தணிக்கைக்கு தயாரானது ப்ளாக்கர்

பதிவுலகம் முழுவதும் ஒருவித சோகம் பரவியுள்ளது. அதற்கு காரணம் கூகுள் இன்று
சத்தமில்லாமல் ப்ளாக்கர் தளங்களில் செய்த ஒரு மாற்றம் தான். அதாவது இலவச
ப்ளாக்கர் தளங்களில் உள்ள .blogspot.com என்னும் முகவரியினை சில நாடுகளில்
மட்டும் .com என்பதற்கு பதிலாக .in, .com.au என்ற முகவரிகளாக
மாற்றியுள்ளது. இந்த மாற்றத்திற்கான காரணங்களைப் பற்றியும், இதன் விளைவுகளை
பற்றியும் பார்ப்போம்.

ப்ளாக்கர் தளம் இதுவரை உலகம் முழுவதும் இலவச ப்ளாக்கர் தளங்களில் .com என்ற டொமைனை பயன்படுத்திவந்ததை மாற்றி இனி அந்தந்த நாடுகளுக்கான டொமைன்களை பயன்படுத்தும். இது Country-code top level domain எனப்படும். உதாரணத்திற்கு ஒருவர் உங்கள் ப்ளாக்கை இந்தியாவிலிருந்து பார்க்கும்போது .blogspot.in என்ற முகவரிக்கும், ஆஸ்திரேலியாவிலிருந்து பார்த்தால் .blogspot.com.au என்ற முகவரிக்கும் மாறிவிடும்.

இதுவரை (இந்தியா, ஆஸ்திரேலியா உள்பட) சில நாடுகளுக்கு மட்டும் இந்த
மாற்றத்தை கொண்டுவந்ததாக ப்ளாக்கர் தளம் கூறுகிறது. விரைவில்
அதிகமானநாடுகளில் இந்த மாற்றங்களை கொண்டுவரப்போவதாகவும் அறிவித்துள்ளது.


ஏன் இந்த திடீர் மாற்றம்?


சமீப காலமாக இணையத்தளங்களில் வரும் செய்திகளை தணிக்கை செய்ய வேண்டும் என்ற
கோரிக்கைகள் எழுவதை பார்த்திருப்போம். நமது இந்திய நீதிமன்றம் கூட கூகுள்,
பேஸ்புக், ட்விட்டர் போன்ற தளங்களை தணிக்கை செய்ய வலியுறுத்தியது. இது போல்
தணிக்கை செய்ய சொல்லி கோரிக்கை வந்தால் ப்ளாக்கர் தளங்களில் உள்ளவற்றை
எளிதாக தணிக்கை செய்வதற்காகவே இந்த மாற்றத்தைக் கொண்டுவந்துள்ளது.

இதன் மூலம் சில கருத்துக்களை நீக்குமாறு ஒரு நாடு கோரிக்கை வைத்தால் அந்த
நாடுகளில் மட்டும் அந்த கருத்துக்கள் கொண்ட பதிவுகளை/தளங்களை நீக்கிவிடும்.
மற்ற நாடுகளில் அந்தக் கருத்துக்கள் உள்ள பதிவுகள்/தளங்கள் பார்க்கும்படி
இருக்கும்.

ஆனால் கஸ்டம் டொமைங்களில் உள்ள தளங்களுக்கு இந்த மாற்றம் வராது. அதற்கான தணிக்கைப் பற்றி தெரியவில்லை.

இந்த மாற்றத்தின் மூலம் தேடுபொறிகளில் உங்கள் தளங்களின் மதிப்பு பாதிக்காது என்ரம் தெரிவித்துள்ளது.

தேடுபொறிகளில் எந்த மாற்றமும் இல்லையென்றாலும் இந்த மாற்றத்தினால்
.blogspot.com முகவரியில் இயங்கும் இலவச தளங்களுக்கு சில பாதிப்புகள்
ஏற்பட்டுள்ளன.


அலெக்ஸா மதிப்பு:


இணையதளங்களை பட்டியலிடும் அலெக்ஸா மதிப்பு இதனால் சரிந்துவிடும். அதிலும்
குறிப்பாக தமிழ் தளங்கள் உள்பட இந்திய தளங்களின் மதிப்பு வெகுவாக
குறைந்துவிடும். காரணம் .blogspot.in, .blogspot.com.au போன்ற முகவரிகளில் இயங்கும் நம்முடைய தளங்களின் மதிப்புகள் எல்லாம் நம் தளங்களின் மதிப்புகளாக கணக்கிடாமல் blogspot.in, blogspot.com.au என்ற தளங்களுக்கு சென்றுவிடும்.

நம் தளங்களுக்கு அதிக வாசகர்கள் வருவதே இந்தியாவிலிருந்து தான்.
இந்தியாவில் நம்முடைய முகவரி மாறுவதால் அலெக்ஸா மதிப்பு வெகுவாக குறையும்
என்பதில் சந்தேகமில்லை. ஒருவேளை அலெக்ஸா தளம் மாற்றம் கொண்டுவந்தால்
மாறலாம்.

தமிழ்மணம் பிரச்சனை:

இந்த மாற்றத்தினால் ஏற்படும் அடுத்த பாதிப்பு தமிழ்மணத்தில் இணைப்பதில்
ஏற்படும் பிரச்சனை. இதுவரை .com முகவரியை தமிழ்மணத்தில்
இணைத்திருப்பீர்கள். அப்படி இணைத்திருந்தால் .com அல்லாத மற்ற முகவரியில்
இருக்கும்போது ஓட்டுப்பட்டை வேலை செய்யாது. ஒருவேளை நீங்கள் தமிழ்மணத்தில்
.in. .com.au போன்ற முகவரிகளை சமர்ப்பித்தால் மற்ற நாடுகளில் ஓட்டுபட்டைகள்
வேலை செய்யாது. எப்படியிருந்தாலும் தமிழ்மணத்தில் பிரச்சனை தான்.

தமிழ்மணம் மட்டுமின்றி மற்ற திரட்டிகளிலும் இந்த பிரச்சனை உள்ளது.


Follower Gadget:


நீங்கள் Friendconnect மூலம் follower gadget வைத்திருந்தால் அதிக
நாடுகளில் இந்த gadget தெரியாது. அதனால் Blogger Layout பகுதியிலிருந்து
மட்டும் Add a Gadget மூலம் இதனை சேர்க்கவும்.
thanks:http://www.bloggernanban.com/2012/01/blogger-ready-to-censor.html