அணு உலையில் ஏற்படும் விபத்தினால் ஆபத்தா? அணு உலை அமைப்பதால் ஆபத்தா? உண்மை என்ன?

அணு உலையில் ஏற்படும் விபத்தினால் ஆபத்தா?
அணு உலை அமைப்பதால் ஆபத்தா? உண்மை என்ன?
Nuclear power is the problem, not the solution!

கூடங்குளம் அணு உலை எதிர்ப்பு போராட்டங்கள் வலுத்து வரும் நிலையில்,மாநில அரசோ,மத்திய அரசோ மக்களின் அச்சத்தை போக்காத நிலையில்,அவுஸ்திரேலிய நாடுகள் தங்கள் பக்கமே அணு உலை வேண்டாம் என்றும்,அதை சூழ்ந்த கடற் பகுதிகள் கூட தடை செய்யப்பட்ட பிரதேசமாக பிரகடனப் படுத்தியும் உள்ளன. சென்ற சில மாதங்களில் ஜப்பான் நாட்டில் அணு உலை எதிர்ப்பு போராட்டங்கள் வலுத்தன. இனி அணு உலை வேண்டாம் என ஜப்பானும்,2020 உடன் அனைத்து அணு உலைகளுக்கும் மூடு விழாவை ஜேர்மன் நாடு அறிவித்த நிலையிலும்,சுவீடன் நாடு மூட முடிவு செய்துள்ள நிலையிலும்,அணுக் கழிவுகளை வேறு இடங்களுக்கு அகற்றும் போது நடத்தப்படும் ஐரோப்பிய நாடுகளில் போராட்டங்கள் நடந்து வரும் நிலையிலும், இன்றும் இந்தியா பிடிவாதமாக நிற்பது ஏன் என்ற கேள்வியை எழுப்பியுள்ளது. தமிழர்கள் மீதான வெறுப்பா,இந்த அணு உலைகளினால் ஏற்கனவே சோனியா அம்மையாருக்கு ரஸ்ய நிறுவனங்களால் கொடுக்கப்பட இருக்கும் கமிசன் சலுகைகள் இல்லாமல் போய் விடும் என்ற பயமா தெரியாமல் விழிக்கிறார்கள் பலர்.சில தினங்களுக்கு முன் அமெரிக்க உலை ஒன்று தானாகவே செயலிழந்து விட்டது.இந்த நிலையில் சமீபத்தில் சில தனியார் அமைப்புகளால் ஆராயப்பட்ட அணு உலை பற்றிய முடிவுகளை,சாதக பாதகங்களை (pros and cons)இங்கு சுருக்கமாக தருகின்றேன்.
சாதகம்.......

+++அணு உலைகளால் வெளியிடப்படும் கரியமலவாயு என்ற CO2, மிகவும் குறைவானதால்,உலக வெப்பமாதல் குறைவாகும்.
+++இதற்கான தொழில் நுட்பம் ஏற்கனவே உள்ளதால்,மேம்படுத்த வேண்டிய தேவை இருக்காது.
+++ஒரு உற்பத்திக் கூடமே அதிக மின் உற்பத்தியை உற்பத்தி செய்ய முடியும்.(மிகப் பெரிய கூடங்குளம் அணு உலை தொடராக இரண்டு யூனிட்டுகள் வேலை செய்ய ஆரம்பிக்கும்.அதை தொடர்ந்து மேலும் நான்கு யூனிட்டுகளை நிறுவ முடிவாகி இருக்கிறது.)

பாதகம்..........

+++சமீப காலங்களில் அமைக்கப்பட்டு வரும் அணு உலைகளின் செலவு மிகப் பெரியதாகும்.(Wallstreet Journal)
+++அணு உலைகளால் ஏற்படும் கதிரியக்கம் மிகவும் ஆபத்தானது என்பதும்,பல ஆயிரம் ஆண்டுகள் தொடர்ந்து இருக்கும் என்பதும் ஜப்பான் அணுக்குண்டு வெடிப்பினால் உணர முடிகிறது.(10'000 years according to United States Environmental Protection Agency standards). அதே சமயம் அணுக் கழிவுகள் பற்றிய சரியான முடிவுகள் இது வரை எடுக்கப்படவில்லை.அணு உலை ஒன்றில் ஏற்படும் விபத்தைப் போன்ற அதே அளவு ஆபத்துக்கள் அணு கழிவில் இருந்தும் ஏற்படும்.
+++ஒரு யூனிட்டிற்கு 30 பாகையில் குளிர வைக்க, 130'000 m3 water per hour தண்ணீரும்,அதையே 20 பாகைக்கு குளிர வைக்க, 714'750 gallons per minute (195'000 m3 per hour)தண்ணீரும் தேவைப்படும்.
+++பாதுகாப்பு மிக உயர்ந்ததாக இருக்க வேண்ப்டும்.இது வரை எந்த அணு உலையும் நூறு வீத பாதுகாப்பை உறுதிப்படுத்தவில்லை.அணு உலை மற்றும் அணுக் கழிவினால் ஏற்படும் கதிர்வீச்சு உயிரினங்களை மட்டுமல்ல இயற்கையை முற்றிலும் பாழ்படுத்தி விடும்.
+++ஒரு தீவிரவாத தாக்குதல் நடக்குமானால் அது மிகப் பெரிய அழிவை அந்தப் பிரதேசத்திற்கு மட்டுமல்ல உலகம் முழுவதற்கும் ஒரு மிகப் பெரிய ஆபத்தைக் கொடுக்கும்.அப்படியான ஒரு தீவிரவாத தாக்குதலை தடுத்து நிறுத்தக் கூடிய ஒரு பாதுகாப்பு அமைப்பு எதுவும் எந்த இடத்திலும் ஏற்படுத்தப்படவில்லை.(இராணுவம் போன்ற) அப்படியான தாக்குதலை முறியடிக்க எந்த வித நடவடிக்கையும் எங்கும் இல்லை.(சமீபத்தில் இஸ்ரோவில் நுழைந்த பெண்- பாதுகாப்பு எப்படி இருந்தது?)
+++அணு கழிவுகளைக் கொண்டும் அணு ஆயுதங்களை தயாரிக்க முடியும்.அத்துடன் எந்த அணு உலையிலும் அணு ஆயுதம்,(nuclear proliferation,) தயாரிக்க முடியும்.அணு ஆயுதம் தயாரிக்கப் போவதில்லை என்று சொன்னாலும் கூட குறுகிய நேரத்தில் இது முடியும். அணு ஆயுத தடை ஒப்பந்தத்தில் கையெழுத்திட்ட நாடுகள் அதை மீறினால்?
+++இந்த உலைக்கு பாவிக்கப்படும் யுரேனியம் 30 -60 ஆண்டுகளுக்கே போதுமானதாகும்.
+++ஒரு அணு உலையை உடனே உருவாக்கிவிட முடியாது.கால அவகாசம் தேவை.
+++ ஒரு குறிப்பிட்ட இடத்தில்,மக்கள் வாழும் இடங்களில் உருவாக்குவது பாதுகாப்பு என்று சொன்னாலும் கூட ஆபத்தானவையே.(ஜேற்மன் அரசின் அறிக்கை காணவும்)
+++ கூடவே இயற்கை அழிவுகளும் நம் கையில் இல்லை. ஒரு சிறிய இயற்கை அனர்த்தம், ஒரு மிகப் பெரிய சவாலாகி விடும்.தவிர்க்கவோ, தடுக்கவோ நம்மால் முடியாது.
+++பல சாதகமான காரணங்களை வைத்தாலும் கூட,அணு உலைக்கு பச்சைக் கொடி காட்ட முடியாது. காரணம்,அணுக் கழிவுகளை உடனடியாக அகற்ற,அழிக்க,சக்தியைக் குறைக்க முடியாது.பல ஆயிரம் ஆண்டுகள் எடுக்கும்.பல சந்ததிகளுக்கு ஒரு ஆபத்தான உலகத்தை விட்டு செல்ல வேண்டி வரும்.
+++யுரேணியம் ஒரு எரிபொருளான நிலையில்,அவற்றை ஒருமுறையே பாவிக்க முடியும்.திரும்ப மாற்றம் செய்து பாவிக்க முடியாது.இந்த உலகில் இருக்கும் யுரேணியம் ஒரு சிறிய காலத்திற்கே போதுமானது.
+++புளுட்டோனியம் நுரையீரல் புற்று நோயையும்,ஈயம்,lead, மூளையை,முக்கியமாக குழந்தைகளின், மிகவும் பாதிக்கக் கூடியதுமாகும்.
+++ஜேர்மன் அரசு, KIKK,ஆய்வின் முடிவுப்படி அணு உலையை சுற்றி 5 கிமீ-50 கிமீ சுற்றளவிற்குள் வசிக்கும் குழந்தைகளை ஆய்வு செய்து, புற்று நோய்,leukemia இருப்பதை உறுதி செய்தார்கள்.அதே சமயம் அந்த ஆய்வில் கலந்து கொண்ட Spiegel online நிறுவனம் 50 கிமீ சுற்றளவிற்குள் இருப்பவர்களுக்கு நோய்கள் வர சாத்தியக்கூறுகள் அதிகம் உண்டென்கின்றனர்.இதைத் தொடர்ந்தே ஜேர்மன் அணு உலையை மூடத் தீர்மானித்ததாக தெரிய வருகிறது.அணு உலை விபத்தினால் மட்டுமல்ல அணு உலை இயங்கத் தொடங்கியதும்,50 கிமீ சுற்றளவிற்குள் வாழும் மக்கள் கதிரியக்கத்தினால் பாதிப்படைவார்கள் என்று தெரிய வருகிறது.(proves that the risk for children to get cancer is increasing the closer they live to a nuclear plant. )
(In Germany, all cases of cancer of children are being recorded. Therefore it was possible to investigate into the cases of children's cancer between the years 1980 and 2003. There were 1592 children of age less than five years who got the disease and 4735 healthy children involved in the study.)
ஜேர்மன் அரச ஆய்வின் படி, அணு உலை விபத்தினால் மட்டுமல்ல,அணு உலை இயங்கத் தொடங்கியதும்,அதை சுற்றி உள்ளவர்களின் பாதுகாப்பையும் உறுதி செய்ய முடியாது. புற்று நோய்,மூளைப் பாதிப்பு லுகோமியா போன்ற கொடுமையான நோய்கள் ஏற்படும் என்பதை அவர்கள் ஆய்வு வெளிப்படுத்தி உள்ளது.

இது தவிர........................உலகில் 363 அணு உலைகளும்,சில புதிதாக கூடங்குளம் போல் உருவாகியும் வருகிறது.(ஆதாரம்-International Atomic Energy Agency (IAEA) . அதே சமயம் சில மூடப்பட்டும் வருகிறது.இதில் முக்கியமானது என்னவெனில் ஆறு நாடுகளிடம் அணு ஆயுதங்கள் உண்டு.அதே போல் அதிக உலைகளையும் கொண்டுள்ளன. 60 வீதமான நாடுகள் அணு ஆயுதங்களை தாயாரிக்கும் தொழில் நுட்பத்தை தெரிந்து வைத்துள்ளன.அணு உலைகளை வைத்திருக்கும் நாடுகள் 26 ல்,அனேகமாக அனைத்துமே குறுகிய நேரத்தில் அணு ஆயுதங்களை தயாரிக்கக் கூடியதாக உலைகளை அமைத்துள்ளன.
இதன் அடிப்படையில்,அமெரிக்காவிடம் 10300,ரஸ்யா-16000,சீனா-410,பிரான்ஸ்-350,பிரிட்டன்-200,இஸ்ரயேல்-100, இந்தியா-90,பாகிஸ்தான்-85 அணு ஆயுதங்களை வைத்திருக்கிறது.(ஆதாரம்-Carnegie Endowment for International Peace)

ஒரு லீற்றர் பெற்றோல் எரிக்கப்படும் போது 2,3 கிலொ CO2 யை வெளியேற்றுகிறது. அதனால் முடிந்த வரை நடந்து செல்லுங்கள்.உடல் ஆரோக்கியமும் உண்டு. மரங்களை அழிக்காது, நடுங்கள்.

சக்தி.

ஆதாரம், Epidemiologishe Studie yu Kinderkrebs in der Umgebung von Kernkraftwerken (KIKK- Studie),
Kaatsch P, Spix C, Schulze-Rath R, Schmiedel S, Blettner M. Leukaemia in young children living in the vicinity of German nuclear power plants. Int J Cancer (2007), doi:10.1002/ijc.23330.
Spix C, Schmiedel S, Kaatsch P, Schulze-Rath R, Blettner M. Case-Control Study on Childhood Cancer in the Vicinity of Nuclear Power Plants in Germany 1980-2003. Eur J Cancer (2007), doi :10.1016/j.ejca.2007.10.024. 2007

நன்றி சக்தி

malathi wrote:நன்றி சக்தி