இறந்தவர்களின் உடல்களுக்கு அழகு சிகிச்சை : பிணவறை அழகு கலை நிபுணரின் சாதனைகள்

by **ஜனனி** Fri Aug 05, 2011 10:17 pm

சீனாவின்
வென்சு பிணவறை அழகு கலை நிபுணராக பணியாற்றுபவர் ஸு கங்பி. 52 வயதாகும்
இவர், விபத்தில் இறந்தவர்களின் உடல்களை அழகுபடுத்தி முன்பிருந்தது போலவே
சரிசெய்து தருகிறார்.

‘இறந்தவர்களின்
உடல்கள் இந்த உலகத்தை விட்டு போகும் போது, மிக கவுரவமாக இருக்க வேண்டும்.
அதற்காக சிதைந்த பாகங்களை சரி செய்து அவர்களின் உறவினர்களிடம்
கொடுக்கிறோம். இதனால் அவர்களுக்கு பெரும் ஆறுதல் கிடைக்கிறது’ என்கிறார்
ஸு.

இவருடைய பணியில் சவாலாக இருப்பது சிதைந்த தலை, முகம்
போன்றவற்றை சீரமைப்பதுதான். இறந்தவரின் புகைப்படத்தை வாங்கி, அதில்
இருப்பது போலவே இறந்தவரின் முகத்தை கொண்டு வருவது மிகவும் சவாலாக இருக்கும்
என்கிறார்.

அதை பற்றி கவலையில்லை. இறந்தவர்களின் உடலை சரி செய்து தருவதன் மூலம் அவர்களுடைய உறவினர்களை திருப்திப்படுத்துகிறோம்.

சிதைந்த உடல்கள் மட்டுமன்றி, உடலில் சிறு கீறல் இருந்தால் கூட அதையும் கவனமாக சரிசெய்துதான் தருவோம் என்று மனநிறைவோடு கூறுகிறார்.

ரயில் விபத்தில் இறந்த 16 வயது சிறுவனின் உடல் மிக மோசமாக சிதைந்திருந்தது. அவனது உடலை பார்க்க முடியாமல் பெற்றோர் கதறினர்.

பின்னர் அவர்களிடம் இருந்து புகைப்படம் வாங்கி, அவனுடைய உருவம் போல்
அழகுப்படுத்தி கொடுத்தோம். இதற்கு ஒரு நாள் ஆனது. அதேபோல் அழகிய
இளம்பெண்ணின் முகம் சிதைந்து இங்கு கொண்டு வரப்பட்டது.

அந்த
பெண்ணுக்கு அழகான கூந்தல் இருந்தது. அவரது உடலை மிக கவனமாக சரி செய்தோம்.
தலைமுடியை சீவி, புகைப்படத்தில் இருந்தது போல புன்சிரிப்புடன் முகத்தை
கொண்டு வந்தோம் என்று ஸு கூறினார்.

கடந்த 27 ஆண்டுகளாக உடல்களுக்கு அழகு சிகிச்சை அளித்து வரும் ஸுவின் பணியை சீனாவில் பெரிதும் பாராட்டுகின்றனர்.