முப்பரிமாண சலனச்சித்திரம் அமைக்கலாம். (Screensaver)

இப்போதெல்லாம்
புகைப்படங்கள் எடுப்பதற்கு தனித்திறமை வேண்டும் எனும் நிலைமை டிஜிட்டல்
புகைப்படக்கருவிகள் வந்ததன் பின்னர் இல்லாமல் போய் விட்டது. ஆளுக்கொரு
கையில் விதவிதமான புகைப்படக்கருவிகளை வைத்துக்கொண்டு படங்களை
சுட்டுத்தள்ளுகிறோம். விழாக்கள் சுற்றுலாக்கள் மற்றும் இன்னோரன்ன
தேவைகளிற்கு புகைப்படக்கருவி இல்லாமலா?. இப்படியாக எடுத்து தள்ளிய
புகைப்படங்களை எவ்வாறு அழகாக தொகுக்கலாம்.?. ஒரு ஸ்லைட்ஷோவாக, ஒரு
வெப்கலரியாக எப்படி வேண்டுமானாலும் விருப்பத்திற்கேற்றவாறு தொகுக்கலாம்.
அதே புகைப்படங்களை வைத்து எமது கணணிக்கு ஒரு அழகான முப்பரிமாண
சலனச்சித்திரம் (screen saver) அமைத்து பார்த்தால் எப்படியிருக்கும்?.
இதற்கான வசதியை வழங்குகின்றது இம்மென்பொருள். Photo! 3D Album என்பது
இதன் பெயர். பெயரில் கிளிக்கி அதை தரவிறக்கி கொள்ளுங்கள். தரவிறக்கி
நிறுவிய பின்னர் திறந்ததும் அதன் முகப்பு பக்கம் இவ்வாறு காட்சியளிக்கும்.


இதில்
Start your work எனும் வசனப்பெட்டியில் creat new gallary என்பதை தெரிவு
செய்து ok பொத்தானை அழுத்துங்கள். அடுத்ததாக இன்னொரு வசனப்பெட்டி Choose
gallary என்பதாக இருக்கும். அதில் உங்களுக்கு விருப்பமானதை தெரிவு
செய்யுங்கள். நான் அதில் Art gallary என்பதை தெரிவு செய்துள்ளேன்.



இப்போது
பெரிய சாளரத்தில் விசாலமான பகுதியில் ஒரு முப்பரிமாண கட்டடம் தெரியும்.
அதில் மௌஸ் ஐ வைத்து கிளிக் செய்து கொண்டே இடம் வலமாக அசைத்துப்பாருங்கள்.
கூகிள் 3D வரைபடத்தில் மௌஸ் ஐ வைத்து எப்படி இயக்குவீர்களோ அதே போல் தான்
இதுவும். அதே கட்டடத்தில் சுவர்களில் படங்கள் வைப்பதற்கான சட்டங்களும்
தெரியும்.



இனி
அச்சட்டங்களில் எமது படங்களை பொருத்த வேண்டும். சாளரத்தின் இடது
பக்கத்தில் தெரியும் டிரைவில் படங்கள் உள்ள பகுதியை தெரிவு செய்ய,
படங்களிற்கு பெயர் இருப்பின் பெயர் அல்லது எழுத்துக்கள் கீழே உள்ள
கட்டத்தில் தெரியும்.


அதில் என்னுடைய படம் ஒன்றை தெரிவு செய்ய, அதே படம் கீழே உள்ள சிறிய சாளரத்தில் தெரிவதையும் பார்க்கலாம்.


இனி
நான் இந்த படத்தை மௌஸ் ஆல் கிளிக் பண்ணி இழுத்துக்கொண்டே போய், அருகில்
தெரியும் முப்பரிமாண கட்டடத்தில் உள்ள படம் வைக்கும் சட்டத்தில் வைத்து
விடுகிறேன்.



இவ்வாறு வைத்தது படம் 06 சாளரம் கீழே உள்ளவாறு மாறியிருக்கும்.


இதில்
உள்ள அமைவுகளில் வேண்டிய மாற்றங்களை செய்து கொள்ளலாம். இதில் நான் ஒவ்வொரு
படங்களையும் கொண்டு போய் வைத்தவுடன் இவ்விண்டோவில் Adapt என்பதை தெரிவு
செய்கிறேன். அவ்வாறு செய்தவுடன் படங்களின் அளவிற்கு ஏற்றவாறு சட்டங்கள்
கச்சிதமாக பொருந்தி விடுகின்றன.


சரி
சகல படங்களையும் வைத்து முடிந்ததா? அப்படியானால் இனி முன்னோட்டம் பார்க்க
வேண்டியது தான். இதற்கு சாளரத்தின் மேல் வரிசையில் உள்ள Preview பொத்தானை
அழுத்துங்கள்.


அழுத்தியதும்
வரும் Save as வசனப்பெட்டியில் விரும்பிய இடத்தில் சேமித்த பின்னர்
தானாகவே உங்கள் படங்கள் அடங்கிய முப்பரிமாண காட்சி இயங்க ஆரம்பிக்கும்.
எல்லாம் சரி இதை எவ்வாறு நண்பர்களுடன் பகிர்ந்து கொள்வது? சாளரத்தின் மேல்
பகுதியில் Preview பொத்தான் அருகில் உள்ள Share பொத்தானை அழுத்துங்கள்.


இதில் web gallery in shockwave format என்பதை தெரிவு செய்து சேமித்தால், pho.to இணையப்பக்கத்தில் ஒரு கணக்கு ஆரம்பிப்பதன் மூலம் அதில் சேமித்து வைத்து நண்பர்களுடன் பகிர்ந்து கொள்ளலாம்.
Stand
alone gallery என்பதை தெரிவு செய்து சேமித்தால், ஒரு மென்பொருளை இரட்டை
சொடுக்கு செய்து திறப்பதை போல் திறந்து பயன்படுத்தலாம். கணணியில்
ஸ்க்ரீன்சேவர் ஆக பயன்படுத்துவதாயின் Installable gallery என்பதை தெரிவு
செய்து சேமிக்கலாம். பயன்படுத்தி பார்த்து கூறுங்கள்.

பகிர்வுக்கு நன்றி. பயன்படுத்தி பார்த்த பின் பின்னூட்டம் இடுகின்றேன்.