அன்னா ஹசாரே குற்றச்சாட்டு. பெட்ரோல் விலை உயர்வுக்கு ஊழல் அதிகரித்ததே காரணம்.

அன்னா ஹசாரே குற்றச்சாட்டு. நாசிக், மே 26& பெட்ரோல் விலை உயர்வுக்கு ஊழல் அதிகரித்ததே காரணம்.

சமூக சேவகர் அன்னா ஹசாரே, மகாராஷ்டிர மாநிலத்தில் லோக்பால் மசோதா குறித்த
விழிப்புணர்வு பிரசாரத்தை மேற்கொண்டுள்ளார். நாசிக்கில் நடந்த கூட்டம்
ஒன்றில் அவர் பேசியதாவது;

நாட்டில் அதிகரித்து இருக்கும் ஊழலால்,
சாமானிய மக்களின் வாழ்க்கை பெரும் துயரத்துக்கு ஆளாகி உள்ளது. இதற்கு
சமீபத்திய உதாரணம் பெட்ரோல் விலை உயர்வு. மக்களின் மீது பெரும் சுமையை
காங்கிரஸ் அரசு ஏற்றி உள்ளது. ஊழல் அதிகரித்ததே இந்த விலை உயர்வுக்கு
காரணம். பெட்ரோல் விலை உயர்வை கண்டித்து நாடு முழுவதும் வரும் 31&ம்
தேதி நடக்கும் முழுஅடைப்பு போராட்டத்தில் எனது ஆதரவாளர்களும் பங்கேற்பர்.

யோகா குரு பாபா ராம்தேவுடன் சேர்ந்து நாடு முழுவதும் பயணம் செய்து
ஊழலுக்கு எதிரான பிரசாரத்தில் ஈடுபட முடிவு செய்துள்ளேன். அடுத்த மாதம்
3&ம் தேதிக்கு பிறகு நாங்கள் இருவரும் நாடு முழுவதும் லோக்பால்
விழிப்புணர்வு பிரசாரத்தை தொடங்குவோம். வலுவான லோக்பாலின் அவசியம் குறித்து
மக்களிடம் எடுத்துரைப்போம்.

நாடாளுமன்ற தேர்தல் அறிவிப்பு
வெளியாகும் வரை எங்கள் பிரசாரம் தொடரும். ஜன்லோக்பால் மசோதாவை அரசு
நிறைவேற்றாவிட்டால், டெல்லியில் மீண்டும் உண்ணாவிரதம் இருப்பேன். ஊழலுக்கு
எதிரான போராட்டத்தில் இளைஞர்கள் பெருமளவில் பங்கேற்க வேண்டும். வியட்நாம்,
இந்தோனேசியா, ஜப்பான் போன்ற நாடுகளில் புரட்சிகரமான மாற்றத்தை
இளைஞர்கள்தான் உருவாக்கினர். ஊழலற்ற இந்தியாவை உருவாக்கும சக்தி இளைஞர்கள்
கையில்தான் இருக்கிறது.