ஒரே ஒரு தோல்வி...இப்படி கலாய்க்கிறீங்களேம்மா...!'

by **மாலதி** Fri Mar 27, 2015 12:26 pm

நடப்பு உலகக் கோப்பைத் தொடரில் இந்திய அணி 7 போட்டிகளில் விளையாடி, 7லும் வெற்றி பெற்று அபார சாதனை படைத்திருந்தது. ஆஸ்திரேலிய அணிக்கு எதிரான தொடர், முத்தரப்புத் தொடர்களில் இந்திய அணி படுதோல்வியை சந்தித்த காரணத்தினால் உலகக் கோப்பை போட்டியில் லீக் சுற்றை தாண்டுவதே இந்திய அணிக்கு பெரிய விஷயமாக ஆரம்பத்தில் கருதப்பட்டது.

ஒரே ஒரு தோல்வி...இப்படி கலாய்க்கிறீங்களேம்மா...!' World%20cup

ஆனால் பாகிஸ்தானுக்கு எதிராக இந்திய அணி கண்ட வெற்றி, இந்திய ரசிகர்களுக்கு ஒரு உத்வேகத்தை அளித்தது. அடுத்து தென்ஆப்ரிக்க அணியை வென்றபோது இந்திய அணி பழைய பார்முக்கு திரும்பி விட்டதாக பார்க்கப்பட்டது. தொடர்ந்து கத்துக்குட்டிகளையும் இந்தியா துவம்சம் செய்தது. காலிறுதியில் வங்கதேசத்தை எளிதாக வீழ்த்தியது. தொடர்ச்சியாக பெற்ற வெற்றிகளையடுத்து, இந்திய அணிக்குதான் கோப்பை என்றே ரசிகர்கள் முடிவு செய்தனர்.இதனால் கோப்பையை திருப்பித் தரமாட்டோம் என்றெல்லாம் விளம்பரங்கள் வெளிவந்தன.

ஒரே ஒரு தோல்வி...இப்படி கலாய்க்கிறீங்களேம்மா...!' Koli%281%29

ஒரே ஒரு தோல்வி...இப்படி கலாய்க்கிறீங்களேம்மா...!' Koli%281%29

ஆனால் இடையில் நந்தி போல ஆஸ்திரேலிய இருந்தது. இந்திய வீரர்களின் பார்முக்கு முன்னால் ஆஸ்திரேலிய அணி எல்லாம் ஒன்றுமே இல்லை. எளிதாக அடித்து விடலாம் என்பது ரசிகர்களின் நம்பிக்கை.

அதற்கேற்றார்போல் வலைதளங்களில், 'சட்டையில் கொஞ்சம் பச்சை நிறம் இருந்தாலும் அடிப்போம்!' னுலாம் ஸ்டேட்டஸ் போட்டு ரசிகர்கள் கலாய்த்துக் கொண்டிருந்தனர்.

ஆனால் அரையிறுதியில் இந்திய அணியை, ஆஸ்திரேலிய அணி விரட்டியடிக்க, இப்போது அதே வலைதளத்தில் இந்திய அணியை கலாய்க்கும் வேலையில் ரசிகர்கள் இறங்கியுள்ளனர்.

இந்திய அணியின் கேப்டன் தோனியை வடிவேலுவை போல சித்தரித்து ஒரு படம் ஃபேஸ்புக்கில் வலம் வருகிறது. சிம்பு நடித்த 'கோயில்' படத்தில், வடிவேலு கடையில் போய் கப் வாங்கி, அதில் தனது பெயரை பொறிப்பது போல தோனியை சித்தரித்து வெளியிட்டுள்ளனர்.

விராட் கோலியை, கோழி போல அப்படியே அடுப்பில் வைப்பது போல மற்றொரு படம் சமூக வலைத்தளங்களில் பகிரப்பட்டுள்ளது.

ஒரே நாள்ள மாறிட்டங்கப்பா... இந்த ரசிகர்கள்!