அனைத்து பகுதிகளிலும் அரசு கேபிள் டிவியை தொடங்காதது ஏன்? - விஜயகாந்த்

by **மாலதி** Fri Apr 01, 2011 7:20 am

Last Updated :

அனைத்து பகுதிகளிலும் அரசு கேபிள் டிவியை தொடங்காதது ஏன்? - விஜயகாந்த் Vijayakanth

திருச்சி,
மார்ச் 31: திமுக ஆட்சியில் அரசு கேபிள் டிவியை அனைத்துப் பகுதிகளிலும்
தொடங்காதது ஏன்? என்று கேள்வி எழுப்பினார் தேமுதிக தலைவர் விஜயகாந்த்.திருச்சி
அரியமங்கலம் ரயில்நகர், திருவெறும்பூர் பேருந்து நிலையம், கொள்ளிடம்
டோல்கேட் ஆகிய இடங்களில் வியாழக்கிழமை பிரசாரம் மேற்கொண்ட அவர் மேலும்
பேசியது:"இந்தத் தேர்தலில் திமுக தலைவர் கருணாநிதி ஏதாவது வித்தை
செய்து கொண்டே இருப்பார். நமது நோக்கம் தேர்தலில் வெற்றி பெற வேண்டும்
என்பது மட்டுமே. திமுகவை ஆட்சியில் இருந்து அகற்ற வேண்டும் என்பதற்காகவே,
எம்ஜிஆர் தொடங்கிய கட்சியோடு கூட்டணி அமைத்தேன்.ஐந்து முறை
முதல்வராக இருந்த கருணாநிதி 6-வது முறையாக தன்னை முதல்வராகத்
தேர்ந்தெடுத்தால் பால் உற்பத்தியாளர்களுக்கு அதிக விலை அளிப்பதாகக்
கூறியுள்ளார். கடந்த 5 ஆண்டுகளாக முதல்வராக இருந்தபோது இதை ஏன்
செய்யவில்லை.ஊருக்காக உழைத்தவர் எம்ஜிஆர். ஆனால், கருணாநிதி
காசுக்காக உழைப்பவர். திமுகவின் கொள்கை சிறைச்சாலைதான். ஏனென்றால், அந்தக்
கட்சியின் கொள்கை பரப்புச் செயலர் ஆ. ராசா சிறையில்தானே உள்ளார்.கடந்த
ஐந்தாண்டுகளில் லிட்டருக்கு ரூ. 33 வரை பெட்ரோல் விலை உயர்ந்துள்ளது.
ஆனால், தில்லி சென்ற போது ஒரு முறையாவது பெட்ரோல் விலை பற்றி கருணாநிதி
மத்திய அரசிடம் பேசினாரா?. தனது குடும்ப உறுப்பினர்களுக்கு அமைச்சர்
பதவிகளை பெற்றுக் கொடுப்பதற்காக பலமுறை தில்லி சென்று அதிகார
வர்க்கத்துடன் பேச்சு நடத்தியுள்ளார். மின்சாரம் இல்லாததால் இன்றைக்கு
அனைத்துத் தொழில்களும் முடங்கியுள்ளன. விவசாயிகளுக்குத் தேவையான மின்சாரம்
வழங்க நடவடிக்கை எடுக்காமல் மின் மோட்டார் மட்டும் வழங்குவதாக அறிவிப்பது
நியாயமா?.மதுரையில் பத்திரிகை அலுவலகம் எரிக்கப்பட்ட போது மூன்று
ஊழியர்கள் தீயில் கருகி மாண்டனர். அப்போது, எந்த நெருக்கடி வந்தாலும்
பின்வாங்க மாட்டேன் என்று கூறிய தயாநிதி மாறன், இன்று அழகிரியோடு
கைகோர்த்துக் கொண்டு தில்லியில் வலம் வருகிறார்.பேரன்களுடன்
ஏற்பட்ட தகராறு காரணமாக, அரசு கேபிள் டிவி தொடங்குவதாக அறிவித்தார்
முதல்வர் கருணாநிதி. ஆனால், இப்போது எல்லோரும் ஒன்று சேர்ந்துவிட்டனர்.மக்கள்
வரிப்பணத்தில் தொடங்கப்பட்ட அரசு கேபிள் டிவி இருக்கும் இடம் தெரியாமல்
உள்ளது. அனைத்துப் பகுதிகளுக்கும் அரசு கேபிள் டிவியை தொடங்காதது ஏன்? திருவானைக்காவில்...:
அதிமுக பொதுச் செயலர் ஜெயலலிதா போட்டியிடும் ஸ்ரீரங்கம் தொகுதிக்குள்பட்ட
திருவானைக்கா சன்னதி வீதியில் பேசிய விஜயகாந்த், இத்தொகுதி வாக்காளர்கள்
மிகவும் கொடுத்து வைத்தவர்கள். உங்களுக்கு நல்ல வேட்பாளர் கிடைத்துள்ளார்.
அவர் நிச்சயம் நல்லது செய்வார். இந்த வாய்ப்பை பயன்படுத்திக் கொள்ளுங்கள்'
என்றார். நாமக்கல்லில்...: தமிழகத்தில் திமுக தலைமையிலான ஆட்சி தொடரும் வரை ஏழை மக்கள், ஏழைகளாகவே இருப்பர் என்றார்.நாமக்கல்
சேந்தமங்கலம் தொகுதி தேமுதிக வேட்பாளர் சாந்தி ராஜமாணிக்கத்தையும்,
நாமக்கல் அதிமுக வேட்பாளர் கே.பி.பி. பாஸ்கரையும் ஆதரித்து சேந்தமங்கலம்,
புதன்சந்தை ஆகிய இடங்களில் விஜயகாந்த் வியாழக்கிழமை பிரசாரம் செய்தார்.
அப்போது அவர் பேசியது:தற்போது மாட்டுத் தீவனத்துக்கு மானியம்
தருவதாக தேர்தல் அறிக்கையில் முதல்வர் கருணாநிதி குறிப்பிட்டுள்ளார்.
கடந்த 5 ஆண்டுகளாக இந்த மானியம் அளிக்காதது ஏன்? திரைத் துறையில்
அனுபவம் மிக்கவர்களுக்கே திரைப்படங்களை தயாரிப்பது கடினமான வேலையாக
உள்ளது. ஆனால், கருணாநிதி குடும்ப உறுப்பினர்கள் பல திரைப்பட நிறுவனங்களை
தொடங்கி, ஒரே ஆண்டில் 20-க்கும் மேற்பட்ட திரைப்படங்களைத் தயாரித்து
வெளியிடுகின்றனர். இத்தனை படங்களை எடுப்பதற்கு அவர்களுக்கு பணம்
எங்கிருந்து வருகிறது என்பதை விசாரிக்க வேண்டும். இந் நிலையில், ஏழைகள்
இருக்கும் வரை இலவசம் தொடரும் என முதல்வர் தெரிவித்துள்ளார். திமுக ஆட்சி
தொடரும் வரை ஏழைகள் ஏழைகளாகவே இருப்பர் என்றார் விஜயகாந்த்.