பேக்ட் நிறுவனத்தில் பணியிடங்கள்

இந்தியாவிலுள்ள உரத் தயாரிப்பு நிறுவனங்களில் பேக்ட் (FACT) நிறுவனம்
மிகவும் பிரம்மாண்டமானதும் புகழ் பெற்றதும் ஆகும். கேரளாவைத் தலைமையகமாகக்
கொண்ட இந்த நிறுவனம் 1943 நிறுவப்பட்டது. உரங்களைத் தயாரித்தல் மற்றும்
வர்த்தகம் செய்தல், இன்ஜினியரிங் கன்சல்டன்சி, பேப்ரிகேஷன் ஆப்
எக்விப்மென்ட் ஆகிய பணிகளில் இந்த நிறுவனம் ஈடுபட்டு வருகிறது. இந்த
நிறுவனத்தில் இன்ஜினியரிங் பிரிவில் மேனேஜ்மென்ட் டிரெய்னிக்களைப் பணி
நியமனம் செய்வதற்கான அறிவிப்பு வெளியாகியுள்ளது.
பிரிவுகள் மற்றும் காலி இடங்கள்:
பேக்ட் நிறுவனத்தின் இன்ஜினியரிங் பிரிவிலான மேனேஜ்மென்ட் டிரெய்னி
பதவியில் கெமிக்கலில் 8 இடங்களும், மெக்கானிகலில் 10 இடங்களும்,
எலக்ட்ரிகலில் 4 இடங்களும், இன்ஸ்ட்ரூமெண்டேஷனில் 2 இடங்களும், சிவில்
பிரிவில் ஒரு இடமும் மொத்தம் 25 இடங்கள் நிரப்பப்பட உள்ளன.
தேவைகள்:
பேக்ட் நிறுவனத்தின் மேனேஜ்மென்ட் டிரெய்னி பதவிக்கு விண்ணப்பிப்பவர்கள்
01.12.2011 அன்று 26 வயதுக்கு உட்பட்டவராக இருக்க வேண்டும். தொடர்புடைய
பிரிவில் ஏ.ஐ.சி.டி.இ., அங்கீகாரம் பெற்ற இன்ஜினியரிங் பட்டப்படிப்பைக்
குறைந்த பட்சம் 60 சதவிகித மதிப்பெண்களுடன் முடித்திருக்க வேண்டும்.
தற்போது இறுதித் தேர்வு முடிவுகளை எதிர்பார்த்துக் காத்திருப்பவர்களும்
இந்தப் பதவிகளுக்கு நிபந்தனைகளுக்கு உட்பட்டு விண்ணப்பிக்கலாம். முழு
விபரங்களுக்கு இணையதளத்தைப் பார்க்கவும். எழுத்துத் தேர்வு, குழு விவாதம்
மற்றும் நேர்காணல் என்ற முறைகளில் இந்தக் காலி இடங்கள் நிரப்பப்படும் என்று
அறிவிக்கப்பட்டுள்ளது.
மற்ற தகவல்கள்:
பேக்ட் நிறுவனத்தின் மேற்கண்ட காலி இடங்களுக்கு தேர்ச்சி பெறுபவர்கள்
முதல் ஆண்டில் மாதம் ரூ.23 ஆயிரமும், இரண்டாம் ஆண்டில் மாதம் ரூ.26
ஆயிரமும் ஸ்டைபண்டாகப் பெறலாம். இந்தப் பதவிக்கு விண்ணப்பிக்க ரூ.800/-ஐக்
கட்டணமாக செலுத்த வேண்டியிருக்கும். விண்ணப்பக் கட்டணத்தைச் செலுத்திய
பின்னர் ஆன்-லைன் முறையில் இந்தப் பதவிகளுக்கு விண்ணப்பிக்க வேண்டும்.
ஆன்-லைனில்
பதிவு செய்தபின்னர் கிடைக்கும் பிரின்ட் அவுட்டைப் பின்வரும் முகவரிக்கு
23.01.2012க்குள் கிடைக்குமாறு அனுப்ப வேண்டும். முழுமையான தகவல்களைப் பெற
இந்த நிறுவனத்தின் இணையதளத்தைக் கட்டாயம் பார்க்கவும்.
முகவரி:
Chief Manager (Human Resources),
FACT, FEDO Buildings,
Udyogamandal - 683501
KERALA
ஆன்-லைனில் பதிவு செய்ய இறுதி நாள் : 18.01.2012
விண்ணப்பங்கள் கிடைக்க இறுதி நாள்: 23.01.2012
இணையதள முகவரி: http://fact.co.in/MT11EXT.pdf