தமிழறிஞர்கள், பேராசியர்கள், இணையதள வல்லுனர்களின் கனிவான கவனத்திற்கு,

by **ஜனனி** Sun Aug 21, 2011 6:50 am

தமிழறிஞர்கள், பேராசியர்கள், இணையதள வல்லுனர்களின் கனிவான கவனத்திற்கு,

அன்புக்குரிய தமிழன்னை ஈன்றெடுத்த சகோதர, சகோதரிகளுக்கு,

என் அறிமுகத்தை வாசிக்காதவர்களுக்காக மீண்டும் என்னை
அறிமுகம் செய்து கொள்கிறேன். ஏறக்குறைய 8 ஆண்டுகள் மும்பையில் வெளியாகும் தமிழ் பத்திரிகைகளில்
நிருபராக, துணை ஆசிரியராக, பொறுப்பாசிரியராக பணியாற்றிய நான் தற்போது மும்பையில்
உள்ள ஊடக நிறுவனங்களுக்காக தன்னிச்சையான தொழில்முறை மொழிபெயர்ப்பாளனாக இருந்து
ஆங்கிலம், இந்தி மொழிகளிலிருந்து தமிழுக்கும் தமிழிலிருந்து ஆங்கிலத்திற்கும்
மொழிபெயர்த்து வருகிறேன்.

நான் மொழி பெயர்க்கும்போது பல வார்த்தைகளுக்கு அர்த்தம் தேடி
அலையவேண்டிய நிலைக்கு தள்ளப்பட்டேன். அப்போது தமிழ் மொழியில் எத்தனையோ அகராதிகள்
இருந்தும் ஒரு முறையான அகராதி இல்லை என்ற குறைபாடு எனக்குள் தோன்றியது. கூகிள்
குழுமங்களில் இணைந்தபோது என்னைப்போலவே மேலும் பலரும் கருதுவது தெரிந்தது. வலைத் தளங்களிலும்
முறையான தமிழ் அகராதி இல்லாததாகவே தெரிகிறது. இருக்கின்ற வலைத்தள அகராதிகள் வெறும்
தரவுக் குவிப்புகளாகவே உள்ளன.

உதாரணத்திற்கு சில-

http://www.tamildict.com/english.php?sID=6eesr54q42p534ju6919pgp8a0

http://www.dictionary.tamilcube.com/

http://www.tamildictionary.org/

http://www.lanka.info/dictionary/pronounce.jsp?query=park&lang=Tamil

http://www.tamilpadi.com/

http://www.tamil.net/learn-tamil/tamildic.html

தமிழ் மொழியின் மீது கொண்ட தணியாத காதலால், தமிழ் இனத்திற்கு செய்யும் முதல்
தொண்டாக உலகலாவிய தமிழர்களுக்கான ஒரு சிறந்த வலைத்தள அகராதியை உலகத் தமிழர்களின்
ஆதரவோடு உருவாக்க துணிந்துள்ளேன். எனவே நான் என்போன்ற ஒத்த கருத்துள்ள
நண்பர்களுடன் கலந்தாலோசனை செய்த பின்பு ஒரு இணையதள அகராதிக்கான பணிகளை துவக்குவது
என்று முடிவு செய்துள்ளேன்.

இந்த அகராதியில் ஒரு வார்த்தை, அதனுடைய உச்சரிப்பு மற்றும்
ஒலி வடிவம், பொருள், அதனுடைய மூலச் சொல், இணைச்
சொல், எதிர்ச் சொல், சொல் வழக்கு, இலக்கணம்,
மறுவுல், கொச்சை, வட்டார சொல், பயன்பாட்டு
விதம் போன்றவையும் இடம்பெற வேண்டும் கருதுகிறேன். இந்த அகராதியில் மதுரை, கோவை, திருநெல்வேலி, குமரி, விழுப்புரம், சென்னை
மற்றும் இதர வட்டார சொற்களையும் பதிவு செய்ய திட்டமிட்டுள்ளேன்.

இதில் தமிழகம்,
இலங்கை, மலேசியா, சிங்கப்பூர் மற்றும் தமிழ் மொழியை கையாளும் பிற பகுதிகளில்
வாழும் தமிழ் மக்கள் பயன்படுத்தும் சொற்கள் அவற்றின் பொருள், வழக்கு அனைத்தையும்
ஏற்ற விரும்புகிறேன். அதேபோல தமிழுக்கு தமிழில் விளக்கம் தருவதோடு
ஆங்கிலத்திலும் விளக்கம் கொடுத்தால் இது உலகம் முழுவதும் தமிழ் பயில விரும்பும் அனைவருக்கும்
உதவியாக இருக்கும் என்று கருதுகிறேன்.

இந்த பணியை ஒரு
சிலரால் செய்ய இயலாது என்பதையும் இங்கே குறிப்பிட விரும்புகிறேன். எனவே இந்த
பணியை செய்வதில் அந்தந்த பகுதியைச் சேர்ந்த தமிழறிஞர்கள், கல்லூரி, பல்கலைகழக பேராசியர்கள்
ஈடுபட வேண்டும் என்று விரும்புகிறேன். ஒரு பத்து அல்லது இருபது
பேர் கொண்ட குழுவை அமைத்து செயல்பட்டால் ஒரு நல்ல
அகராதியை உருவாக்கி விடலாம் என்று நம்புகிறேன்.

இந்த அகராதியை
உருவாக்குவதற்கு முதல்கட்ட ஆலோசனை செய்யும் பொருட்டாக தமிழறிஞர்கள், தமிழ்-ஆங்கில
இருமொழி அறிஞர்கள், இலக்கண அறிஞர்கள், வலைத்தள வல்லுனர்களின் மதிப்புமிக்க
ஆலோசனைகளையும், கருத்துக்களையும் வரவேற்கிறேன்.

இந்த மகத்தான பணியில் ஈடுபட விரும்புபவர்கள், இது பற்றி பேச
விரும்புபவர்கள் தொலைபேசியில் (09833753808) அல்லது மின்னஞ்சலில் தொடர்பு கொள்ளுங்கள்
அல்லது உங்களது உங்களது எண்ணை கொடுங்கள் நான் தொடர்பு கொள்கிறேன். உங்களது
பார்வைக்கு மாதிரியாக ஒரு ஜெர்மானிய வலைத்தள அகராதியை கொடுத்துள்ளேன். இதுபோன்ற
அல்லது மேம்பட்ட அகராதியை உருவாக்குவதே நமது நோக்கம். கருத்துக்களை தெரிவியுங்கள்.

ஜெர்மானிய அகராதிகள்

http://dict.tu-chemnitz.de/dings.cgi?lang=en&service=deen&opterrors=0&optpro=0&query=auto&iservice=&comment=&email=

http://dict.leo.org/ende?lp=ende&lang=en&searchLoc=0&cmpType=relaxed§Hdr=on&spellToler=&search=beginnen

http://german.about.com/library/verbs/blverb_anfangen.htm

பெ.அ. தேவன்,

Room
No. 103, 1st Floor,

Sai Dham
Building,

Gopal
Krishna Nagar, Sagaon,

Dombivili
(E), Thane District – 421201