இலங்கைக்கு பணிந்தது இந்தியா : மீனவர்களுக்கு மாற்று ஏற்பாடு:

ராமநாதபுரம் : இலங்கை கடற்படையின் எதிர்ப்புக்குபணிந்து, தமிழக மீனவர்களை மாற்று மாவட்டத்தில் பிழைப்பு நடத்துவதற்கானஏற்பாடுகள் செய்ய முடிவு செய்யப்பட்டுள்ளது.ராமநாதபுரம் மாவட்ட மீனவர்களின் வாழ்வாதாரம், இலங்கை கடற்பகுதியைசார்ந்துள்ளது. இதற்கு எதிர்ப்பு தெரிவிக்கும் அந்நாட்டு கடற்படையினர்,தொடர்ந்து தமிழக மீனவர்களை துன்புறுத்தி வருகின்றனர். இது தொடர்பானபல்வேறு போராட்டங்கள், எதிர்ப்புகளுக்கு பிறகும் தீர்வுகிடைக்கவில்லை.சமீப காலமாக இலங்கை கடற்படையின் தாக்குதல் அதிகரித்துவருவதால், ராமநாதபுரம் மாவட்ட மீனவர்கள் பிழைப்புக்கு வழியின்றி வீட்டில்முடங்கியுள்ளனர். இந்நிலையை போக்க வலியுறுத்தி நாளை மறுநாள் (செப்., 11),கச்சத்தீவு நோக்கி போராட்டம் செய்ய விசைப்படகு மீனவர்கள்அறிவித்திருந்தனர்.இதைத் தொடர்ந்து, அனைத்து விசைப்படகு சங்கங்களைச்சேர்ந்த மீனவர்களுடன் ராமநாதபுரம் டி.ஆர்.ஓ., ஜீவராஜ் பேச்சு வார்த்தைநடத்தினார்.
இதில் போலீஸ் மற்றும் மீன்வளத்துறை அலுவலர்களும் பங்கேற்றனர். பிரச்னைபிழைப்பு சம்பந்தமாக இருப்பதாக, தற்போது அதற்கான ஏற்பாடுகளை செய்யமீனவர்கள் தரப்பில் வலியுறுத்தப்பட்டது. புதுக்கோட்டை மாவட்டம்ஜெகதாப்பட்டினம் அருகே உள்ள பாலக்குடியில் தங்கும் தளம் அமைத்து, மீன்பிடிக்க ஏற்பாடு செய்ய அதிகாரிகள் முடிவு செய்தனர். ராமநாதபுரம் மாவட்டம்தொண்டி அருகே சந்தை கிராமத்திலும் இதே போன்ற தளம் அமைத்து உதவுமாறு,மீனவர்கள் தரப்பில் கோரிக்கை வைக்கப்பட்டது.இலங்கை வசம் உள்ள, தமிழகமீனவர்களின் படகுகளை மீட்டுத் தரவும் வலியுறுத்தப்பட்டது. இலங்கைகடற்படையின் நீண்ட நாள் தாக்குதலுக்கு பதிலடி கொடுக்க முடியாமல்,அவர்களுக்கு பணிந்து, இங்குள்ள மீனவர்களுக்கு மாற்று மாவட்டத்தில்பிழைப்புக்கு வழி தேட அதிகாரிகள் முன்வந்தது வேதனை.

இந்த வேதனைக்குரிய செய்தியை படித்த போது, நான் கண்ட இன்னொரு காட்சி என் நினைவுக்கு வருகிறது. சமீபத்தில் எனது விடுமுறையின் போது இந்த மீனவர்களை நேரில் சந்திக்கும் வாய்ப்பு கிடைத்தது. உண்மையில் நம் ஊடகங்களில் வருவது போன்று அவர்களின் நிலைமை மிக சாதாரணமாக தெரியவில்லை. ஒவ்வொருவரின் கண்களிலும்,மனங்களிலும் இரத்தக் கண்ணீரையே பார்த்தேன். இவ்வளவு வேதனையிலும் எப்படி இவர்களால் சிரித்து வாழ முடிகிறது என்ற கேள்வியே என்னுள் எழுந்தது. நான் அழுது கொண்டே சிரிக்கிறேன்..., என்ற பாடலே மனத்தில் வந்தது. நம் மீனவர்களினதும்,ஈழத் தமிழர்களின் வேதனையும்,கண்ணீரும் என்று தணியுமோ?