ஆந்திராவில் வெடித்தது வன்முறை: ராஜசேகர ரெட்டி மகன் ஜெகன் கைது

by **ஜனனி** Sat May 29, 2010 7:22 am

காங்கிரஸ் மேலிடம்
வலியுறுத்தியும் கேட்காமல், ஆந்திர முன்னாள் முதல்வர் ராஜசேகர ரெட்டியின்
மகனும், எம்.பி.,யுமான ஜெகன்மோகன் ரெட்டி நேற்று யாத்திரை துவக்கியதால்,
பெரிய அளவில் வன்முறை வெடித்தது.

ஜெகன் மோகன் ரெட்டியின்
ஆதரவாளர்களும், தெலுங் கானா ராஷ்டிரிய சமிதியைச் சேர்ந்தவர்களும் மோதிக்
கொண்டனர். இதனால், முன்னெச்சரிக்கை நடவடிக்கையாக ஜெகனை, போலீசார் கைது
செய்தனர். துப்பாக்கிச் சூடு மற்றும் வன்முறையில் ஒருவர் இறந்தார்; 15
பேர் காயம் அடைந்தனர். ஆந்திர முதல்வராக இருந்த ராஜசேகர ரெட்டி, கடந்த
ஆண்டு நடந்த ஹெலிகாப்டர் விபத்தில் பலியானார். அப்போது இந்தச் செய்தியை
கேட்டதும் அதிர்ச்சியில் பலர் இறந்தனர்; சிலர் தற்கொலை செய்து கொண்டனர்.
இப்படி உயிரை மாய்த்துக் கொண்டவர்களின் குடும்பத் திற்கு ஆறுதல்
கூறுவதற்காக, தெலுங்கானா பகுதியில் ஆறு நாள், "ஆறுதல் யாத்திரை' மேற்
கொள்ளப் போவதாக, ராஜசேகர ரெட்டியின் மகனும், காங்கிரஸ் எம்.பி.,யுமான
ஜெகன்மோகன் ரெட்டி அறிவித்தார். ஆனால், "இந்த யாத்திரையை ஜெகன்மோகன்
ரெட்டி மேற்கொள்ளக் கூடாது, அதை தள்ளி வைக்க வேண்டும்' என காங்கிரஸ்
மேலிடம் கேட்டுக் கொண்டது. இதை, ஆந்திர மாநில காங்கிரஸ் விவகாரங்களைக்
கவனிக்கும் மத்திய சட்ட அமைச்சர் வீரப்ப மொய்லியே ஜெகனிடம் தெரிவித்தார்.
அத்துடன், இந்தப் பிரச்னை தொடர்பாக விவாதிக்க உயர் மட்டக் கூட்டம் ஒன்றை
நடத் திய ஆந்திர முதல்வர் ரோசய் யா, ஆந்திர அமைச்சர்கள் இருவரை நேற்று
முன்தினம் இரவு ஜெகன்மோகன் ரெட்டியின் வீட்டிற்கு அனுப்பினார்.
"யாத்திரையை தள்ளி வைக்க வேண்டும்' என, ஜெகனிடம் அவர்கள் கேட்டுக்
கொண்டனர். அதை ஏற்க ஜெகன் மறுத்துவிட்டார்.

அறிவித்தபடி, ஐதராபாத்தில்
இருந்து இன்டர்சிட்டி எக்ஸ்பிரஸ் ரயிலில், நேற்று காலை வாரங்கல்
மாவட்டத்தில் உள்ள மெகபூபாபாத் நகரத்திற்கு புறப்பட்டுச் சென்றார்.
அங்கிருந்து தான் 72 கிராமங்களுக்கு, "ஆறுதல் யாத்திரை' மேற் கொள்ளத்
திட்டமிட்டிருந்தார். ஆனால், ஜெகனின் யாத்திரைக்கு கடும் எதிர்ப்பு
தெரிவித்த தெலுங்கானா ராஷ்டிரிய சமிதி கட்சியினர், ஜெகன் போகும்
வழியெங்கும் போராட்டம் நடத்தவும், அவரை தெலுங்கானா மண்ணில் கால் வைக்க
விடாமல் தடுக்கவும் திட்டமிட்டிருந்தனர்.

கல் வீச்சு, ரகளை:
காங்கிரஸ் எம்.பி., ஜெகன், மெகபூபாபாத் நகர் வரும் போது எதிர்ப்பைத்
தெரிவிக்க, அங்குள்ள ரயில் நிலையம் முன், தெலுங்கானா ராஷ்டிரிய சமிதி
கட்சியினரும், உஸ்மானியா மாணவர் சங்கத்தின் கூட்டு செயல் குழுவைச்
சேர்ந்தவர்களும், இதர பல அமைப்புகளைச் சேர்ந்தவர்களும் குவிந்தனர்.
அதேபோல், ஜெகன் ஆதரவாளர்களும் குவிந்தனர். இதனால், இரு தரப்பினருக்கும்
இடையே மோதல் உருவானது; கல் வீச்சிலும் ஈடுபட்டனர். போலீசார் மீதும் கற்கள்
வீசப் பட்டன. மெகபூபாபாத் ரயில் நிலையத்தை, தெலுங்கானா ஆதரவாளர்கள்
சூறையாடினர். காங்கிரஸ் எம்.எல்.ஏ.,வும், ஜெகன்மோகன் ரெட்டியின் தீவிர
ஆதரவாளருமான சுரேகா, மற்றொரு எம்.எல்.ஏ., கவிதா மீதும் அவர்கள் கல்
வீசினர். இதில், கவிதாவுக்கு லேசான காயம் ஏற்பட்டது. சுரேகாவிற்கு எந்தப்
பாதிப்பும் ஏற்படவில்லை. உடன், இருவரின் தனி பாதுகாப்பு அதிகாரிகளும்
அவர்களை பாதுகாப்பான இடத்திற்கு கொண்டு சென்றனர். அத்துடன் போராட்டக்காரர்
களை கலைக்க ஒன்பது ரவுண்டுகள் சுட்டனர். கூட்டத்தினரை கட்டுப்படுத்த
போலீசாரும் ரப்பர் புல்லட்களால் சுட்டனர்; கண்ணீர் புகை குண்டுகளையும்
வீசினர். இதனால், கல் வீச்சில் எட்டு போலீசாரும், போலீசாரின் துப்பாக்கிச்
சூட்டில் போராட்டக்காரர்கள் எட்டு பேரும் காயம் அடைந்தனர்.

நிலைமை பதட்டமாகவே, சுரேகா
எம்.எல்.ஏ., பத்திரிகையாளர்கள் முன்னிலையில் தூக்க மாத்திரைகளை
சாப்பிட்டு, தற்கொலை செய்ய முற்பட்டார். உடனே அவரை தடுத்து நிறுத்திய
போலீசார், மருத்துவமனைக்கு கொண்டு சென்றனர். அத்துடன் ஜெகன்மோகன் ரெட்டி,
யாத்திரையை தொடர தடை விதித்த போலீசார், முன் னெச்சரிக்கை நடவடிக்கையாக
அவரை நலகொண்டா மாவட்டம் வாங்கிப்பள்ளி ரயில் நிலையத்திலேயே கைது செய்து,
ஐதராபாத் கொண்டு வந்தனர். ""சூழ்நிலை மோசமாக இருப்பதால், ஜெகன் மோகன் தன்
யாத்திரை தொடர்வது சரியாக இருக்காது. சட்டம் ஒழுங்கு பிரச்னை வராமல்
இருக்கவே அவரை கைது செய்துள்ளோம்,'' என, ஆந்திர உள்துறை அமைச்சர் சபீதா
ரெட்டி கூறினார். ஜெகன்மோகன் செல்லும் வழி நெடுகிலும், தெலுங்கானா தனி
மாநில கோரிக்கை ஆதரவாளர்கள் போராட்டத்தில் ஈடுபட்டனர். இருந்தாலும்,
மெகபூபாபாத் ரயில் நிலையம் தான் போர்க்களம் போல மாறியது.

"பந்த்'திற்கு அழைப்பு:
"வாரங்கல் மாவட்டத்தில் வன்முறை நிகழ, ஜெகன்மோகன் ரெட்டியே காரணம்.
அதனால், வன்முறைக்கு எதிர்ப்பு தெரிவித்து, வாரங்கல் பிராந்தியத்தில்
இன்று "பந்த்' நடத்தப்படும்' என, தெலுங்கானா கூட்டு நடவடிக்கை குழுவின்
அமைப்பாளர் கோதண்டராம் கூறியுள்ளார். அவர் மேலும் கூறுகையில், ""மாநில
அரசு முன்பே நடவடிக்கை எடுத்திருந்தால், வன்முறை நிகழ்ந்திருக்காது.
மெகபூபாபாத்தில் நிகழ்ந்த சம்பவங்களுக்கு ஜெகனும், எம்.எம்.சி., கொண்ட
முரளியுமே காரணம்,'' என்றார்.