விரோதிகளுக்கு மன்னிப்பு; துரோகிகளுக்கு இல்லை

விரோதிகளுக்கு மன்னிப்பு; துரோகிகளுக்கு இல்லை

மன்னிப்பு

குன்னூர்: ”மக்களுக்கு நல்லது செய்வேன்,” என, சட்ட சபை தேர்தலுக்காக பிரசாரம் செய்து வரும், தே.மு.தி.க., தலைவர் விஜயகாந்த், நேற்று, ”திருமண மண்டபத்தை இடித்து, கருணாநிதி தற்போது கட்சியை உடைத்து கொண்டிருக்கிறார். விரோதிகளுக்கு மன்னிப்பு உண்டு. ஆனால், துரோகிகளுக்கு மன்னிப்பு கிடையாது,” என, தன் நலன் சார்ந்த பேச்சு பேசினார்.
தே.மு.தி.க., மற்றும் மக்கள் நலக்கூட்டணி வேட்பாளர்கள் அறிமுக கூட்டம், குன்னூரில் நேற்று நடந்தது. அப்போது, விஜயகாந்த் பேசியதாவது:

என் பேச்சை கேட்க, இவ்வளவு மக்கள் இருக்கின்றனர்; கை தட்டுகின்றனர். மேடை மேலே ஏறி வருகிறேன். வரும் போது, ‘புல்’லா டிராபிக்கா இருக்கு. ஏன், இவ்வளவு டிராபிக் இருக்குன்னு கேட்டேன். எல்லாம் ஒரு வழிப்பாதை, ஒருவழிப்பாதை என்கின்றனர்.
‘இரண்டு வழிப்பாதையாக ஆக்கக் கூடாதா?’ என, நான் கேட்டேன். ‘நிச்சயமா ஆக்கணும்ல…’ன்னு சொன்னேன். குன்னூரோ, ஊட்டியோ, இவ்ளோ பெரிய சிட்டிய வைச்சுக்கிட்டு, ஒருவழிப்பாதையா வைச்சிட்டிருந்தா, எப்படி சமாளிக்க முடியும்?
அதே மாதிரி, இங்கு விலை வீழ்ச்சி ஏற்பட்ட தேயிலைக்கு, விலை கொடுத்துட்டாங்களா தெரியல. நான் என்றால், நான் கிடையாது; ஐவர்(தே.மு.தி.க., – இ.கம்யூ., – மார்க்.கம்யூ., – வி.சி., – ம.தி.மு.க., – த.மா.கா., என, ஆறு கட்சி கூட்டணி இருக்கையில், இவர் ஐவர் என, நினைவில்லாமல் கூறினார்) கூட்டணி. தேயிலைக்கு விலை கொடுக்க, நாங்கள் நடவடிக்கை எடுப்போம்.
தற்போது, கூட்டத்திற்கு வந்த என்னிடம், கட்சியினர், ‘லிஸ்ட்’ கொடுத்திருக்காங்க. அதில், சிலது பார்த்து படிக்க வேண்டும்; அத படிக்காமலும் இருக்கலாம். அடுத்து, இங்குள்ள

மன்னிப்பு

மலையாள மக்கள் கஷ்டப்படறாங்க; அவங்களுக்கு ஜாதி சான்று வழங்க வேண்டும். அன்னைக்கு பார்த்த அதே ஊட்டி, குன்னூரு தான், இன்னைக்கும் இருக்கு. இங்கு மாற்றத்தை ஏற்படுத்தணும். ஓட்டுக்கு, 500 கொடுக்கிறாங்கன்னு நீங்கள் மாறிடாதீங்க.
விஜயகாந்த் பேசறது புரியலன்னு சொல்றாங்க சிலரு. அதனால் தான், ‘மைக்’ பக்கத்துல இருந்து பேசறேன். நான், ‘கிங்’ ஆக இருந்தால் நீங்களும், ‘கிங்’ தான்.
மெதுவாக பேசினால், மெதுவாக பேசினார் என்கின்றனர். சிரிச்சிட்டு பேசுனா, சிரிச்சிட்டு பேசுறீங்கன்றீங்க; கோபமா பேசினா, கோபக்காரன்னு சொல்றீங்க.
வாழ்க்கையில யார் மீதாவது நம்பிக்கை வைக்கணும். 25 (50 ஆண்டு காலமாய், இரு கட்சிகளும், மாறி மாறி ஆட்சி செய்து வரும் நிலையில், இந்த தகவலையும் தவறாகச் சொன்னார்) வருஷமா மாறி மாறி, தி.மு.க., – அ.தி.முக., மீது நம்பிக்கை வைச்சீங்க; ஏமாந்து தானே இருந்தீங்க. ஏமாற்றி ஏமாற்றி, படிப்படியாக மதுவிலக்குக்கு குறைக்கிறாங்களாம். யாருக்கோ ஒருத்தருக்கு, ஓட்டுதானே போட்டாகணும். வாழ்க்கையில யார் மீதாவது நம்பிக்கை வைக்கணும்.
ரேஷன் பொருள் வரும்னு சொன்னேன். ‘ஈசி’யா புரியும்படி சொல்றேன்… பால் பாக்கெட், நியூஸ் பேப்பர் வருதுல்ல, அதே போல இதுவும் குடுப்பாங்க.
நாங்க ஆட்சிக்கு வந்தா, ஸ்கூல் குழந்தைகளுக்கு காலையில சத்துணவு, முட்டை, சத்துணவு மாவு, கொண்டைக் கடலை, பிரட் டோஸ்ட் பண்ணி தரோம். நீலகிரி, மலைகளின் இளவரசி இல்லை; இது மக்களின் கோட்டை. இதுவரை, கருணாநிதி, ஜெயலலிதா ஆகியோர், நாட்டு மக்களை ஏமாற்றி விட்டனர்.

Advertisement

நீலகிரி இப்படி இருக்கும் போது, ‘உங்களுக்காக நான், உங்களுக்காகவே நான்; மக்களுக்காக நான், மக்களுக்காகவே நான்’ என, சொல்லிக் கொண்டிருக்கின்றனர். ‘நீங்கள் கோடநாட்டை, மக்களுக்கு எழுதி கொடுத்து விடுவீர்களா?’ என, கேட்கிறேன்.
இவங்களுக்குன்னு சில பத்திரிகைகள் இருக்கு. சூட்கேஸ் குடுப்பாங்க. ‘என்னைப் பத்தி சூப்பரா எழுது’ன்னு சொல்லி, சூட்கேஸ் குடுப்பாங்க. ஒவ்வொரு கட்சிக்கும், பத்திரிகை, ‘டிவி’ என இருக்கிறது. ‘தினமலர்’ நாளிதழில் எழுதுறாங்க. ‘காலைக்கதிர்’ இங்கு வருகிறதா? ஏன்? கோயமுத்தூரோட நிக்குது
(தவறான தகவல்). ஏன்னா, அவங்க அண்ணன், தம்பிக்குள் ஒற்றுமையில்லை. அவங்களுக்குள்ளேயே ஒற்றுமை இல்லாதபோது, எங்க ஒற்றுமையைப் பத்தி, அவங்க என்ன பேசுறது?
கருணாநிதி, ‘தினமலர்’ ரமேஷை, ‘உள்ளே’ வைத்திருந்தால் இந்த பிரச்னை இல்லை. ஒரு பெண் விவகாரத்துல சிக்கினாருல்ல... (பொய் புகார் என்பது கூடத் தெரியாமல் பேசினார்) அப்பவே, ‘உள்ளே’ போட்டிருந்தா, இவ்ளோ பிரச்னை வந்திருக்காது.
என்னிடம் பேட்டி எடுக்க, அப்போது, ‘தினமலர்’ பத்திரிகையில் வேலை பார்த்த, (தற்போது, ‘தந்தி டிவி’யில் வேலை பார்க்கிறார்) ரங்கராஜ் பாண்டே வந்தார்; நல்ல மனுஷனா இருந்தார். அவரின் சில கேள்விகள் நல்லா இருக்கும். எல்லா பேப்பரிலும், முதலாளிகளின் ஆதிக்கம் தான். ‘கேப்டன் டிவி’ சார்ந்தது நான் தான்.
திருமண மண்டபத்தை இடித்து, கருணாநிதி தற்போது கட்சியை உடைத்து கொண்டிருக்கிறார்.
விரோதிகளுக்கு மன்னிப்பு உண்டு; ஆனால், துரோகிகளுக்கு மன்னிப்பு கிடையாது.
இவ்வாறு விஜயகாந்த் பேசினார்.
மன்னிப்பு,
மன்னிப்பு கவிதை,
மன்னிப்பு கடிதம்,
மன்னிப்பு பற்றி இஸ்லாம்,
மன்னிப்பு பற்றிய கதைகள்,
மன்னிப்பு கதைகள்,
மன்னிப்பு குறள்,
மன்னிப்பு கவிதைகள்,
மன்னிப்பு காதல் கவிதை,
மன்னிப்பு கதை,