ம. ரமேஷ்** Tue Mar 25, 2014 7:14 pm

விவாகரத்தானது
பெற்றோர்கள்
அனாதைகளாவது
குழந்தைகள்
அதுபோலவே
நம்முடைய காதலும்

நான் என்ன செய்வேன்?
கூவத்தில்
அழுக்கை
வெளுக்கிறேன்

எல்லாவற்றையும்
நாமாகவே முடிவெடுத்துவிட்டு
பாவம், விதியை
நொந்து கொண்டோம்

by **ஜனனி** Tue Mar 25, 2014 9:31 pm

நான் என்ன செய்வேன்?
கூவத்தில்
அழுக்கை
வெளுக்கிறேன்
நல்ல இருக்கு

by **கவியருவி ம. ரமேஷ்** Fri Apr 04, 2014 6:00 pm

உன் கண்கள்
என் திசையை மாற்றிய
வழிகாட்டி மரம்

என் காதல்
உயிரினும் மேலானது
என்பதைக் காட்ட
ஒன்றாகச் சேர்ந்து
சாகக்கூடத் தயாராக இருக்கும் நான்
நீ, வா என்றதும்
ஓடி வந்துவிட முடியாது!

இக்கவிதைகள்
நோவாவின் பேழை
காதல் பிரளயத்தில் தப்பிக்க
எல்லோரும்
ஏறிக்கொள்ளலாம்

by **logu** Sat Apr 05, 2014 1:10 pm

ஒன்றாகச் சேர்ந்து
சாகக்கூடத் தயாராக இருக்கும் நான்
நீ, வா என்றதும்
ஓடி வந்துவிட முடியாது!

நல்ல இருக்கு

by **கவியருவி ம. ரமேஷ்** Wed Apr 16, 2014 7:33 pm

காலம் நேரம் தெரியாமல்
பேசிக்கொண்டிருப்போம்
இன்று
ஒரு வார்த்தையைக் கூட
நீ கேட்க தயாராக இல்லை

வந்த வழியே செல்கிறாய்
இதயத்தில்
புதியதாய்
ஒரு வலி உண்டாகிறது

காதலில்
வரமே சாபங்களாகிறது!

by **krishnaamma** Thu Apr 17, 2014 7:30 am

by **கவியருவி ம. ரமேஷ்** Sat Apr 19, 2014 2:45 pm

நீ பாதை
நான் பயணி
காதல் பாதை
எவ்விடத்தில் முடியும்?

காதலின் நிழல்
சோகம்
எல்லோரும்
அங்கேதான்
இளைப்பாற வேண்டும்

கை நழுவிப் போனவளே!
வா,
புதுப் பாதையில்
விரல் கோர்த்து
நடப்போம்

by **கவியருவி ம. ரமேஷ்** Fri Apr 25, 2014 8:10 pm

உன்
காதோர ரோஜா
எந்தக் காதலை
முணுமுணுக்கிறது?

மணல் வீட்டை
அலை சிதைத்துவிட்டுச்
சென்றதுபோல
நீ
என் இன்ப வீட்டை
பாழாக்கிவிட்டுப் போனாய்

காதல்
கிணற்றுத் தவளை
உன்னைவிட
எனக்கு
வேறு உலகமில்லை

by **logu** Fri Apr 25, 2014 9:39 pm

காதல்
கிணற்றுத் தவளை
உன்னைவிட
எனக்கு
வேறு உலகமில்லை

இந்த வரி அருமை

by **கவியருவி ம. ரமேஷ்** Sat Apr 26, 2014 6:33 am

மகிழ்ச்சி தோழமையே

by **கவியருவி ம. ரமேஷ்** Sat Apr 26, 2014 6:36 am

உன்னை விட
விழிப்பு தட்டும் நேரத்தில்
வந்து செல்லும்
உன் கனவுகள்
கொடுமையானது

உன் பிரிவு
கோடைகாலப் போர்வை

நீ
சாமி மாடுபோல்
தலையசைத்து
உன் பெற்றோர் வழி போனாய்
நான் திரும்பி நடந்தபோது
மயானத்தின் வழி தெரிந்தது

by **கவியருவி ம. ரமேஷ்** Thu May 08, 2014 7:14 am

நாம்
சேர்ந்து வாங்கிய
முகூர்த்தத் துணி
எனக்கு மட்டும்
கோடித்துணி ஆனது

அழாதவளைக்கூட
அழுதால் அழகென்று
புகழ்ந்துவிட்டுப் போய்விட்டாயே!
இன்று
நான் சிந்தும் கண்ணீரை
நீ அறிவாயா?

என் காதலை
உன் கள்ளக் காதல்
சாகடித்துவிட்டது

by **அருள்** Thu May 08, 2014 7:16 am

வணக்கம் ரமேஷ்

by **கவியருவி ம. ரமேஷ்** Thu May 08, 2014 8:16 am

வணக்கம் தோழமையே

by Sponsored content