இப்படியும் நடக்குமா? நடக்க முடியாத நடக்கக் கூடாத உலக செய்தித் தலைப்புகள்.

by **sakthy** Mon Nov 03, 2014 5:19 pm

இப்படியும் நடக்குமா? நடக்க முடியாத நடக்கக் கூடாத செய்தித் தலைப்புகள்.

நைஜீரியாவில் சிபோக் நகரில் கடந்த ஏப்ரல் மாதம் பள்ளிக்கூட மாணவிகளை போகோ ஹரம் தீவிரவாதிகள் கடத்திச்சென்றனர். இதில் சிலர் தப்பி வந்த நிலையில் தற்போது 219 மாணவிகள் தீவிரவாதிகளின் பிடியில் சிக்கி உள்ளனர்.

இந்நிலையில் அவர்களை மதம் மாற்றி திருமணம் செய்து கொண்டதாக தீவிரவாதக் குழு அறிவித்துள்ளது.
…..
கொங்கோவில் தீவிரவாதி என சந்தேகப்பட்ட நபர் ஒருவரை பொதுமக்கள் சேர்ந்து அடித்து கொன்றதுடன், சமைத்து சாப்பிட்டுள்ள சம்பவம் அதிர்வலைகளை ஏற்படுத்தியுள்ளது.

ஆப்ரிக்காவின் கொங்கோ நாட்டில் உள்ள கம்பியா சூ(Gambiya shu) என்ற கிராமத்தில் ‘எ.டி.எப்.’ (ADF)என்ற அமைப்பை சேர்ந்த தீவிரவாதிகள் மக்களை கொன்று குவித்து வருகின்றனர்.

இந்நிலையில் நேற்று பெனி(Beni) நகரில் பேருந்தில் பயணித்த பொதுமக்கள், அவர்களுடன் பயணித்த நபர் ஒருவரின் மீது சந்தேகமடைந்து,விசாரணை செய்து உறுதிப் படித்தியதுடன் மக்கள் முன்னிலையில் கொன்று உணவாக்கிக் கொண்டனர்.
…......
தாலிபான் தாக்கியதால் மலாலாவிற்கு நோபெல் பரிசு. சிங்களம் தாக்கி தொடர்ந்து சித்திரவதைப்படும் விபூசிகாவுக்கு குருபரன் னை இந்த உலகம் என்ன நாமும் கண்டு கொள்ளவில்லையே!.
…...........
தொழில்நுட்பத்தை ஆரோக்கியமாகப் பயன்படுத்துவதற்கான சேவை’ அமைப்பான ஷட் க்ளினிக் (SHUT) தகவல் தொழில்நுட்பத்துக்கு அடிமையானோருக்குச் சிகிச்சை செய்யும் மையத்தை பெங்களூருவில் தொடங்கியுள்ளது. இணையதளம் மற்றும் குறுஞ்செய்திப் பழக்கத்திற்கு வளரிளம் பருவத்தினர் அடிமையாவதாக இந்த அமைப்பு கூறுகிறது.

கணினி,கைப்பேசியை தினமும் அதிக நேரம் பயன்படுத்துவதால் மன நோய்க்குள்ளாகி வருவது கண்டறியப்பட்டுள்ளது. இதி சாதாரண மக்கள் மட்டுமல்ல IT தொழில் நுட்பத்துறையினரும் அடங்குகிறார்கள். உலகின் சில நாடுகளில் இதற்காக மருத்துவ மனைகள் திறக்கப்பட்டுள்ளன. தற்போது இந்தியாவில் பெங்களூருவிலும் திறக்கப்பட்டுள்ளது.
….....
உலக சைவ உணவாளர் தினத்தையொட்டி லண்டனில் பீட்டா ஆர்வலர்கள் நிர்வாணமாக போராட்டம் நடத்தினர். நவம்பர் மாதம் 1ம் தேதி உலக சைவ உணவாளர் தினமாக ஆண்டுதோறும் கொண்டாடப்படுகிறது.
இப்படியும் நடக்குமா? நடக்க முடியாத நடக்கக் கூடாத உலக செய்தித் தலைப்புகள். 33z2wxu

இப்படியும் நடக்குமா? நடக்க முடியாத நடக்கக் கூடாத உலக செய்தித் தலைப்புகள். 33z2wxu

….........
கட்டாயக் கல்யாணம்.பெண்ணின் உறவினர் ஏறி உட்கார்ந்து இருக்க கதறக் கதற தாலி கட்டிய ஆண். ??

…..............
கொச்சியில் நேற்று நடந்த முத்தப் போராட்டத்தில் கலந்து கொள்ள வந்த 50க்கும் மேற்பட்டோரை காவல் துறையினர் கைது செய்தனர். போராட்டத்தை தடுக்க வந்த சிவசேனா உள்பட பல்வேறு இயக்கத்தினரை காவல் துறையினர் தடியடி நடத்தியும், மிளகு ஸ்பிரே அடித்தும் விரட்டினர்.
…..............
இந்தியா பாகிஸ்தான் எல்லையான வாகா அருகே தற்கொலைப் படையினர் திடீர் தாக்குதல் நடத்தியதில் 52 பேர் பலியாயினர், மேலும் 75 பேர் படுகாயம் அடைந்துள்ளனர். -
---------- கண்டனம் தெரிவித்த இலங்கை.???
…...............
100 ஆண்டுகளுக்கு முன்பு தென் ஆப்பிரிக்காவில் நிறவெறிக் கொள்கையை எதிர்த்து மகாத்மா காந்தியடிகளுடன் இணைந்து தீவிர போராட்டத்தில் ஈடுபட்டவர், தமிழகத்தைச் சேர்ந்த தில்லையாடி வள்ளியம்மை ஆவார்.

16 வயதில் கறுப்பர் இன மக்களின் உரிமைகளுக்காக குரல் கொடுத்த வள்ளியம்மை 1914–ம் ஆண்டு சிறையில் அடைக்கப்பட்டிருந்தபோது நிமோனியா காய்ச்சலுக்கு பலியானார்.

அவருடைய தியாகச் செயலைப் பாராட்டி இந்திய வம்சாவளியினர் அதிகம் வசிக்கும் லெனாசியா நகரில் 5 வாரங்களுக்கு முன்பு லெனாசியா நகர தமிழர் கூட்டமைப்பின் சார்பில் வள்ளியம்மையின் மார்பளவுச் சிலை ஒன்று நிறுவப்பட்டது.

இந்த சிலையை நேற்று பள்ளிச் சீருடை அணிந்து வந்த சிலர் இரும்பு கம்பியால் அடித்து நொறுக்கி சேதப்படுத்தினர்.
இதில் அந்தச் சிலை முற்றிலுமாக சேதமடைந்தது. இந்த சம்பவத்துக்கு லெனாசியா நகர தமிழர் கூட்டமைப்பு கடும் கண்டனம் தெரிவித்து உள்ளது.