இலங்கைத் தமிழர் பிரச்னையில் இனியும் அலட்சியம் கூடாது

சென்னை,
ஜூன் 21: இலங்கைத் தமிழர் பிரச்னையில் மத்திய அரசு இனியும் அலட்சியமாக
இருக்கக் கூடாது என்று திமுக தலைவர் கருணாநிதி கூறியுள்ளார்.இது தொடர்பாக வியாழக்கிழமை அவர் வெளியிட்ட அறிக்கை:இந்திய
அரசை சமீபகாலமாக இலங்கை அரசு அலட்சியப்படுத்துகிறது என்று செய்தி
வந்துள்ளது. இந்தியாவுடன் செய்துகொண்ட ஒப்பந்தங்களை ரத்து செய்யவும்,
கொடுத்த வாக்குறுதிகளை மீறவும் இலங்கை அரசு தயாராகி வருவதுடன், சீனாவுடன்
நெருக்கமாக இருப்பதாகவும் செய்தி வெளியாகி உள்ளது.சாம்பூர் என்ற
இடத்தில் இந்தியா நிறுவி வரும் மின் உற்பத்தி நிலையம் போன்றவற்றைச்
சீர்குலைக்கும் வகையிலே இலங்கை அரசின் நடவடிக்கைகள் இருந்து வருகின்றன.
போர் படிப்பினை, நல்லிணக்கக் குழு அளித்த அறிக்கைகளை அமல் செய்வது தொடர்பான
தகவல்களைக் கூட அமெரிக்க அரசுக்குத்தான் இலங்கை தெரிவித்துள்ளது.
இந்தியாவுக்கு அது தொடர்பாக எதுவும் தெரிவிக்கவில்லை.இந்தச்
செய்திகளை அரசின் கவனத்துக்குக் கொண்டு வருவதோடு, இதற்குப் பிறகும்
அலட்சியமாக இல்லாமல் இலங்கைத் தமிழர் பிரச்னையில் இந்திய அரசு அதிக அளவு
அக்கறை காட்டிட வேண்டும். அங்கன்வாடி பணியாளர்கள் நியமனத்தில் மாற்றுத்
திறனாளிகளுக்கு ஏற்கெனவே இருந்த வயது சலுகை அதிமுக ஆட்சியில்
வழங்கப்படவில்லை என்று சொல்லப்படுகிறது. இது தொடர்பாக தொடரப்பட்ட வழக்கில்
மாற்றுத் திறனாளிகளுக்கு வயது சலுகை அளிப்பது தொடர்பாக பரிசீலிக்க வேண்டும்
என்று சென்னை உயர் நீதிமன்றம் உத்தரவிட்டுள்ளது. இதற்கு பிறகாவது அரசு,
மாற்றுத் திறனாளிகளுக்கு உதவ முன் வரும் என்று நம்புகிறேன்.முதல்வர்
ஜெயலலிதா 560 புதிய பஸ்களை தொடங்கி வைத்துள்ளதாக செய்தி வந்துள்ள நிலையில்
போக்குவரத்து ஊழியர்கள் பற்றாக்குறையால் தினமும் 500 பஸ்கள் ஓடவில்லை
என்றும் செய்தி வந்திருக்கிறது.கேரளத்தின் நிர்ப்பந்தம்: பல்வேறு
போராட்டங்களுக்குப் பிறகே பாலக்காடு ரயில்வே கோட்டத்தில் இருந்து பிரித்து
சேலம் கோட்டத்தை மத்திய அரசு உருவாக்கியது. ஆனால் சேலம் கோட்டத்தின்
கட்டுப்பாட்டில் உள்ள ஈரோடு லோகோ ஷெட் மூலம் மின் இணைப்புப் பணிகள்
கொடுப்பதற்கான ஒப்பந்தப் புள்ளி அறிவிப்பை கேரளத்தின் எர்ணாகுளம் துணைத்
தலைமை மின்சாரப் பொறியாளர் அலுவலகம் வெளியிட்டிருக்கிறது.இதைப்போல சென்னை,சேலம், திருச்சி, மதுரை என்ற வரிசையில் ஒருங்கிணைந்து ரயில்வே பணிகளுக்கான எழுத்துத் தேர்வுகள் அறிவிக்கப்படும்.இந்த முறை பாலக்காடு, சேலம், திருவனந்தபுரம் ஆகியவற்றுடன் இணைத்து எழுத்துத் தேர்வு அறிவிப்பு வந்துள்ளது.திருவனந்தபுரத்தை
மையமாகக் கொண்டு புதிய மண்டலம் உருவாக்க மூன்று மண்டலங்கள் தேவை.
திருவனந்தபுரம், பாலக்காடுடன், சேலத்தையும் இணைத்து புதிய மண்டலம் உருவாக்க
கேரளத்தினர் ஈடுபட்டு வருகின்றனர். கேரளத்தின் நிர்ப்பந்ததுக்கு மத்திய
அரசு பணிந்துவிடக் கூடாது என்று அவர் கூறியுள்ளார்.