அரசு கேபிள் டிவி ஒளிபரப்பு செப்.2ல் தொடக்கம் : முதல்வர் ஜெயலலிதா

by **ஜனனி** Tue Aug 30, 2011 3:37 pm

அரசு கேபிள் டிவி ஒளிபரப்பு செப்.2ல் தொடக்கம் : முதல்வர் ஜெயலலிதா Imp?urid=500bd11812001719918&cr=8779&al=3895&sec=3385&pl=3155&as=5&ty=0&l=0

சென்னை: சட்டப்பேரவையில் இன்று விதி 110ன் கீழ் முதல்வர் ஜெயலலிதா
படித்த அறிக்கை: கேபிள் டிவி இணைப்பின் மூலம் தொலைக்காட்சி நிகழ்ச்சிகளை
வழங்க அதிக கட்டணம் வசூலிக்கப்படுகிறது என்பதை உறுப்பினர்கள் அறிவீர்கள்.
முந்தைய அரசால் 2007ம் ஆண்டு தொடங்கப்பட்ட அரசு கேபிள் டிவி நிறுவனம்
2008ம் ஆண்டு ஜூலை மாதம் ஒளிபரப்பை தொடங்கியது. ஆனால், முந்தைய ஆட்சியில்
அரசு கேபிள் டிவி நிறுவன இணைப்புகளின் எண்ணிக்கை படிப்படியாக குறைந்து,
கடந்த மார்ச் 31&ம் தேதி நிலவரப்படி 432 இணைப்புகளாக சுருங்கிவிட்டது.

எனவேதான்,
அனைத்து மக்களுக்கும் குறைந்த கட்டணத்தில் அரசு கேபிள் டிவி இணைப்பு
கொடுக்க நடவடிக்கை எடுக்கப்படும் கடந்த தேர்தலின் போது அதிமுக தேர்தல்
அறிக்கையில் வாக்குறுதி அளித்தோம். அதை நிறைவேற்றும் வகையில் அரசு கேபிள்
டிவி நிறுவனத்தின் நடவடிக்கைகளை புனரமைப்பதற்கான நடவடிக்கைகளை அரசு
தீவிரமாக மேற்கொண்டது. இந்த நிறுவனத்துக்கு முழுநேர தலைவர், நிர்வாக
இயக்குனர் நியமிக்கப்பட்டனர்.
தஞ்சை, திருநெல்வேலி, கோவை, வேலூர் ஆகிய நகரங்களில் அமைக்கப்பட்டு இருந்த டிஜிட்டல் தலைமுனைகள் பராமரிப்பு செய்யப்பட்டன.

மீதமுள்ள
27 மாவட்டங்களில் தனியார் வசம் உள்ள தலைமுனைகள் வாடகைக்கு பெறப்பட்டும்
புதிதாக அனலாக் தொழில்நுட்ப கேபிள் டிவி கட்டுப்பாட்டு அறைகள்
நிறுவப்பட்டும் அரசு கேபிள் டிவி புனரமைக்கப்பட்டது. இந்நிறுவனம் தமிழ்நாடு
அரசு கேபிள் நிறுவனம் என்று பெயர் மாற்றம் செய்யப்பட்டது.
சென்னை
நீங்கலாக அனைத்து மாவட்டகேபிள் ஆபரேட்டர்கள் மற்றும் எம்எஸ்ஓக்களை
தமிழ்நாடு அரசு கேபிள் டிவி நிறுவனத்தில் சேர அழைப்பு விடுக்கப்பட்டதன்
அடிப்படையில், தமிழகத்தில் உள்ள 34,344 கேபிள் ஆபரேட்டர்கள், எம்எஸ்ஓக்கள்
ஆர்வத்துடன் இணைத்து கொண்டனர்.

31 மாவட்டங்களிலும் நிறுவப்பட்டுள்ள
ஒளிபரப்பு மையங்களை 24 மணி நேரமும் பராமரிக்கவும் ஒளிபரப்பு சேவையை தங்கு
தடையின்றி மக்களுக்கு வழங்கவும் நடவடிக்கைகள் எடுக்கப்பட்டுள்ளன. தமிழ்நாடு
கேபிள் டிவி ஒளிபரப்பின் மூலம் கட்டண சேனல்கள் உள்பட 90 சேனல்களை ஒளிபரப்ப
நடவடிக்கைகள் எடுக்கப்பட்டுள்ளன. முதலில் இலவச சேனல்கள் ஒளிபரப்பு
செய்யப்படும். கட்டண சேனல்களை பெறுவதற்கான நடவடிக்கைகள் மேற்கொள்ளப்பட்டு
வருகின்றன. வரும் செப்டம்பர் 2&ம் தேதி முதல் ஒளிபரப்பு சேவைகள்
தொடங்கப்பட்டு குறைந்த செலவில் நிறைவான சேவையை தமிழ்நாடு அரசு கேபிள் டிவி
நிறுவனம் தமிழக மக்களுக்கு வழங்கும்.

தமிழ்நாடு அரசு கேபிள் டிவி
நிறுவனத்தில் சேர்ந்துள்ள கேபிள் ஆபரேட்டர்கள் மூலம் தொலைக்காட்சி சேவை
பெறும் சந்தாதாரர்களிடம் இருந்து மாத சந்தாவாக 70 ரூபாய் மட்டுமே கேபிள்
டிவி ஆபரேட்டர்களால் வசூலிக்கப்படும். இந்த ஒளிபரப்பு வழங்கும் கேபிள் டிவி
ஆபரேட்டர்களிடம் இருந்து கட்டணமாக ஒரு இணைப்புக்கு 20 ரூபாய் தமிழ்நாடு
அரசு கேபிள் டிவி நிறுவனத்தால் வசூலிக்கப்படும்.

எனது தலைமையிலான
தமிழ்நாடு அரசின் இந்த நடவடிக்கைகளின் மூலம் மிக குறைந்த கட்டணத்தில்
கேபிள் டிவி இணைப்பை தமிழக மக்கள் பெறுவது உறுதி செய்யப்பட்டுள்ளது. இதன்
மூலம் கேபிள் இணைப்பு பெற்றுள்ள ஒவ்வொருவருக்கும் மாதம் ஒன்றுக்கு சுமார்
70 ரூபாய் முதல் 100 ரூபாய் வரை சேமிப்பு ஏற்படும். இவ்வாறு ஜெயலலிதா
பேசினார்.