போர்க்குற்றங்களில் இருந்து ராஜபக்ச தப்பிக்க முயற்சிக்கிறார்!- நாடுகடந்த தமிழீழ அரசின் இந்திய எம்.பி. குற்றச்சாட்டு

by **அருள்** Mon Sep 16, 2013 7:50 am

போர்க்குற்றங்களில் இருந்து ராஜபக்ச தப்பிக்க முயற்சிக்கிறார்!- நாடுகடந்த தமிழீழ அரசின் இந்திய எம்.பி. குற்றச்சாட்டு
போர்க்குற்றங்களில் இருந்து ராஜபக்ச தப்பிக்க முயற்சிக்கிறார்!- நாடுகடந்த தமிழீழ அரசின் இந்திய எம்.பி. குற்றச்சாட்டு 942754_574290452650839_1915413919_n

போர்க்குற்றங்களில் இருந்து ராஜபக்ச தப்பிக்க முயற்சிக்கிறார்!- நாடுகடந்த தமிழீழ அரசின் இந்திய எம்.பி. குற்றச்சாட்டு 942754_574290452650839_1915413919_n

பொதுநலவாய மாநாட்டை பயன்படுத்தி போர்க்குற்றங்களில் இருந்து இலங்கை ஜனாதிபதி மகிந்த ராஜபக்ச தப்பிக்க முயற்சிப்பதாக நாடுகடந்த தமிழீழ அரசாங்கத்தின் இந்தியாவுக்கான நாடாளுமன்ற உறுப்பினர் பேராசிரியர் சரஸ்வதி ராஜேந்திரன் குற்றம் சுமத்தியுள்ளார்.
தமிழகத்தின் மன்னார்குடியில் செய்தியாளர்களை சந்தித்த நாடுகடந்த தமிழீழ அரசாங்கத்தின் நாடாளுமன்ற உறுப்பினர் சரஸ்வதி மேலும் தெரிவிக்கையில்,

இலங்கை அரசாங்கம் தமிழ் மக்கள் மீது தடை செய்யப்பட்ட இரசாயன ஆயுதங்கள் மூலம் நடத்திய இனப்படுகொலையின் கோரமுகத்தை சர்வதேச நாடுகளுக்கு கொண்டு செல்லும் நோக்கத்திலும், ஈழத்தமிழர்களுக்கு ஒரே தீர்வு தனித் தமிழீழம் தான் என்ற கோரிக்கையை முன்னெடுத்து செயற்படுவதற்கும் புலம்பெயர்ந்த தமிழர்களால் 2010ம் ஆண்டு உருவாக்கப்பட்டதுதான் நாடுகடந்த தமிழீழ அரசு.

இந்த அரசை தென் சூடான் உட்பட பல்வேறு நாடுகள் அங்கீகரித்துள்ளன. இதன் பிரதமராக ருத்திரகுமரன் உள்ளார். இந்த அரசின் தலைமைச் செயலகம் அமெரிக்கா நாட்டில் நியூயோர்க் நகரத்தில் உள்ளது.

போர்க்குற்றம், இனப்படுகொலை குற்றச்சாட்டுகளுக்கு உள்ளான இலங்கை ஜனாதிபதி மகிந்த ராஜபக்ச கொழும்பு நகரத்தில் நடத்தும் பொதுநலவாய மாநாட்டில் இந்திய அரசு பங்கேற்கக்கூடாது. மேலும் பொதுநலவாய நாடுகள் அமைப்பிலிருந்து இனப்படுகொலை நாடான இலங்கையை நீக்க வேண்டும் என்று நாடு கடந்த தமிழீழ அரசு வற்புறுத்துகிறது.

அண்மையில் இலங்கைக்கு போரினால் பாதிக்கப்பட்ட தமிழ் மக்களை ஐ.நா. சார்பில் நேரில் பார்வையிட சென்ற ஐ.நா. மனித உரிமை ஆணையத்தலைவர் நவநீதம்பிள்ளையை அங்கேயிருக்கிற சில இலங்கை அமைச்சர்கள் அவரை அவமதித்துள்ளார்கள். இது வன்மையாக கண்டிக்கத்தக்கது,

நவநீதம்பிள்ளை ஐ.நா.விற்கு அளித்த அறிக்கையில், இலங்கையில் மனித உரிமைகள் தொடர்பாக எந்தவொரு முன்னேற்றமும் ஏற்படவில்லை எனவும், இலங்கை அரசாங்கம் அப்பாவித் தமிழர்களை இன்னமும் இராணுவத்தின் கண்காணிப்பில் வைத்து அச்சுறுத்துகிறது எனவும் வெளிப்படையாகவே இலங்கை அரசு மீது குற்றம் சுமத்தியுள்ளார்.

இந்த நிலையில் பொதுநலவாய மாநாட்டை பயன்படுத்தி தன் மீதான மனித உரிமை, போர்க்குற்றங்களிலிருந்து மீள்வதற்கு முயற்சிக்கும் ராஜபக்ச செயற்பாட்டை ஆதரிக்கும் வகையில் இந்திய அரசு அம்மாநாட்டில் பங்கேற்றால் அங்கு நடைபெற்ற இனப்படுகொலையை இந்தியா ஆதரித்து அங்கீகாரம் அளித்ததாகிவிடும். இச்செயல் அங்குள்ள தமிழ் மக்களுக்கு மிகுந்த அரசியல் பின்னடைவை ஏற்படுத்தும்.

மேலும் ஐ.நா.வின் நேரடிப் பார்வையில் ஈழத்தில் வாழும் தமிழர்களிடமும், புலம்பெயர்ந்து அகதிகளாக பல்வேறு நாடுகளில் வாழும் தமிழர்களிடமும், ஒரு பொது வாக்கெடுப்பை நடத்தி தமிழ் ஈழம் தனி நாடாக உருவாக முயற்சிகள் மேற்கொள்ளப்பட வேண்டும்.

இனப்படுகொலை செய்த ராஜபக்ச சர்வதேச நீதிமன்றத்தில் நிறுத்தி ஒரு சுதந்திரமான பன்னாட்டு போர் விசாரணை மூலம் உரிய தண்டனையை பெற்றுத்தர வேண்டும். இலங்கைக்கு இந்திய அரசு இரண்டு போர்க்கப்பல்களை அளிக்கவிருப்பதாக தகவல்கள் வெளியாகி உள்ளன.

அப்படி போர்க்கப்பல்களை அளித்தால் அங்குள்ள தமிழர்களுக்கு மட்டுமல்ல இங்குள்ள தமிழ் மீனவர்களுக்கும் பெரும் கேட்டை விளைவிக்கும். எனவே இந்திய அரசு தன் முடிவினை மாற்றிக்கொள்ள வேண்டுமென நாடு கடந்த தமிழீழ அரசு சார்பில் கேட்டுக்கொள்கிறேன் என்றார்.