சொத்துக் குவிப்பு வழக்கு நாளை தீர்ப்பு.

தமிழக முதல்வர் ஜெயலலிதாவின் அரசியல் எதிர்காலத்தைத் தீர்மானிக்கும் முக்கிய நாளாக, 2014 செப்.27ஆம் தேதி அமைய உள்ளது. 
 
விடுதலிப்புலிகளால் அச்சுறுத்தல் இப்படி பல பிட்டுகள் .எதுவும் சரிவரவில்லை.

அரசியலில் மாற்றம் வருமா?

யார் வழக்கு தொடுத்தார்கள்? சிரிப்புத் தான் வருகிறது.

தமிழக மக்களும் இந்திய அரசியல் நோக்கர்களும் இந்தியா முழுதும் உள்ள வழக்கறிஞர்களும் நீதித்துறை ஆர்வலர்களும் உன்னிப்பாகக் கவனித்துக் கொண்டிருக்கும், எதிர்பார்த்துக்கொண்டிருக்கும் ஜெயலலிதாவின் சொத்துக் குவிப்பு வழக்கு இறுதிக்கட்டத்தை எட்டியுள்ளது. கடந்த 18 வருடங்களாக இழுத்துக்கொண்டிருந்த வழக்கு விசாரணைகள் முடிவடைந்திருக்கும் நிலையில் செப்டம்பர் 27 அன்று தனது தீர்ப்பைப் பெங்களுரு பரப்பன அக்ரஹாரா சிறப்பு நீதிமன்றம் வழங்க உள்ளது.
 

அதற்கு முன்பு, இவ்வழக்கில் இது வரை நடந்த முக்கிய நிகழ்வுகள் சிலவற்றை இங்கே காண்போம்.

 
நாடாளுமன்ற மாநிலங்களவையில் வெளியிட்ட விவரப்படி, ஜெயலலிதா முதல் முறையாக, முதல் அமைச்சராக பொறுப்பேற்பதற்கு முன்பு அவருக்கு இருந்த சொத்து மதிப்பு அதாவது, 01-07-1991 அன்றைய தேதியில் 2 கோடியே 1 லட்சத்து 83 ஆயிரத்து 957 ரூபாய்.
 
1991ஆம் ஆண்டு முதல் 1996ஆம் ஆண்டு மே திங்கள் வரையில் ஜெயலலிதா தமிழகத்தின் முதலமைச்சராக ஐந்தாண்டுகள் பதவி வகித்ததற்குப் பிறகு 30-04-1996 அன்று ஜெயலலிதாவின் சொத்து மதிப்பு 66 கோடியே 65 லட்சத்து 20 ஆயிரத்து 395 ரூபாயாகும்.

1991-96 காலக் கட்டத்தில் தமிழகத்தில் முதலமைச்சராக இருந்த ஜெயலலிதா, வருமானத்துக்கு மீறிச் சொத்துகளைக் குவித்ததாகத் திமுக அரசு, 1996 டிசம்பரில் வழக்குத் தொடுத்தது.
 
அதில் பொதுவாக மாதம் ஒரு ரூபாய் மட்டுமே சம்பளமாகப் பெறுவதாகக் கூறிய ஜெயலலிதா, தனது முதல்வர் காலத்தின்போது ரூ. 66.65 கோடி அளவுக்கு சொத்துக் குவித்தது எப்படி என்பதுதான் இந்தச் சொத்துக் குவிப்பு வழக்கின் முக்கியக் குற்றச்சாட்டு. 

தமிழக முதலமைச்சர் ஜெயலலிதா மீதான சொத்துக் குவிப்பு வழக்கில் நாளை தீர்ப்பு வழங்கப்படவுள்ளதை முன்னிட்டு தமிழக -கர்நாடக எல்லையில் பாதுகாப்பு அதிகரிக்கப்பட்டுள்ளது.
 
இந்த வழக்கிற்காக பரப்பன அக்ரஹாரா நீதிமன்றத்திற்கு தமிழக முதலமைச்சர் ஜெயலலிதா வரவுள்ளதால் தமிழக - கர்நாடக எல்லை மற்றும் பரப்பன அக்ரஹாரா நீதிமன்ற வளாகம் உள்ளிட்ட இடங்களில் 6000 போலீசார் பாதுகாப்பு பணியில் ஈடுபடுத்தப்பட்டுள்ளனர்.
 
தீர்ப்பு வழங்கப்படும் நாளில் தமிழகத்திலிருந்து ஏராளமான கட்சித் தொண்டர்கள் வரலாம் என எதிர்பார்க்கப்படுவதால் போதிய முன்னெச்சரிக்கை நடவடிக்கைகளை மேற்கொண்டுள்ளதாக பெங்களூரு காவல்துறை ஆணையர் எம்.என் ரெட்டி தெரிவித்துள்ளார்.

மற்றும் ஒரு தருமபுரி பஸ் எரிப்பு சம்பவம் நடக்காமல் இருந்தால் சரி