மகனின் கொலைக்கு நீதி கேட்டு 11 மாதம் உண்ணாவிரதம் இருந்த தந்தை பலி: தாயார் உயிர் ஊசல்

by **ஜனனி** Wed Sep 24, 2014 2:45 pm

காத்மாண்டு, செப். 24–

மகன் கொலைக்கு நீதி கேட்டு 11 மாதம் உண்ணாவிரதம் இருந்த தந்தை பலியானார்.

நேபாளத்தை சேர்ந்தவர் நந்த பிரசாத் அதிகாரி. இவரது மனைவி கங்கா மாயா. இவர்களது மகன் கிருஷ்ண பிரசாத் (19).

கடந்த 2004–ம் ஆண்டில் நேபாளத்தில் உள்நாட்டு போர் நடந்தது. அப்போது மாவோயிஸ்டுகளால் நந்த பிரசாத் அதிகாரியின் மகன் கிருஷ்ணா பிரசாத் படுகொலை செய்யப்பட்டார்.

அவர்கள் மீது நடவடிக்கை எடுக்க கோரியும், தனக்கு நீதி வழங்க வலியுறுத்தியும் நேபாள அரசிடம் நந்த பிரசாத் அதிகாரி கோரிக்கை விடுத்தார். ஆனால் அதை நேபாள அரசு கண்டு கொள்ளவில்லை.
மகனின் கொலைக்கு நீதி கேட்டு 11 மாதம் உண்ணாவிரதம் இருந்த தந்தை பலி: தாயார் உயிர் ஊசல் 0c997f7a-b3ec-4067-a826-5eefa0b10c18_S_secvpf

மகனின் கொலைக்கு நீதி கேட்டு 11 மாதம் உண்ணாவிரதம் இருந்த தந்தை பலி: தாயார் உயிர் ஊசல் 0c997f7a-b3ec-4067-a826-5eefa0b10c18_S_secvpf

அதை தொடர்ந்து நந்த பிரசாத் அதிகாரியும், அவரது மனைவி கங்கா மாயாவும் கடந்த ஆண்டு 47 நாட்கள் உண்ணாவிரதம் இருந்தனர். அதை தொடர்ந்து ஒருவர் கைது செய்யப்பட்டார்.

எனவே உண்ணாவிரதத்தை கைவிட்டனர். அதன் பின்னர் 25 நாட்களிலேயே அவர் விடுதலை செய்யப்பட்டார்.

இதனால் மன வேதனை அடைந்த தம்பதி கடந்த ஆண்டு அக்டோபர் மாதம் முதல் உண்ணாவிரதத்தை மேற்கொண்டனர். அவர்கள் தொடர்ந்து 11 மாதங்கள் இந்த உண்ணாவிரதம் இருந்தனர்.

இதனால் அவர்களது உடல் நிலை மோசம் அடைந்தது. எனவே, இருவரும் காத்மாண்டுவில் உள்ள பிர் ஆஸ்பத்திரியில் அனுமதிக்கப்பட்டனர்.

ஆனால் சிகிச்சை பலனின்றி நேற்று உண்ணாவிரதம் தொடங்கி 332–வது நாளில் நந்தபிரசாத் அதிகாரி மரணம் அடைந்தார். அவரது மனைவி கங்கா மாயாவின் உடல் நிலை மிகவும் கவலைக்கிடமாக உள்ளது.

அவரது உயிர் ஊசலாடுகிறது என டாக்டர்கள் தெரிவித்துள்ளனர்.