வீரபாண்டி ஆறுமுகத்துடன் சேர்ந்து நிலம் அபகரிப்பு இன்ஸ்பெக்டர் தலைமறைவு போலீசில் சரண் அடைய உத்தரவு

சேலம், ஆக. 8-
சேலம் அங்கம்மாள் காலனி நிலம்
அபகரிப்பு, பிரிமியர் மில் நிலம் அபகரிப்பு தொடர்பாக முன்னாள் அமைச்சர்
வீரபாண்டி ஆறுமுகம் மீது புகார் செய்யப்பட்டது.

இதைத்தொடந்து
அவர் ஐகோர்ட்டில் முன்ஜாமீன் மனு தாக்கல் செய்தார். ஐகோர்ட்டு
உத்தரவுப்படி அவர் சேலம் மத்திய குற்றப் பிரிவு போலீசில் சரண் அடைந்தார். 3
நாள் விசாரணைக்கு பிறகு அவர் கோர்ட்டில் ஆஜர்படுத்தப்பட்டு விடுதலை
செய்யப்பட்டார்.

ஆனால் போலீஸ் நிலையத்தில்
கையெழுத்து போட வந்தபோது பாலமோகன் ராஜன் என்பவர் கொடுத்த நில அபகரிப்பு
வழக்கில் வீரபாண்டி ஆறுமுகம் கைது செய்யப்பட்டு கோவை மத்திய சிறையில்
அடைக்கப்பட்டார்.

அங்கம்மாள் காலனி நில அபகரிப்பு
மற்றும் பிரிமியர் மில் நிலம் அபகரிப்பு வழக்குகளில் சேலம்
கொண்டலாம்பட்டியில் இன்ஸ்பெக்டராக பணி யாற்றிய லட்சுமணன், வீரபாண்டி
ஆறுமுகத்தின் உதவியாளர் கவுசீகபூபதி, சேலம் மாவட்ட பஞ்சாயத்து துணை தலைவர்
பாரப்பட்டி சுரேஷ்குமார், ஆடிட்டர் துரைசாமி இன்னொரு துரைசாமி ஆகியோர்
பெயர் போலீசார் தேடப்படும் பட்டியில் இடம் பெற்று இருந்தது.

இன்ஸ்பெக்டர்
லட்சுமணன் சட்டமன்ற தேர்தல் நேரத்தில் கன்னியாகுமரி மாவட்டத்துக்கு
மாற்றப்பட்டார். அவர் பணியில் சேராமல் மருத்துவ விடுப்பில் இருந்தார். 2
வழக்கு களிலும் அவரது பெயர் இடம் பெற்றதால் அவர் தலைமறைவானார். அவரை 8
தனிப்படை போலீசார் தேடிவந்தனர்.

இதை அறிந்த
இன்ஸ்பெக்டர் லட்சுமணன் சென்னை ஐகோர்ட்டில் முன் ஜாமீன் மனு தாக்கல்
செய்தார். அவரது மனுவை விசாரித்த ஐகோர்ட்டு லட்சுமணன் நாளை (9-ந்தேதி)
சேலம் மத்திய குற்றப்பிரிவு போலீசில் ஆஜர் ஆகி 3 நாள் போலீஸ் விசாரணைக்கு
ஒத்துழைக்க வேண்டும். விசாரணை முடிந்த பிறகு சேலம் கோர்ட்டில் முன் ஜாமீன்
பெறலாம் என்று சென்னை ஐகோர்ட்டு உத்தரவிட்டது.

அதன்படி
நாளை காலை 10 மணிக்கு சேலம் மத்திய குற்றப்பிரிவு போலீசில் அவர் சரண் அடைய
வேண்டும். இல்லையென்றால் அவருக்கு ஜாமீன் கிடைக்காது. இன்ஸ்பெக்டர்
லட்சுமணன் ஏற்கனவே மருத்துவ விடுப்பு முடிந்து பணியில் சேர வேணடும்.

ஆனால்
அவர் பணியில் சேராததால் அவர் போலீஸ் பணியில் இருந்து சஸ்பெண்டு
செய்யப்பட்டார். அவர் மீது 2 வழக்குகளும் பதிவானதால் அவர் தேடப்படும்
குற்றவாளியாக அறிவிக்கப்பட்டார். சேலம் ஜங்சனில் வசித்து வரும் அவரது
மனைவியை பலமுறை சூரமங்கலம்டி போலீசார் அழைத்து வந்து விசாரணை நடத்தியும்
அவரை பிடிக்க முடியவில்லை.

இதே போல ஆடிட்டர்
துரைசாமி, இன்னொரு துரைசாமி ஆகியோரும் நாளை சேலம் மத்திய குற்றப்பிரிவு
போலீசில் சரண் அடைய வேண்டும் என்று சென்னை ஐகோர்ட்டு உத்தரவிட்டு
உள்ளது. இந்த நிலையில் கோவை சிறையில் இருக்கும் வீரபாண்டி ஆறுமுகம் ஜாமீன்
கேட்டு சேலம் கோர்ட்டில் ஜாமீன் மனு மனுதாக்கல் செதுள்ளார். இந்த மனு மீதான
விசாரணை இன்று மாலை நடக்கிறது.

வேலி பயிரை மேய்ந்த கதை போல் உள்ளது