கவர்னர் உரையில் தமிழக அரசு அதிரடி: அரசு கேபிள் "டிவி'க்கு மீண்டும் புத்துயிர்

சென்னை: "புதிய தலைமைச் செயலகக் கட்டடப் பணிகளுக்கு கூடுதலான மற்றும்
பயனற்ற செலவு, காலதாமதம், தரமற்ற கட்டுமானப் பணிகள் போன்ற குறைபாடுகள்
குறித்து விசாரிக்க, ஓய்வு பெற்ற ஐகோர்ட் நீதிபதி தலைமையில் விசாரணைக்குழு
அமைக்கப்படும் மற்றும் தனியார் கேபிள்"டிவி' அரசுடைமையாக்கப்படும்' என,
சட்டசபையில் கவர்னர் பர்னாலா நேற்று ஆற்றிய உரையில்தெரிவிக்கப்பட்டுள்ளது.
அத்துடன், கடந்த ஆட்சியில் கொண்டு வரப்பட்ட இலவச வீடு வழங்கும் திட்டம்,
மருத்துவ காப்பீடு, கான்கிரீட் வீடு வழங்கும் திட்டம், மேலவை அமைத்தல்
உள்ளிட்ட திட்டங்கள் ரத்து செய்யப்பட்டுள்ளன. அ.தி.மு.க., தேர்தல்
அறிக்கையில் வெளியிடப்பட்ட இலவச லேப்-டாப், மின்விசிறி, கிரைண்டர்
வழங்குதல், பசுமை வீடு உள்ளிட்ட பல புதிய திட்டங்கள் செயல்படுத்துவது
குறித்த அதிரடி அறிவிப்புகள், கவர்னர் உரையில் இடம்பெற்றுள்ளன.
சட்டசபை தேர்தலில் பெரும்பான்மை இடங்களில் அ.தி.மு.க., வெற்றி பெற்று,
தமிழகத்தில் புதிய அரசு அமைந்தநிலையில், கோட்டையில் கவர்னர் சுர்ஜித்சிங்
பர்னாலாவின் உரையுடன் சட்டசபை நேற்று துவங்கியது. முதல்வர் ஜெயலலிதா,
எதிர்க்கட்சித் தலைவர் விஜயகாந்த், தி.மு.க., சட்டசபை கட்சித் தலைவர்
ஸ்டாலின் மற்றும் கம்யூனிஸ்ட், காங்கிரஸ், பா.ம.க., - மனிதநேய மக்கள்
கட்சி, புதிய தமிழகம், சமத்துவ மக்கள் கட்சி, இந்திய குடியரசு கட்சி,
கொங்கு இளைஞர் பேரவை ஆகிய கட்சிகளின் எம்.எல்.ஏ.,க்கள்,
சட்டசபைகூட்டத்தொடரில்பங்கேற் றனர். புதிய அரசின் திட்டங்கள், கொள்கைள்
குறித்த உரையின் சிறப்பம்சங்களை கவர்னர் பர்னாலா, ஆங்கிலத்தில் சுருக்கமாக
வாசித்தார். அதன்பின், சபாநாயகர் ஜெயக்குமார், கவர்னர் உரையின் முழு
தமிழாக்கத்தையும் வாசித்தார்.
கவர்னர் உரையின் முக்கிய அம்சங்கள்: ஓமந்தூரார் அரசினர்
தோட்டத்தில், புதிய சட்டசபை மற்றும் தலைமைச் செயலகக் கட்டடம் முழுமையாக
கட்டி முடிக்கப்படுவதற்கு முன், கடந்த 2010 மார்ச் மாதம் திறக்கப்பட்டது.
அவசர அவசரமாக ஒரு சில துறைகளும், முதல்வர் மற்றும் அனைத்து அமைச்சர்களின்
அலுவலகங்களும் புதியகட்டடத்திற்கு மாற்றப் பட்டன. 29 துறைகள், புனித
ஜார்ஜ் கோட்டையில் உள்ள பழைய கட்டடத்திலேயே இயங்கின. துறைகளை ஒரு
இடத்திலும், அமைச்சர்களின் அலுவலகங்கள் மற்றும் ஒரு சில துறைகளை மட்டும்
புதிய தலைமைச் செயலகக் கட்டடத்திற்கு மாற்றியது தேவையற்ற நிர்வாகப்
பிரச்னைகளை ஏற்படுத்தி, பொதுமக்களுக்கும் இடையூறாக அமைந்தது. எனவே, தமிழக
அரசு, புனித ஜார்ஜ் கோட்டையில் உள்ள தலைமைச் செயலகக் கட்டடத்திலேயே தன்
நிர்வாகப் பணிகளைத் தொடர முடிவு செய்தது. புதிய தலைமைச் செயலகக் கட்டடப் பணிகளுக்கு கூடுதலான மற்றும்
பயனற்ற செலவு, காலதாமதம், தரமற்ற கட்டுமானப் பணிகள் போன்ற குறைபாடுகள்
உள்ளதாக பல குற்றச்சாட்டுகள் எழுந்துள்ளன. இதுகுறித்து விசாரணை செய்ய,
ஓய்வு பெற்ற ஐகோர்ட் நீதிபதி தலைமையில் விசாரணைக்குழு அமைக்க அரசு முடிவு
செய்துள்ளது. விசாரணை நியாயமாக நடைபெற ஏதுவாக, அதுவரை புதிய தலைமைச் செயலக
கட்டுமானப் பணிகள் நிறுத்தி வைக்கப்படும். மேலும், தனியார் கேபிள்"டிவி'
சேவை அரசுடைமையாக்கப் படும். இவ்வாறு கவர்னர் உரையில்
தெரிவிக்கப்பட்டுள்ளது. அ.தி.மு.க., ஆட்சி அமைந்தபின், கடந்த ஆட்சி
குறித்து முதன்முறையாக அமைக்கப்படும் விசாரணைக் கமிஷன், தலைமைச் செயலக
கட்டுமான விவகாரம் தொடர்பானது என்பது குறிப்பிடத்தக்கது. கடந்த தி.மு.க.,
ஆட்சியில் கொண்டுவரப்பட்ட பல திட்டங்கள் ரத்து செய்யப்படுவதற்கான
அறிவிப்பும், சில திட்டங்களுக்கு மாற்று அறிவிப்புகள், அ.தி.மு.க.,
தேர்தல் அறிக்கையில் இடம்பெற்றுள்ள வாக்குறுதிகளை நிறைவேற்றும் திட்டங்கள்
கவர்னர் உரையில் இடம்பெற்றிருந்தன.
கவர்னர் உரையின் சிறப்பம்சங்கள்
புதிய திட்டங்கள்
* குற்றம் மற்றும் குற்றவாளிகள் கண்காணிப்பு
* முதியோர் பென்ஷன் வங்கிகள் மூலம் வழங்குதல்
* தமிழ்நாடு 2025 தொலைநோக்கு திட்டம்
* பண்ணைசார் சிறப்பு திட்டம்
* மரபுசாரா எரிசக்தி மூலம் மின் உற்பத்தி செய்ய தனி கொள்கை
*மோனோ ரயில் திட்டம்
* சூரிய மின்சக்தியுடன் கூடிய பசுமை வீடு திட்டம்
* புதிய பொது மருத்துவ காப்பீட்டு திட்டம்
அறிவிப்புகள்
* புதிய தலைமைச் செயலக கட்டுமான பணி குறித்து ஓய்வு பெற்ற ஐகோர்ட் நீதிபதி தலைமையில் விசாரணை
* கடந்த ஆட்சியில் பயமுறுத்தி பறிக்கப்பட்ட சொத்துக்களை பறிக்க புதிய சட்டம்
*
பள்ளி, கல்லூரி மாணவர்களுக்கு இலவச லேப்-டாப், பெண்களுக்கு இலவச
மின்விசிறி, மிக்சி, கிரைண்டர் செப்., 15ம் தேதி முதல் வழங்கப்படும்
* கேபிள் "டிவி' அரசுடமை
* சிறப்பு நகர்ப்புற வளர்ச்சி இயக்கம் துவக்கம்
* அண்ணா பல்கலை ஒருங்கிணைப்பு
கடந்த ஆட்சியில் கொண்டுவரப்பட்ட திட்டங்களில் ரத்து செய்யப்பட்டவை
* மேலவை தேவையில்லை
* இலவச கான்கிரீட் வீடு திட்டம்
* இலவச காப்பீட்டு திட்டம்
* சமச்சீர் கல்விக்கான பாடத்திட்டங்கள் மறு ஆய்வு
* புதிய தலைமைச் செயலக கட்டட பணிகள் நிறுத்தி வைப்பு