இன்றைக்கு இப்படம் கடைசி... ‘ஆர்க்குட்’!

இன்றைக்கு இப்படம் கடைசி... ‘ஆர்க்குட்’!

பத்து வருஷத்துக்கு முன்னாடி 2004-ல ஜனவரி மாதம் 24-ம் தேதி கூகுளால் ஆரம்பிக்கப்பட்ட இந்த ஆர்க்குட்டுக்கு இன்னிக்கு மூடுவிழா!
துருக்கி நாட்டைச் சேர்ந்த ஆர்க்குட் பய்யோக்கோக்டென் என்ற சாஃப்ட்வேர் இன்ஜினீயர் கண்டுபிடிச்ச இந்த சமூகவலைதளம் நம்ம இந்தியர்களோட வாழ்க்கைல உண்டாக்குன பாதிப்பு கொஞ்சமா நஞ்சமா? 2006-ல உச்சத்துல இருந்த ஆர்க்குட் நம்ம வாழ்க்கையோட எப்படில்லாம் பின்னிப்பிணைஞ்சு இருந்துச்சுன்னு கொஞ்சம் கொசுவத்தியை சுத்தவிட்டு பார்ப்போமா?

* Fans, Friends, Scraps, Testimonials, Communities- இந்த வார்த்தைகள்லாம் தானே அப்போ நம்மளோட மைண்ட் பூரா ஆக்கிரமிச்சுக் கிடக்கும்!
* ஒரு நாளைக்கு 2 கிலோ மீட்டர் நீளத்துக்கு ஒவ்வொரு பொண்ணுகிட்டயும் ஸ்க்ராப் பண்ணினதை ஊரே பார்த்து கைகொட்டி சிரிச்சுச்சே...! அதை எல்லாம் மறக்க முடியுமா?
* மிரட்டியே 'நல்லவரு வல்லவரு'னு நம்மக்கிட்ட சிக்கின அடிமை எவனையாச்சும் ‘டெஸ்ட்டிமோனியல்’ எழுத வைப்போமே? அதைப் பார்த்து எவளாச்சும் நமக்கு ஃபேனாகி ஸ்க்ராப் பண்ணுவானுதானே கண்ணுல வெளக்கெண்ணெயை வெச்சுண்டு காத்துக் கெடந்தோம்!
* ‘உன் நண்பனைக் காட்டு... நீ யாரென்று சொல்லுகிறேன்!’ - இது பழைய பழமொழி. ‘உன் கம்யூனிட்டியை பார்த்தேன்...நீ மோசமான பேமானி!’ -இதானே 2006-ல ஆர்க்குட் புதுமொழி!
* இன்னிக்கு இன்பாக்ஸ்ல போய் வழிஞ்சாலும் வெளியே தெரியாது ஃபேஸ்புக் சாட்டிங் ரகசியக் காப்பு வசதி. இதுலாம் அன்னிக்கு ஆர்க்குட்ல இல்லாததால ‘ஸ்க்ராப்’ல போய் முரட்டுத்தனமா வழிஞ்சவய்ங்களோட அத்தனை ஸ்க்ராப்களையும் ஒவ்வொரு புரொபைலா போய் படிச்சு செமையாய் டைம் பாஸ் பண்ணினோமே...ஞாபகம் இருக்கா?
* கடவுள் பாதி மிருகம் பாதியா பூராப்பயலுகளும் ‘இறையன்பு ஐ.ஏ.எஸ் கம்யூனிட்டி’லயும் இருப்பாய்ங்கே ‘ஹாட் மல்லு ஆன்ட்டீஸ் கம்யூனிட்டி’லயும் இருப்பாய்ங்கேளே...ஞாபகம் இருக்கா ஜி?
* அந்த இளம் நீல வண்ணப் பக்கங்களில் பிங்க் கலர் ‘orkut’ என்ற வார்த்தை எவ்வளவு அழகு! தெறிக்க வைக்கிற கலர்கள்ல லேஅவுட்டை அடிக்கடி மாத்தி வெச்சு கெத்துக் காட்டுவோமே ஞாபகம் இருக்கா?
* பலபேரு நம்மளோட பழைய ஸ்கூல்மேட்களை இந்த கம்யூனிட்டிகள்லதானே கண்டடைஞ்சோம்? எத்தனை எத்தனை டவுசர்கால நண்பர்களை இதுல மீட்டெடுத்தோம்!
* இதுக்குப்பேருதான் செல்ஃபினு தெரியாமலே நம்மள்ல எத்தனைப் பேரு அப்பவே புரொபைல் படத்தை வெச்சு கெத்துக்காட்டினோம்னு ஞாபகம் இருக்கா?
* ‘இந்த நாள் உன் காலண்டர்ல குறிச்சி வெச்சிக்கோ...
உன்னை விட Fans, Friends, Scraps அதிகமா சம்பாதிச்சி
நீ எப்படி பில்ட்-அப் கொடுக்கறியோ அதே மாதிரி நானும் கொடுக்கல...என் பேருல ஆர்க்குட் கம்யூனிட்டியை ஆரம்பிக்கல...நான் ஆர்க்குட் வெறியன் இல்லடா!’னு பஞ்ச் பேசுனோமே...அந்த கோல்டன் ஆர்க்குட் டைம் இனிமே வருமா?
* மாற்றம் என்ற சொல்லே மாறாதது!’ நாளைக்கு இதே நிலைமை ஃபேஸ்புக்குக்கும் வரலாம். அப்போ எப்படில்லாம் இப்படி மொக்கையா ஸ்டேட்டஸ் போடுவோம்னு இப்பவே யோசிச்சு வெச்சுக்கோங்க மக்களே!
* குட் பை ஆர்க்குட்!